Create successful ePaper yourself
Turn your PDF publications into a flip-book with our unique Google optimized e-Paper software.
Përgjithësisht vlerësohet si e Djathtë një lëvizje ose parti në favor të ruajtjes së rendit shoqëror ekzistues<br />
dhe që është kundër ndryshimeve kulturore dhe sociale; e Majtë quhet një lëvizje ose parti në favor të<br />
shndërrimeve dhe që është progresiste, pra e bindur në mundësinë e ndryshimit dhe përmirësimit të<br />
njerëzve dhe të shoqërisë.<br />
Sot kundërvënia tradicionale mes të Djathtës dhe të Majtës (me një qendër të moderuar mes dy prirjeve)<br />
është më pak e prerë dhe është vënë në diskutim.<br />
Sipas mendimit të shumicës, një parti mund të ketë ide të përparuara në një fushë të caktuar, por jo në të<br />
tjera. Mund të jetë, për shembull, një parti progresiste e vendosur kur është fjala për barazinë shoqërore, por<br />
jo fort e gatshme për të zgjidhur problemin e barazisë gjinore apo të të drejtave civile. Apo një parti<br />
konservatore dhe tradicionaliste, por e kujdesshme ndaj ekologjisë dhe respektimit të natyrës. Ky ndërlikim<br />
të fton, më shumë se në të shkuarën, të arsyetosh gjithnjë, edhe në politikë, me mendjen tënde.<br />
4 Terrori dhe hakmarrja: nga qeveria revolucionare te fitorja e borgjezëve<br />
Grupet politike të Konventës. Konventa kishte 749 deputetë. E djathta qe formuar nga<br />
zherondinët, grupi më konservator, i cili kundërshtonte çdo lloj ndryshimi. E majta përbëhej nga<br />
malësorët, jakobinët më revolucionarë, ndërsa në qendër ulej grupi i madh i fushës (i quajtur<br />
edhe këneta), që bashkohej herë me të majtën e herë me të djathtën.<br />
Luigji XVI ekzekutohet në gijotinë. Dallimet mes zherondinëve dhe malësorëve u bënë të<br />
mprehta kur u hap debati i ekzekutimit të ish mbretit Luigji XVI, të akuzuar për tradhti.<br />
Zherondinët bënë gjithçka për ta shpëtuar, ndërsa malësorët donin ta dënonin me vdekje.<br />
Pas një debate që zgjati më tepër se një muaj, ish sovrani u shpall fajtor dhe u dënua me vdekje<br />
në gijotinë (makina që zëvendësonte sëpatën e xhelatit). Sentenca u ekzekutua më 21 janar 1793.<br />
Ekzekutimi i Luigjit XVI trembi gjithë sovranët e Evropës të cilët vendosën të ndalonin<br />
përhapjen e ideve revolucionare.<br />
Kundër Francës u formua një koalicion, pra një bashkim, ku bënë pjesë gati të gjitha vendet<br />
evropiane: përveç Prusisë dhe Austrisë, edhe Anglia, Spanja, Rusia, mbretëria e Sardenjës, shteti i<br />
Kishës dhe mbretëria e Napolit.<br />
Revolucioni në vështirësi: koalicioni antifrancez dhe lufta civile. Për revolucionin nisi<br />
periudha më e vështirë. Vendi qe rrethuar nga armiqtë dhe ushtritë e koalicionit po hynin brenda<br />
tokës franceze. Brenda vendit, lufta civile qe në prag të shpërthimit, sepse në disa rajone, mes të<br />
cilave edhe në Vandea, fshatarët ishin ngritur kundër qeverisë republikane, duke mbrojtur<br />
mbretin dhe fenë. Gjendja ekonomike ishte tepër e rëndë: mungonin mallrat më jetësore dhe,<br />
krahasuar me vitin 1789, çmimet ishin rritur deri në 200%. E kërcënuar nga jashtë e nga brenda,<br />
Franca revolucionare dukej se gjendej në pikën e rrënimit.<br />
Konventa vendosi atëherë t’i jepte pushtet të jashtëzakonshëm një grupi të vogël njerëzish që<br />
formuan Komitetin e shpëtimit publik. Nën drejtimin e malësorit Maksimilien Robespier,<br />
Komiteti u bë organi kryesor i qeverisjes revolucionare dhe nisi të drejtojë Francën me metoda<br />
diktatoriale.<br />
Duke besuar se vetëm aleanca me forcat popullore do ta shpëtonte revolucionin, Komiteti mori<br />
disa masa që populli i dëshironte, si miratimi i çmimeve zyrtare (niveli më i lartë i çmimeve të<br />
produkteve të konsumit të gjerë) dhe vënia e dënimit me vdekje për spekulantët, për ata që blinin<br />
mallra dhe i shisnin me çmim shumë më të lartë.<br />
Nis periudha e terrorit. Kundër armiqve të jashtëm, Komiteti dekretoi rekrutimin në masë, pra<br />
thirrjen nën armë për të gjithë të rinjtë mes 20 dhe 25 vjeç. U formua kështu një ushtri e madhe<br />
popullore dhe revolucionare, e drejtuar nga oficerë të rinj dhe guximtarë, që luftonin me<br />
entuziazëm për mbrojtjen e republikës.<br />
Kundër armiqve të brendshëm, pra kundër rebelëve, kundërrevolucionarëve dhe kundërshtarëve<br />
të qeverisë, shtypja qe e pamëshirshme. Një dyshim sado i vogël mjaftonte për t’u arrestuar,<br />
mjaft të dilje në rrugë pa mbajtur distinktivin trengjyrësh që të denoncoheshe si “armik i<br />
revolucionit”.