LIGJI nr.9010, datë 13.02.2003 “PER ... - chemicals.al

Formulimi i strategjive, planeve të veprimit dhe programeve për mbrojtjen e
mjedisit;
Dekretimi i një legjislacioni të ri mjedisor shqiptar;
Krijimi dhe funksionimi i strukturave shtetërore të veçanta për mbrojtjen dhe
menaxhimin e mjedisit;
Përfshirja e shoqërisë civile në problemet mjedisore, kryesisht përmes
aktivitetit të OJF-ve mjedisore;
Përcaktimi i roleve dhe i përgjegjësive të aktorëve kryesorë në fushën e
mjedisit: organeve shtetërore me strukturat përkatëse, shoqërisë civile me publikun e
interesuar dhe OJF-të, biznesit dhe investitorëve të ndryshëm, etj.;
Vendosja dhe funksionimi i një bashkërendimi në shkallë të gjerë me
bashkësinë mjedisore ndërkombëtare, si me organizatat ndërkombëtare,
ndërqeveritare, rajonale dhe globale dhe, në veçanti, me vendet fqinje ose ato të
rajonit dhe më gjerë, etj.;
Integrimi në nismat, planet dhe strategjitë botërore dhe rajonale, duke u bërë
palë nënshkruese e konventave ndërkombëtarë mjedisore, si edhe e protokolleve apo
marrëveshjeve të tjera në këtë fushë;
Formulimi dhe zbatimi në mjedisin shqiptar i shumë projekteve të
rëndësishme mjedisore të mbështetura nga donatorë të huaj, etj.;
Këto 15 vitet e fundit kanë qenë shumë produktive për Shqipërinë, sidomos
për sa u takon ndryshimeve në kuadrin ligjor:
Është miratuar kushtetuta e re;
Janë miratuar ligje dhe kode të reja;
Janë ratifikuar apo është aderuar në konventa të reja, me protokollet përkatëse
të tyre;
Është krijuar një bazë e gjerë zbatuese përmes akteve nënligjore, çka ka
lehtësuar zbatimin e ligjeve të reja, konventave, protokolleve, direktivave të BE-së,
etj.;
Në veçanti, legjislacioni mjedisor është zgjeruar në një masë të
konsiderueshme, kryesisht pas vitit 2002;
Përmirësime të ndjeshme janë bërë në legjislacionet që rregullojnë fushat e
lidhura ngushtësisht me mjedisin, si ato të bujqësisë, rregullimit të territorit, pyjeve,
peshkimit, akuakulturës, etj;
Ka filluar të plotësohet legjislacioni për ushqimin dhe mbrojtjen e
konsumatorit;
Janë krijuar organet përkatëse përgjegjëse dhe rrjeti institucional për kontrollin
e zbatueshmërisë së legjislacionit ekzistues;
Sa lidhet me legjislacionin kombëtar mjedisor, pas vitit 2002, është krijuar një
bazë e fortë ligjore e cila synon mbrojtjen e shëndetit dhe të mjedisit. Tashmë janë në
fuqi ligjet e mëposhtme:
Për mbrojtjen e mjedisit;
Për administrimin mjedisor të mbeturinave të ngurta;
Për administrimin e mbeturinave të rrezikshme;
Për substancat kimike dhe preparatet;
Për mbrojtjen e bimëve;
Për mbrojtjen e ajrit;