Create successful ePaper yourself
Turn your PDF publications into a flip-book with our unique Google optimized e-Paper software.
u shmangën luftërat mes fuqive, nga ana tjetër u shumëfishuan kryengritjet dhe revoltat (lëvizje,<br />
siç quheshin atëherë) të cilat u shtypën gjithnjë me gjak.<br />
Një pakt mes sovranëve bën të mundur shtypjen e kryengritjeve. Një mjet shtypës i<br />
revoltave ishte dhe pakti i Aleancës së Shenjtë të cilën e nënshkruan në Paris më 1815 sovranët e<br />
Rusisë, Prusisë dhe Austrisë. Sipas carit të Rusisë, i cili ishte dhe hartuesi i tij, pakti duhet të<br />
nxiste sovranët të ndihmonin njëri-tjetrin në emër të vëllazërisë së krishterë. Por fuqitë evropiane,<br />
para së gjithash, Austria, nëpërmjet ministrit të shkathët Meternih, e interpretuan atë si një zotim<br />
për të ndërhyrë ushtarakisht kur kryengritjet kërcënonin familjet mbretërore. Kështu, pakti i<br />
vëllazërisë u përdor nga sovranët për të nënshtruar popujt.<br />
Kongresi i Vjenës<br />
Kongresi i Vjenës (objektivat-paqja dhe stabiliteti në Evropë)-mjetet-ekuilibri dhe legjitimiteti; efektet-më<br />
pak luftë më shumë kryengritje.<br />
2 Liberalët u kundërvihen qeverive absolute<br />
Monarkitë e dikurshme absolute kthehen në fron. Pas kongresit të Vjenës, disa sovranë i<br />
ruajtën reformat e kryera gjatë epokës së Napoleonit. Në shumë vende u ruajt edhe kodi i<br />
Napoleonit. Në Francë, mbreti Luigji XVIII, vëllai i mbretit të ekzekutuar, u dha shtetasve një<br />
kushtetutë të moderuar.<br />
Ndërsa disa sovranë të tjerë kërkuan vendosjen e monarkisë absolute. Viktor Emanueli I i<br />
Savojës, për shembull, iu shfaq shtetasve të tij torinezë i veshur si fisnikët e viteve 1700, i<br />
pudrosur, me bishtalecin dhe kapelën me tri qoshe, si dhe u dha poste e ofiqe të njëjtëve<br />
aristokratë që i kishin mbajtur ato në vitin 1792 (shumë prej të cilëve, ndërkohë, qenë plakur<br />
shumë).<br />
Absolutizmit të monarkive të rivendosura iu kundërvunë ngado liberalët. Me këtë emër u<br />
quajtën të gjithë ata që kërkonin kufizimin e shtetit dhe dhënien më tepër liri qytetarëve.<br />
Liberalët ndahen në të moderuar dhe demokratë. Liberalët kërkonin me këmbëngulje si të<br />
drejtën e gjithsecilit lirinë e mendimit, të shprehjes dhe të shtypit (pra mundësinë për të<br />
shprehur lirisht idetë me gojë dhe me shkrim), lirinë e shoqërizimit (mundësinë për t’u<br />
organizuar dhe mbledhur lirisht në grupe), lirinë e besimit (mundësinë e ndjekjes së fesë që<br />
zgjedh vetë)…<br />
Politikisht, liberalët ndaheshin në dy grupe: të moderuar dhe demokratë. Për të parët, forma<br />
më e mirë e qeverisë ishte monarkia kushtetuese, ku pushteti i mbretit të kufizohej nga një<br />
kushtetutë dhe nga një parlament i zgjedhur nga populli. Ndërkohë, të moderuarit nuk ua njihnin<br />
të drejtën për të votuar të gjithë njerëzve, por vetëm atyre që zotëronin një farë pasurie (të quajtur<br />
cens) dhe një farë arsimimi.<br />
Ndërkohë, demokratët ishin për pjesëmarrje të përgjithshme në votime, pra për shtrirjen e të<br />
drejtës së votës mbi të gjithë njerëzit. Shumë prej demokratëve mendonin se një qeveri<br />
republikane mund ta realizonte këtë objektiv më mirë se monarkia.<br />
Liberalët kërkojnë më shumë liri ekonomike. Edhe në fushën ekonomike, roli i shtetit duhet<br />
pakësuar në minimum. Liberalët kërkonin, për shembull, të hiqnin krejtësisht ose të pakësonin<br />
taksat doganore e doganat, pra taksat e mallrave që paguheshin në kufijtë midis shteteve, sepse<br />
ato rrisnin çmimet e prodhimeve dhe pengonin shkëmbimet tregtare. Ata mendonin se<br />
konkurrenca e lirë dhe tregu i lirë mund ta rregullonin jetën ekonomike shumë më mirë se<br />
çfarëdo lloj ndërhyrjeje nga qeveritë.<br />
Ekonomia liberale (liberizmi) mbështetej mbi idetë e Adam Smithit, themeluesit të shkencave<br />
moderne ekonomike dhe kishte si parim themelor ligjin e kërkesës e ofertës, apo ligjin e tregut,<br />
për të cilin kemi folur.<br />
Idetë liberale përhapen. Idetë liberale u përhapën mes aristokratëve më të ndjeshëm dhe të<br />
hapur ndaj risive, pro sidomos mes borgjezëve të cilët po humbin shumë me Restaurimin.