LIGJI nr.9010, datë 13.02.2003 “PER ... - chemicals.al

të faktit që Ministria e Mjedisit është shndërruar së fundmi në Ministrinë e Mjedisit,
Pyjeve dhe Administrimit te Ujërave, ekziston një nevojë urgjente për të harmonizuar
legjislacionin në fushën e burimeve ujore me atë të ujërave të ndotur dhe për më
tepër për ta harmonizuar të tërin me direktivat përkatëse të BE-se në fushën e
mbrojtjes së ujërave. Ligji trajton më në hollësi çështjet e mëposhtme:
Detyrat e strukturave shtetërore për parandalimin e ndotjes së ujit dhe
pakësimin e ujërave të ndotur;
Detyrimet e personave fizikë dhe juridikë, veprimtaritë e të cilëve shkaktojnë
ujar të ndotur;
Detyrimet e subjekteve të angazhuar me veprimtarinë e trajtimit të ujërave të
ndotur;
Trajtimin e ujërave të ndotur në përputhje me llojin e tyre;
Lejen mjedisore, monitorimin dhe kontrollin.
Ligji Nr. 9010, dt. 13.02.2003 “Për administrimin mjedisor të mbeturinave të
ngurta”
Ky ligj ka në qendër të vëmendjes institucionalizimin e instrumenteve që
mbështesin zhvillimin e qëndrueshëm përmes promovimit të përdorimit racional të
burimeve dhe parandalimit dhe eliminimit të rrezikut për shëndetin e njeriut dhe
mjedisin nga mbetjet. Ligji siguron krijimin e një hierarkie detyrimesh parandaluese
(minimizimi i mbetjeve që në burim deri tek asgjësimi i tyre në fazën përfundimtare).
Ligji nxit parandalimin dhe pakësimin e krijimit të mbetjeve. Ai synon edhe të
pakësojë efektet e rrezikshme të mbetjeve përmes futjes së teknologjive të pastra,
zhvillimeve teknike dhe produkteve të reja në treg, të prodhuara nga riciklimi i
mbetjeve.
Ligji u kushton vëmendje modaliteteve të administrimit mjedisor të mbetjeve
në çdo fazë, ndër të cilave edhe gjatë krijimit, grumbullimit, ndarjes, ruajtjes,
transportit, riciklimit, përpunimit dhe asgjësimit të tyre. Ligji trajton detyrimet e
krijuesve te mbetjeve dhe zotëruesve të tyre. Është e domosdoshme që trajtimi i
mbetjeve në çdo fazë të kryhet pa dëmtuar shëndetin e njeriut dhe mjedisin përreth.
Ligji kërkon që administrimi i mbetjeve të kryhet në përputhje me kushtet e vëna ne
lejet mjedisore përkatëse dhe sipas planifikimit të përshkruar në raportet përkatëse të
vlerësimit të ndikimit në mjedis. Ligji parashikon edhe detyrimin për mbajtjen e
regjistrave dhe raportimin për çdo fazë të administrimit te mbetjeve të ngurta.
Sikurse edhe për ligjet e tjera specifike, ekziston një nevojë e ngutshme për të
plotësuar kuadrin nënligjor përkatës. Në këtë kontekst, kohët e fundit, u përgatit dhe
u miratua nga Kuvendi i Shqipërisë edhe Ligji “Për administrimin mjedisor të
mbetjeve të rrezikshme”. Në vazhdim, pritet të ndërhyhet në të ardhmen e afërt për
t’i shkrirë këto dy ligje me njëri tjetrin dhe për të krijuar një ligj organik për
administrimin mjedisor të mbetjeve të ngurta.
Ligji Nr. 9537, datë 18.05.2006. “Për administrimin mjedisor të mbeturinave
të rrezikshme”
Ky është një ligj i ri, i cili synon mbrojtjen e shëndetit të njeriut dhe mjedisit
nga ndotja dhe dëmi i shkaktuar nga mbeturinat e rrezikshme, nëpërmjet
administrimit mjedisor të tyre në çdo fazë, përfshi krijimin, grumbullimin, ndarjen,