LIGJI nr.9010, datë 13.02.2003 “PER ... - chemicals.al

Ky është ligji kryesor për problemet e vlerësimit të ndikimit ne mjedis, i cili
është trajtuar më me hollësi në aktet përkatëse nënligjore. Megjithatë është evidente
një nevojë urgjente për të hartuar dhe miratuar metodikat dhe standardet konkrete
në përputhje me ato europiane për subjektet, aktiviteti i të cilave sjell dëme në mjedis.
Synimi në një periudhë afatmesme është të parandalohet ndotja e mjedisit përmes një
procesi të kujdesshëm të vlerësimit të ndikimit në mjedis, auditimit mjedisor,
ekspertizës profesionale dhe hartimit të raporteve të hollësishme mjedisore. Më
konkretisht, në ligj jepen rregullat, procedurat, afatet, te drejtat dhe detyrat si më
poshtë:
Për të identifikuar, saktësuar dhe vlerësuar ndikimet e drejtpërdrejta dhe të
tërthorta, të projekteve apo veprimtarive në mjedisin ku do të zbatohen;
Për të krahasuar përparësitë dhe mangësitë e një projekti të propozuar me
variante të tjera, të mundshme, që përmbajnë ndryshime;
Për të siguruar shqyrtim cilësor teknik, profesional, juridik dhe administrativ
të kërkesës dhe të marrjes së vendimit nga organet përkatëse.
Kuadri ligjor kombëtar për mbrojtjen e mjedisit është zhvilluar më tej përmes
miratimit të ligjeve “Për mbrojtjen e ajrit”, “Për trajtimin mjedisor të ujërave të
ndotura”, “Për administrimin mjedisor të mbetjeve të ngurta”, “Për substancat dhe
preparatet kimike” dhe ligjit ”Për administrimin e mbetjeve të rrezikshme”.
Ligji Nr. 8897, datë 16.05.2002 “Për mbrojtjen e ajrit”
Ky ligj identifikon burimet e ndotjes së ajrit (të palëvizshme: impiante
industriale dhe energjetike; dhe të lëvizshme). Ligji kërkon edhe vendosjen e
normave të lejuara (normat e cilësisë së ajrit, normat e shkarkimeve në ajër nga
burimet e palëvizshme dhe të lëvizshme të ndotjes së ajrit, normat e përkohshme të
shkarkimeve në ajër dhe përmbajtjen e lejuar të substancave të rrezikshme në ajër).
Në mbështetje të ligjit është hartuar dhe miratuar një kuadër i plotë nënligjor.
Pavarësisht nga hartimi i legjislacionit, është evident moszbatimi i tij për shkak të
mungesës së pajisjeve dhe stafit teknik të specializuar për të kontrolluar normat e
lejuara. Ekziston gjithashtu një nevojë e ngutshme për të trinuar subjektet ndotës të
ajrit përmes projekteve pilot me qëllim që ato të mund të menaxhojnë regjistrat e
shkarkimit dhe transferimit të ndotësve në ajër, të ngrenë dhe zbatojnë programet e
monitorimit të ajrit, planet e emergjencës, etj. Në mënyrë më konkrete, ligji trajton:
Burimet e ndotjes dhe klasifikimin e tyre;
Treguesit e cilësisë së ajrit;
Kufizimet lidhur me shkarkimet në ajër;
Detyrimet për mbrojtjen e ajrit;
Zonat me mbrojtje të veçantë;
Lejet mjedisore për aktivitetet ndotëse të ajrit.
Ligji Nr. 9115, datë 24.07.2003 “Për trajtimin mjedisor të ujërave të ndotura”
Ky ligj është ligj kuadër që synon mbrojtjen e ujërave dhe kontrollin e ndotjes
së tyre. Ligji është ndërtuar në mënyrë të tillë që të përcaktojë normat e përgjithshme
dhe parimet e menaxhimit të ujërave në Republikën e Shqipërisë. Për më tepër, ligji
është hartuar me qëllim që të kërkojë hartimin dhe miratimin e normave të lejuara të
shkarkimeve në ujar dhe kriteret e zonimit të mjediseve ujore pritës. Pavarësisht nga
miratimi i ligjit, ka mungesa të theksuara fondesh për ndërtimin e impianteve të
trajtimit të ujërave të ndotur (si urbane ashtu edhe industriale).Nga ana tjetër, në sajë