LIGJI nr.9010, datë 13.02.2003 “PER ... - chemicals.al

Për mbrojtjen e mjedisit detar nga ndotja dhe dëmtimi;
Për trajtimin mjedisor të ujërave të ndotur;
Për vlerësimin e ndikimit në mjedis;
Për zonat e mbrojtura;
Për largimin publik të mbeturinave;
Për shërbimin e kontrollit të pesticideve, etj.
Pas miratimit të akteve nënligjore në kuadër të ligjeve të sipërpërmendura,
mund të pohohet që Shqipëria ka tashmë një bazë të plotë ligjore për zgjidhjen e
problematikave që shtrohen nga Konventa e Stokholmit.
Legjislacioni i ri mjedisor ka synuar si më poshtë:
Plotësimin e mangësive ligjore në fushën e mjedisit (deri në vitin 2002 ishte në
fuqi vetëm ligji “Për mbrojtjen e mjedisit” i vitit 1993);
Zhvillimin horizontal të legjislacionit mjedisor (komponentë të veçantë të
mjedisit si ajri, urat, mjedisi detar, mbetjet urbane, mbetjet e rrezikshme, zonat e
mbrojtura, etj., janë tashmë të mbuluara me legjislacion përkatës);
Përfshirjen në ligjet e reja të kërkesave të konventave ndërkombëtare në të cilat
është palë Republika e Shqipërisë, si edhe të direktivave europiane në fushën e
mbrojtjes së mjedisit;
Pajtueshmërinë e plotë të ligjeve për mbrojtjen e mjedisit me Kushtetutën e
Republikës së Shqipërisë, dhe harmonizimin e kërkesave të tyre me ato të ligjeve që
mbulojnë fusha të lidhura me mjedisin;
Instrumentet e mëposhtme ligjore trajtojnë administrimin e NOQ-ve në
Shqipëri, si pjesë e administrimit të kimikateve:
Ligji Nr. 8934, datë 05.09.2002 “Për mbrojtjen e mjedisit”
Kuadri kombëtar ligjor për mbrojtjen e mjedisit është zhvilluar nëpërmjet ligjit
“Për mbrojtjen e mjedisit”. Ai trajton të gjitha çështjet mjedisore, të cilat
karakterizojnë një akt modern europian. Në të jepen parimet kryesorë, ndërsa
hollësitë e tjera ligjore dhe teknike janë parashikuar përmes akteve nënligjore. Ky ligj
hedh edhe bazat për zbatimin e legjislacionit të BE-së i cili kujdeset që publiku të ketë
mundësi njohjeje të informacionit mjedisor, për vlerësimin e ndikimit në mjedis të
strategjive, planeve dhe programeve të ndryshme të zhvillimit si edhe për vlerësimin
e ndikimit në mjedis të projekteve të ndryshme. Përdorimi dhe mbrojtja e përbërësve
të veçantë të mjedisit trajtohet në parim në kapitullin e tretë të ligjit, i cili merret më
në hollësi me: mbrojtjen e tokës, mbrojtjen e shtresës së humusit, mbrojtjen e ujërave,
mbrojtjen e ajrit, mbrojtjen e biodiversitetit, mbrojtjen e mjedisit të ndërtuar nga
njeriu, administrimin e mbetjeve, detyrimet e personave juridikë për mbetjet,
importimin e lëndëve dhe mbetjeve të rrezikshme, kalimin tranzit të mbetjeve, lëndët
e rrezikshme dhe tarifat dhe taksat mjedisore.
Gjithashtu, ligji përshkruan si duhet të bëhet kontrolli për zbatimin e
legjislacionit për mbrojtjen e mjedisit, kush janë organet që ushtrojnë kontrollin mbi
mjedisin, cilat janë detyrat dhe përgjegjësitë e organeve shtetërorë të ngarkuara për
mbrojtjen e mjedisit, si edhe cili është roli i publikut lidhur me mbrojtjen e mjedisit.
Legjislacioni dytësor është miratuar ose është në hartim e sipër për të gjithë
përbërësit e veçantë të mjedisit të përmendur më lart.
Ligji Nr. 8990, datë 23.01.2003 “Për vlerësimin e ndikimit në mjedis”