LIGJI nr.9010, datë 13.02.2003 “PER ... - chemicals.al

gjithë vendin është i pamjaftueshëm, ndonëse furnizimi me ujë të rrjedhshëm në
banesa është përmirësuar (9 orë në ditë mesatarisht në fshat, dhe mbi 12 orë në ditë
në qytet). Rreth 80 % e popullsisë që jeton në qytet është e lidhur me rrjetin e ujit, por
në përgjithësi, sistemet e furnizimit dhe pastrimit të ujit janë të vjetruara. Cilësia e ujit
është e dobët dhe humbjet dhe lidhjet e paligjshme në rrjet janë të shpeshta. Vetëm
rreth 40 % e popullsisë në qytet është e lidhur me kanalizimet e ujërave të zeza dhe
trajtimi i tyre, me gjithë masat e marra për financimin e një morie impiantesh trajtimi
të ujërave të zeza në disa qytete, kryesisht bregdetare, vazhdon të jetë pothuaj
inekzistent. Janë në proces decentralizimi dhe privatizimi në këtë sektor.
Në sektorin e energjisë, vazhdojnë përpjekjet për zbutjen graduale të efekteve
të krizës energjetike. Si rezultat i një sërë faktorësh (kushtet më të mira atmosferike
dhe situata më e favorshme hidrike, zbatimi me sukses i Planit të Veprimit 2002-2003
dhe angazhimit të qeverisë shqiptare dhe të donatorëve në drejtim të rehabilitimit të
sistemit të shpërndarjes dhe transmetimit) në vitin 2003 u vu re një përmirësim
relativ: sasia e energjisë së prodhuar u rrit me 56 % më shumë se në vitin 2002, kurse
grumbullimi i detyrimeve u rrit nga rreth 57 MEUR në vitin 2000, në rreth 152 MEUR
në 2003. Në vitin 2003 u miratua ligji i ri për integrimin e Shqipërisë në tregun rajonal
të energjisë, u miratua Strategjia afatgjatë Kombëtare për Energjinë dhe Plani i
Veprimit 2003-2005. Çmimet e energjisë elektrike u rritën me 10% në vit për
konsumatorët familjarë dhe 5% për konsumatorët e tjerë. Këto rritje janë rezultat i
përpjekjeve për t'i sjellë çmimet afër kostos, në bazë edhe të politikës së qeverisë.
Janë aktualisht në proces një numër investimesh për rehabilitimin e burimeve
kryesore gjeneruese të vendit, përmirësimin e koneksionit të Shqipërisë me vendet
fqinjë dhe rindërtimin e rrjeteve të vjetruara dhe të mbingarkuara të transmetimit
dhe shpërndarjes. Megjithatë, rezultatet në drejtim të përdorimit të burimeve
energjetike alternative (për shembull gazi i lëngëzuar nga nafta) dhe promovimit të
diversifikimit të energjisë mbeten akoma të kufizuara.
Ne vitin 2003, Këshilli i Rregullimit të Territorit të Republikës së Shqipërisë
(KRRTRSH) miratoi vendkalimin e propozuar të naftësjellësit transballkanik
ndërmjet Ambo Burgas (Bullgari) dhe Vlorës (Shqipëri). Shqipëria nënshkroi
Memorandumin e Mirëkuptimit të Athinës të vitit 2003 dhe është angazhuar për
ngritjen e një tregu konkurrues të energjisë në rajon.
Me gjithë përparimin e arritur gjatë vitit 2003, kriza në këtë sektor nuk është
kapërcyer ende. Humbjet në rrjet (39 %) dhe lidhjet e paligjshme janë ende të mëdha,
ndërsa niveli i mbledhjes së detyrimeve duhet rritur edhe më tej përmes zbatimit të
planeve të veprimit dhe Strategjisë Kombëtare për Energjinë.
Sektori i telekomunikacioneve është përmirësuar, megjithëse zonat e largëta
ende kanë probleme. Në fund të vitit 2003, numri i pajtimtarëve të Albtelekomit arriti
në 222.000. Ndërkohë, rreth 25 operatorë privatë u ofrojnë shërbim rreth 12.000
përdoruesve në fshat. Numri i përdoruesve të celularëve u rrit nga 800.000 në vitin
2002, në 1.000.000 në vitin 2003. Sipas operatorëve celularë, nga ky shërbim mbulohet
80 % e territorit që përkon me 90 % të popullsisë .
Për shkak të kufizimeve të tanishme të rrjetit dhe çmimeve të larta, aksesi dhe
përdorimi i internetit mbetet i ulët. Numri i pajtimtarëve të internetit është rreth
5.000, ndërsa numri i përdoruesve llogaritet në 30.000.
Sektori bankar shqiptar përbëhet aktualisht nga dy banka me kapital të