Create successful ePaper yourself
Turn your PDF publications into a flip-book with our unique Google optimized e-Paper software.
1. Revolucioni kopernikan<br />
Dijetarët e Mesjetës mendonin se tërë e vërteta ngërthehej në Bibël dhe në veprat e autorëve të<br />
lashtë dhe se s’mbetej asgjë tjetër për t’u zbuluar. Shkenca konsiderohej një aspekt i filozofisë së<br />
Aristotelit, filozofi i madh grek i shekullit IV para Krishtit, përbënin autoritetin më të lartë në<br />
fushën shkencore. Në fillim të viteve 600 ende nuk lejohej të vihej në dyshim ajo që aai kishte<br />
pohuar.<br />
Sipas teorisë tolemaike Toka është në qendër të gjithësisë dhe Dielli rrotullohet rreth saj.<br />
Idetë e Aristotelit mbi gjithësinë u rimorën nga astronomi prej Aleksandrie Tolemeu, në shekullin<br />
II pas Krishtit. Sipas teorisë aristotelo-tolemaike, gjithësia ishte e mbyllur në një rruzull materiali<br />
të tejdukshëm (harku qiellor) ku qenë ngulur yjet. Në qendër të gjithësisë ndodhej Toka, e<br />
palëvizshme. Gjithçka rreth saj rrotullohej, me lëvizje të përsosura rrethore, Hëna, Dielli dhe<br />
planetët (asokohe njiheshin vetëm pesë të tillë), që nuk binin nga hapësira sepse kishin ngecur në<br />
pesë sfera rrotulluese, të ashtuquajturit “shtatë qiej”. Gjithçka ishte e përsosur në qiej, gjithçka e<br />
çoroditur dhe e destinuar të prishej në Tokë.<br />
Universitetet mesjetare dhe Kisha e kishin mirëpritur teorinë tolemaike (të quajtur edhe<br />
gjeocentrike) që dukej se Bibla e vërtetonte.<br />
Revolucioni i Kopernikut: Toka rrotullohet rreth Diellit. Në vitet 500 ndonjë shkencëtar nisi<br />
të paraqesë dyshime mbi disa “të vërteta” që deri atëherë mbaheshin si të palëkundshme. Polaku<br />
Nikola Kopernik, në vitin 1543, paraqiti një teori të re astronomike, të quajtur kopernikiane ose<br />
heliocentrike, sipas së cilës Toka rrotullohet rreth Diellit dhe jo anasjelltas. Në vitin 1609<br />
astronomi gjerman Johan Kepler konfirmoi teorinë e Kopernikut dhe mbështeti idenë se orbitat e<br />
planetit rreth Diellit janë eliptike dhe jo rrethore siç besohej (lëvizja rrethore quhej e përkryer).<br />
Lind shkenca moderne: idetë e reja shkencore u përhapën ngadalë dhe mes vështirësive të<br />
shumta. Doktrina e Kopernikut binte ndesh me Shkrimet e Shenjta, kështu që u dënua menjëherë<br />
nga kalvinistët dhe luteranët (Luteri e quajti Kopernikun “të marrë”) dhe më vonë nga Kisha<br />
katolike.<br />
Gjithsesi studimi i natyrës tashmë po fillonte të shkëputej nga filozofia dhe po dilte si shkencë më<br />
vete, me një metodë të vetën kërkimore, të bazuar te përvoja dhe arsyetimi matematik. Kjo<br />
metodë, e quajtur shkencore apo eksperimentale, është kaq e re dhe rezultatet e kërkimit kaq<br />
tronditëse sa historianët folën për një revolucion shkencor dhe i lidhën vitet 600 me lindjen e<br />
shkencës moderne.<br />
2. Me Galilein dhe Njutonin hedh rrënjë shkenca moderne<br />
Shkenca moderne bazohet në metodën shkencore të kërkimit. Lindja e metodës shkencore ka<br />
si një nga protagonistët më kryesorë shkencëtarin italian Galileo Galilei (1564-1642).<br />
Sipas Galileit shkencëtari duhet të shpjegojë si ndodhin dukuritë natyrore, pa e vrarë mendjen<br />
nëse ato përkojnë ose jo me besimet e filozofisë. Si fillim shkencëtari vëzhgon dukuritë, duke u<br />
interesuar për aspektet e matshme (për shembull koha, hapësira, shpejtësia…). Pastaj ngre një<br />
hipotezë, që duhet të vërtetohet me ekperimente të përsëritura. Nëse ajo nuk vërtetohet nga<br />
praktika, shkencëtari duhet ta lërë mënjanë; nëse vërtetohet, shkencëtari ka zbuluar një ligj, që<br />
mund të gjejë zbatim në të gjitha dukuritë e të njëjtit lloj. Praktika dhe arsyetimi matematikor<br />
janë për Galilein dy instrumentet bazë të metodës shkencore.<br />
Zbulimet astronomike të galileit pohojnë teorinë kopernikiane. Për studimet e tij astronomike<br />
Galilei vendosi të përdorë teleskopin, e shpikur nga një optik hollandez në fillim të viteve 600.<br />
zbulimet e para që bëri ishin të bujshme, në kundërshtim të hapur me teorinë gjeocentrike. Hëna<br />
nuk kishte formë sferike të përsosur, por kishte male dhe hone. Rruga e Qumështit ishte një<br />
grumbull yjesh të padukshëm me sy të lirë dhe kjo të shtynte të hamendësoje për një univers