LIGJI nr.9010, datë 13.02.2003 “PER ... - chemicals.al

përbashkët, 12 banka me kapital privat të huaj dhe dy banka private vendase. Vitet e
fundit janë bere hapa për të ulur vëllimin e transaksioneve me para në dorë dhe për
të nxitur përdorimin e sektorit bankar, për dhënien e pagave të nëpunësve publikë
nëpërmjet bankave dhe inkurajimin për shlyerjen e faturave të energjisë elektrike dhe
telefonit nëpërmjet sektorit bankar.
Vlera e PBB në vitin 2004 ishte 1,680 EUR për frymë, që përbën 8% të vlerës
përkatëse në BE 25.
Rritja ekonomike e viteve te fundit ka qenë si vijon: 3.4% në 2002; 6.0 % në
2003; 6.0 % në 2004. Inflacioni ka pasur vlerën 2.4% në 2003 dhe 3.4% në 2004.
Papunësia në vitin 2004 ka qenë në nivelin 14.6%.
Shqipëria ndjek Strategjinë Kombëtare të Zhvillimit Ekonomik e Social, qe u
prezantua në nëntor 2001. Kjo strategji synon të përmirësoje qeverisjen dhe të mbajë
një ritëm të lartë rritje ekonomike, si dhe të përmirësojë situatën në arsim, shëndetësi,
dhe infrastrukturë. SKZHES ka edhe një kapitull për mjedisin, ku prioritetet kryesore
janë frenimi i degradimit të mëtejshëm të mjedisit, rehabilitimi i zonave të nxehta dhe
përdorimi i qëndrueshëm i burimeve. Në korrik 2002, Banka Botërore miratoi
Strategjinë e Asistencës për Shqipërinë, që fokusohet në uljen e varfërisë përmes
mbështetjes që i jepet vendit për zbatimin e SKZHES. Banka Botërore do të
mbështesë përmirësimin e qeverisjes dhe forcimin e institucioneve, promovimin e
rritjes së qëndrueshme të sektorit privat, ristrukturimin e sektorit të energjisë,
përmirësimin e infrastrukturave bazë dhe nxitjen e zhvillimit njerëzor. Në kuadër të
Strategjisë së re të Asistencës për Shqipërinë janë miratuar katër projekte (tre për
kreditimin sektorial dhe një për Kreditim për Mbështetje për Uljen e Varfërisë) me një
shumë të përgjithshme prej 61 milion dollarësh amerikanë (rreth 50 MEUR).
Sipas strategjisë për Shqipërinë të Bankës Evropiane për Rindërtim dhe
Zhvillim (BERZH), fokusi i veprimtarisë së saj do të orientohet nga zhvillimi i
sektorit privat dhe mbështetja për Ndërmarrjet e Vogla dhe të Mesme, si edhe
pjesëmarrja në privatizimet strategjike, e veçanërisht në sektorët financiarë dhe të
telekomunikacioneve, apo financimi dhe zhvillimi i infrastrukturave, sidomos në
sektorët e energjisë dhe transporteve. Në fund të vitit 2003, BERZH-i i akordoi
Shqipërisë financime me një vlerë më shumë se 155 MEUR.
Mbështetja e BE-së i vjen Shqipërisë kryesisht përmes programit CARDS.
Asistenca e akorduar për periudhën 2001-2004 ishte 193.4 MEUR. Prioritetet kryesore
të CARDS për Shqipërinë janë drejtësia dhe punët e brendshme, ngritja e
kapaciteteve administrative, zhvillimi ekonomik e social, mjedisi dhe burimet
natyrore (11.4 MEUR) dhe stabilizimi demokratik. Programi CARDS 2005-2006 ka
akorduar 90 MEUR për Shqipërinë. Nga këto 8 MEUR do të shkojnë për mjedisin
(rehabilitim fizik i mjedisit në zonat e nxehta, mbështetje për zbatimin e PKPL, etj.).
2.1.5 Vështrim Mjedisor
Shqipëria ka trashëguar nga e kaluara shumë probleme mjedisore, të cilat u
thelluan më tej gjatë tranzicionit. Në Planin Kombëtar të Veprimit për Mjedisin (1994
dhe 2002) dhe në dokumente të tjera politike të vendit pasqyrohen përparësitë
kryesore mjedisore të vendit që përfshijnë: erozionin e tokës, çpyllëzimet, humbjen e
biodiversitetit, mbetjet urbane, ndotjen e ajrit në zonat qytetëse dhe industriale,
ndotjen e tokës nga mbetjet e rrezikshme e toksike të industrisë së vjetër në të
ashtuquajturat ”Zona të nxehta mjedisore”, etj. Këto të fundit janë trajtuar edhe në