You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
PROFILI I TEMËS<br />
Të orientohesh në hapësirë (hartë e lehtë)<br />
Të llogaritësh kohën (shkalla e kohës)<br />
Protagonistët<br />
Krijo një ide për temën:<br />
Përfaqësuesit e shteteve të vogla paraqiten të zvogëluar dhe nuk marrin pjesë në ndarjen e mallit, por<br />
qëndrojnë në sfond.<br />
Kongresi i Vienës, në një skicë satirike të kohës.<br />
Diplomatët dhe princat e shteteve më të fuqishëm vendosin për fatet politike të Evropës duke ndarë<br />
vende dhe pasuri.<br />
Evropa pas kongresit të Vjenës. Hartë. Diskutim.<br />
Cila perandori nuk ekzistonte më në vitin 1815?<br />
Cilët shtete të rinj lindën në lindje të Francës pas vitit 1815?<br />
Perandoria Ruse, Austriake dhe mbretëria e Prusisë, a u rritën pas vitit 1815?<br />
1 Rivendosen monarkitë absolute të dikurshme<br />
Me kongresin e Vjenës nis epoka e Restaurimit. Përfaqësuesit e vendeve evropiane, të<br />
mbledhur në një kongres në Vjenë, vendosën për të ardhmen politike të Evropës duke u<br />
frymëzuar nga dy parime themelore: baraspesha mes shteteve dhe legjitimiteti. Parimi i<br />
baraspeshës kishte si qëllim parandalimin e forcimit së tepërmi të një shteti aq sa ai të<br />
mbizotëronte të tjerët. Parimi i legjitimitetit vendoste të drejtën e sovranëve të dikurshëm ose të<br />
pasardhësve të tyre që të ktheheshin në fron: kështu, për shembull, Burbonët duhet të ktheheshin<br />
në Paris, Savojët në Torino, papa në Romë, etj.<br />
Kongresi donte të restauronte (apo të rivendoste) gjendjen politike të para revolucionit<br />
francez. Prandaj periudha që pasoi kongresin e Vjenës, nga 1815 deri më 1830, u quajt epoka e<br />
Restaurimit.<br />
Kuadri politik i Evropës pas kongresit të Vjenës. Harta në faqen XXX ilustron sistemimin<br />
politik të Evropës siç e dëshironte kongresi.<br />
Franca humbi të gjitha territoret që kishte pushtuar që nga 1792 e më pas dhe, pastaj, në kufijtë<br />
e saj, u krijua një barrierë shtetesh për të frenuar përpjekjet e ardhshme të mundshme të saj për<br />
ekspansion. Këta shtete kufitare me të ishin Zvicra, Piemonti me Ligurian dhe Vendet e Ulëta,<br />
të cilave iu shtua dhe Belgjika.<br />
Anglia mbajti të gjitha kolonitë franceze, holandeze dhe spanjolle që kishte pushtuar gjatë<br />
luftërave të Napoleonit, duke ripohuar sundimin e saj absolute në det.<br />
Austria la Belgjikën, por mori Lombardinë (që e kishte humbur me paqen e Kampoformios),<br />
republikën e Venecias dhe bregdetin e Dalmacisë.<br />
Ndërsa Italinë, të cilën francezët e kishin bashkuar në republikën italiane, kongresi e copëtoi<br />
përsëri. Gadishulli u nda në shtete të reja. Njëri prej tyre, Lombardo-Veneto, qeverisej<br />
drejtpërdrejt nga Austria ndërsa të tjerëve (si dukata e Parmës dhe Piaçencës, dukata e Modenës<br />
dhe Rexhios dhe dukata e madhe e Toskanës) iu caktuan sovranë që kishin lidhje me<br />
Habsburgët, perandorët e Austrisë. Republika e vogël e Gjenovës u bashkua me mbretërinë e<br />
Sardenjës. Në qendër, shteti i Kishës i mbeti Papës. Në jug, mbretëria e Napolit dhe ai i Sicilisë u<br />
bashkuan në mbretërinë e Dy Sicilive.<br />
Pakësohen luftërat, shtohen revoltat. Pasi krijoi një gjendje baraspeshe mes fuqive, kongresi<br />
i Vjenës arriti t’i sigurojë Evropës një periudhë të gjatë paqeje e cila u quajt “koncerti evropian”.<br />
Por në Vjenë u mbajtën parasysh vetëm interesat e sovranëve dhe jo aspiratat e popujve. Këta<br />
të fundit, pas përvojave të revolucionit dhe të periudhës së Napoleonit, kishin filluar të kërkonin<br />
më tepër të drejta dhe, në disa raste, edhe pavarësinë nga të huajt. Kështu, edhe pse nga njëra anë