You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Në periudhën e quajtur të Terrorit (gusht 1793 – korrik 1794) gjykata revolucionare të<br />
posaçme dërguan në gijotina dhjetëra mijëra njerëz, në shumicën e rasteve pa u dhënë asnjë<br />
mundësi për mbrojtje. Mes të dënuarve, kishte persona të shquar, si ish mbretëresha Mari<br />
Antuanetë, kimisti i njohur Lavuazié, jakobini Danton që donte t’i jepej fund periudhës së<br />
Terrorit dhe shumë zherondinë, fisnikë dhe priftërinj, gjeneralë dhe tregtarë, fshatarë dhe<br />
sankylotë. Për të theksuar vullnetin e ndarjes me të shkuarën, u caktua dhe një kalendar i ri<br />
revolucionar dhe u ftua populli të rebelohej kundër “besëtytnive” fetare.<br />
Grushti i shtetit i jep fund terrorit. Por revolucioni i Vandeas pothuajse u mposht – edhe pse<br />
me çmimin e lartë të masakrave të përgjakshme – ushtria revolucionare theu keqas në Flërys<br />
forcat armike (qershor 1794) dhe hyri përsëri në Belgjikë. Franca tashmë nuk ndodhej më në<br />
rrezik.<br />
Në gjendjen e re të krijuar, regjimi i Terrorit, i cili ishte fryt i një çasti emergjence, nuk kishte<br />
më të drejtë të ekzistonte. Në Konventë u formua një shumicë kundërshtare me Robespierin, i cili<br />
u arrestua më 27 korrik 1794 (më 9 termidor, sipas kalendarit të ri revolucionar) dhe, një ditë më<br />
pas, u ekzekutua në gijotinë pa u gjykuar.<br />
Borgjezia rivjen në pushtet dhe merr hak. Ata që, më 9 termidor, i dhanë fund Terrorit,<br />
përfaqësonin interesat e një borgjezie të përbërë nga pasanikë të rinj, të cilët nuk kishin aspak<br />
ndërmend të ndanin pushtetin me sankylotët dhe masat e fshatarësisë. Prandaj kjo borgjezi nxitoi<br />
t’i jepte Francës një kushtetutë të re - kushtetutën e vitit të tretë (1795) - e cila ua hiqte përsëri<br />
të varfërve të drejtën e votës dhe u jepte borgjezëve lirinë për të vendosur vetë çmimet dhe për të<br />
kryer tregtinë e nevojshme për t’i pasuruar. Pushteti ekzekutiv iu besua një këshilli me pesë<br />
anëtarë që u quajt Direktorat dhe i cili qeverisi Francën nga viti 1795 deri më 1799. Klubet dhe<br />
gazetat jakobine u mbyllën dhe kundër mbështetësve të Robespierit e atyre që konsideroheshin si<br />
të tillë, shpërtheu Terrori i bardhë, pra hakmarrja e kundërshtarëve politikë, e cila ishte<br />
veçanërisht e përgjakshme në jug-lindje të Francës.<br />
Ekzekutimi i Luigjit XVI, në një skicë të kohës.<br />
Fjalë kyç: shtresat e përgjithshme, Deklarata e të drejtave të njeriut dhe qytetarit, klub, jakobinë,<br />
sankulotë, Terror, direktorat.<br />
Tryezë kronologjike: 1789 (5 maj): mblidhen shtresat e përgjithshme; 1789 (14 korrik): marrja e<br />
Bastijës; 1789 (4 gusht)-fundi i regjimit feudal; 1789 (26 gusht)-Deklarata e të drejtave të njeriut dhe<br />
qytetarit; 1792-Franca i shpall luftë Austrisë dhe Prusisë; 1792 (21 shtator)-shpallja e republikës; 1793 (21<br />
janar)-Luigji XVI shkon në gijotinë; 1793-lufta civile në Vandea; 1793-1794-periudha e Terrorit; 1794 (27<br />
korrik)-Roberspieri shkon në gijotinë-merr fund Terrori; 1795-1799-Direktorati.<br />
Përcakto lidhjet<br />
Përgjigju.<br />
Përse në periudhën 1786-1788 shpërthyen në Francë trazira të mëdha?<br />
Cilat ishin shkaqet kryesore të deficitit të shtetit?<br />
Përse Luigji XVI vendosi të thërrasë Shtresat e përgjithshme?<br />
Çfarë shpresonin të arrinin fisnikët, borgjezët dhe fshatarët nga thirrja e Shtresave të përgjithshme?<br />
Tema 5 - 6<br />
Epoka e Napoleonit. Fundi i Perandorisë së Napoleonit.<br />
PROFILI I TEMËS<br />
Të orientohesh në hapësirë (hartë e lehtë)<br />
Të llogaritësh kohën (shkalla e kohës)