You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Dy modelet e shtetit: absolut dhe kushtetues<br />
1. Franca drejt monarkisë absolute<br />
Në shekullin XVII si mbreti i Anglisë ashtu dhe ai i Francës bënë të pamundurën për të rritur<br />
pushtetin e tyre, që e konsideronin me prejardhje hyjnore. Ata u përpoqën ta bëjnë të pakufishëm<br />
këtë pushtet, duke e shndërruar në pushtet absolut (nga latinishtja absolutus, pra i çliruar nga<br />
ligjet dhe kontrolli).<br />
Kardinali Rishelië përforcon monarkinë. Në Francë, në vitin 1610, u ngjit në fron i riu Luigj<br />
XIII, bir i Henrikut IV, që për thuajse njëzet vjet u këshillua nga një kryeministër shumë i zoti<br />
dhe energjik, kardinali Rishelië. Ky politikan i shquar donte ta shndërronte Francën në shtetin<br />
më të fuqishëm të Evropës. Ai donte ta bënte Luigjin XIII një monark absolut, duke dobësuar<br />
pushtetin e fisnikëve.<br />
Kundër shumë privilegjeve të aristokratëve, Rishelië krijoi intendentët, funksionarë me origjinë<br />
borgjeze që zëvendësuan fisnikët në qeverisjen e provincave. Vepra e Rishelië-së u vazhdua pas<br />
vdekjes nga kardinali Mazarin, që ishte kryeministër i Luigjit XIV, që u bë mbret vetëm në<br />
moshën 5 vjeç, në vitin 1643.<br />
Fisnikët ngrenë krye, por kryengritja shtypet. Fisnikët shfaqën pakënaqësinë e tyre nëpërmjet<br />
kryengritjeve të armatosura. Më e dhunshmja, që filloi në vitin 1648, njihet si “kryengritja e<br />
Frondës” (nga emri francez i frondës, shpatë e përdorur nga njerëzit e thjeshtë).<br />
Mazarini arriti ta shtypë këtë kryengritje, në vitin 1653, por Luigji i vogël XIV, që u përball me<br />
vrullin e kryengritësve dhe plot dy herë u detyrua të largohet nga Parisi me familjen, nuk e harroi<br />
rrezikun që i kanosej. Në vitin 1661, kur Mazarini vdiq, ai mori pushtet të plotë. Urdhëroi që të<br />
gjitha lajmet për kryengritjen të fshiheshin nga dokumentet dhe mori përsipër ta pakësojë<br />
pushtetin e aristokracisë, në mënyrë që të pengonte rebelimet në të ardhmen.<br />
Luigji XIV “mbreti Diell”. Në Versajë, pak larg nga Parisi, u ndërtua një pallat mbretëror i<br />
mrekullueshëm, i rrethuar nga një park i gjerë, ku përfshiheshin përveç apartamenteve të<br />
sovranëve dhe salloneve të pritjes, edhe qindra dhoma për të pritur fisnikërinë e Francës.<br />
Meqë nuk ishte e mundur të përfitoje asnjë favor nga mbreti, asnjë funksion, asnjë rrogë nëse nuk<br />
bëje jetë oborri, fisnikët më të mëdhenj të Francës rendën në Versajë. Luigji XIV u shpërndau<br />
atyre tituj honorifikë, që nuk kishin ndonjë fuqi konkrete, u hoqi fisnikëve çdo funksion politik<br />
dhe i ktheu në oborrtarë. Gjithçka në oborr dhe në mbarë Francën vërtitej rreth mbretit dhe varej<br />
prej tij. simbol i sovranit ishte Dielli, pamje madhështie dhe shkëlqimi dhe me nofkën “mbreti<br />
Diell” Luigji XIV hyri në histori. Duke ndjekur shembullin e mbretit të Francës, princat dhe<br />
mbretërit e Evropës ndërtuan pallate të mrekullueshëm dhe përdorën si model për oborret e tyre<br />
atë të Versajës. Gjuha frënge u përhap me shpejtësi në radhët e njerëzve të kulturuar dhe të fismë<br />
të çdo vendi, duke zëvendësuar latinishten në marrëdhëniet diplomatike mes shteteve.<br />
Kardinali Rishelië në një portret të Filip dë Shampanjë 1640.<br />
Gjatë pritjeve të përjavshme të Luigjit XIV shërbehej kafe dhe çokollatë, shurupe, pije, verë dhe fruta.<br />
Gdhendje e Antuan Truvenit 1694.<br />
2.Luigji XIV dhe absolutizmi: pushteti i pakufizuar i mbretit<br />
Mbreti përqendron në duart e vetaa tërë pushtetin. Pasi ua hoqi fuqinë fisnikëve, Luigji XIV<br />
e riorganizoi nga rrënjët shtetin. Hoqi funksionin e kryeministrit dhe mori mbi vete tërë<br />
autoritetin sovran. Forcoi pushtetin e intendetëve në provinca, funksionarët e krijuar nga