You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Populli i Parisit në dritare mbështet revolucionin.<br />
Betimi i lojës së tenisit. Historia e kësaj pikture lidhet me ngjarjet e revolucionit francez. Piktorit Zhak-Lui<br />
David iu porosit kjo tablo që paraqet betimin e tenisit, një nga ngjarjet më të rëndësishme të vitit 1789, që<br />
duhet të bëhej simbol i vetë revolucionit. Kur piktori i dha fund bocetit, 1793, Franca po përjetonte<br />
periudhën e Terrorit: revolucionarët në pushtet kishin ide ekstremiste dhe shumë nga pjesëmarrësit në<br />
betim konsideroheshin armiq të atdheut. Prandaj dhe tabloja mbeti e papërfunduar.<br />
Tre rendet e shoqërisë.<br />
Komento figurat dhe përgjigju pyetjeve:<br />
Cili nga tre rendet është i shtypur?<br />
Cilët janë rendet e privilegjuar?<br />
Çfarë simbolizojnë zinxhirët e këputur?<br />
A kishte drejtësi midis të tre rendeve?<br />
1. Shoqëria franceze në prag të revolucionit<br />
Privilegjet dhe pabarazia shoqërore. Nga fundi i viteve 1700, Franca kishte rreth 26 milion<br />
banorë, të ndarë në tre shtresa tradicionale: kleri, fisnikëria dhe shtresa e tretë.<br />
Kleri dhe fisnikëria, së bashku, përbënin më pak se 2 për qind të popullsisë, por zotëronin<br />
shumicën e tokave, nuk paguanin taksa - ose paguanin shumë pak - dhe gëzonin privilegje të<br />
ndryshme.<br />
Edhe brenda secilës prej tre shtresave ekzistonin dallime të mëdha. Mes fisnikëve, kishte nga<br />
ata që nuk ishin të pasur, madje mezi mbaheshin nga varfëria. Në shtresën e klerikëve, kleri i<br />
lartë, që përbëhej nga peshkopët dhe abatët, shpesh me origjinë aristokrate, zotëronte shumë<br />
pasuri, ndërsa kleri i ulët (priftërinjtë dhe murgjit e fshatrave) jetonte në varfëri. Por dallimet më<br />
të mëdha se dy të parat gjendeshin në shtresën e tretë: në të bënin pjesë borgjezët e pasur<br />
(gjykatës, avokatë, intelektualë...), banorët e qyteteve (artizanët, dyqanxhinjtë, çirakët e<br />
dyqaneve, punëtorët...) dhe të gjithë banorët e fshatit (fshatarë, pronarë të vegjël, mëditës,<br />
barinj), të cilët përbënin dhe masën më të madhe të popullsisë. Fshatarët jetonin në kushtet e<br />
varfërisë. Paguanin shumë taksa - taksa për shtetin, të dhjetën për kishën, taksa të ndryshme për<br />
zotërinjtë vendorë - u duhej të punonin falas për mirëmbajtjen e rrugëve si dhe rekrutoheshin<br />
ushtarë për ushtrinë.<br />
Franca përballet me krizën bujqësore dhe financiare. Nga viti 1786 deri më 1788, prodhimi<br />
i drithit ishte shumë i ulët dhe çmimi i bukës, ushqimi kryesor për popullin, u rrit jashtëzakonisht.<br />
Kështu që në fshat dhe në qytet u përhap pakënaqësia dhe plasën trazira të rënda. Edhe më e<br />
rëndë qe, në ato vite, kriza financiare që përfshiu Francën. Shpenzimet e shtetit ishin rritur pa<br />
ndërprerë që nga koha e Mbretit Diell për shkak të luftërave, luksit të oborrit dhe numrit gjithnjë<br />
në rritje të funksionarëve shtetërorë. Ndihma që iu ishte dhënë kolonive angleze në luftë kundër<br />
atdheut të tyre (10.2) i kishte shterur mundësitë financiare të vendit. Shteti ishte në deficit, pra<br />
paratë që dilnin ishin më të shumta se ato që hynin: rreth 20 për qind në vitin 1788. Por taksat që<br />
rëndonin më së shumti mbi shtresën e tretë nuk mund të shtoheshin më. Për të dalë nga deficiti<br />
mbetej vetëm një rrugë: të paguanin taksa që të gjithë, edhe ata të privilegjuar që ishin përjashtuar<br />
prej tyre, si fisnikët dhe kleri.<br />
Luigji XVI mbledh Përfaqësitë e përgjithshme. Por fisnikët e mbrojtën me këmbëngulje<br />
gjendjen e tyre të privilegjuar duke thënë se vetëm Përfaqësitë e përgjithshme, pra asambleja e<br />
formuar nga përfaqësuesit e të tria shtresave, mund të miratonte vendosjen e taksave të reja. Për të<br />
dalë nga kjo gjendje, mbreti Luigji XVI vendosi në fund të thërriste Rendin e përgjithshëm, që<br />
sovranët në Francë nuk e kishin thirrur prej gati dy shekujsh.<br />
Lajmi i kësaj mbledhjeje ngjalli interes në tërë Francën. Çdo grup shoqëror shpresonte që<br />
asambleja të realizonte dëshirat e saj. fisnikët kërkonin të dobësonin absolutizmin e mbretit dhe<br />
të forconin pushtetin e tyre; shumica e borgjezëve dëshironin të shfuqizonin privilegjet e<br />
fisnikëve dhe t’i jepnin Francës një kushtetutë; fshatarët donin të çliroheshin nga shtypja<br />
feudale e zotërinjve.