LIGJI nr.9010, datë 13.02.2003 “PER ... - chemicals.al

tregjeve të shpërndarjes, etj.
Shqipëria është bërë vend anëtar i OBT-së që në vitin 2000. Planet e saj lidhur
me OBT-në parashikojnë liberalizim gradual të tregtisë deri në vitin 2007. Shqipëria
ka nënshkruar dhe po zbaton të gjitha Marrëveshjet e Tregtisë së Lirë të parashikuara
në Paktin e Stabilitetit për tregtinë.
Bujqësia
Pesha e prodhimit bujqësor në PBB ka ardhur në rënie të vazhdueshme dhe të
ndjeshme nga viti 2000 (51%), në vitin 2003 (28%) kurse në vitin 2004, kontributi i
sektorit në PBB ra në nivelin 25%. Më shumë se një e dyta e popullsisë në Shqipëri
jeton dhe punon në fshat. Ndonëse që prej vitit 1998 tokat e kultivuara janë pakësuar,
në vitin 2003 prodhimi bujqësor u rrit me afro 2 %.
Krahas investimeve publike në sistemin e ujitjes dhe të kullimit, janë rritur
edhe investimet private për serat, vreshtat dhe pemët frutore. Megjithatë, të ardhurat
nga bujqësia mbeten shumë të ulëta krahasuar me ato që vijnë nga punëtorët e
pakualifikuar të qytetit, gjë që ka stimuluar lënien e tokës të pakultivuar dhe
braktisjen e bujqësisë nga një pjesë e mirë e fuqisë punëtore të saj.
Gjatë periudhës 2002-2003, u vunë re rritje në sektorë të veçantë të bujqësisë.
Agro-industria u rrit me 6%, ndërsa pjesa e investimeve të sektorit bankar në këtë
fushë u rrit me 22%.
Rritja në sektorin e bujqësisë vazhdon të mbetet prioritare në planin
afatmesëm. Gjithsesi, arritja e këtij objektivi varet shumë nga infrastruktura dhe
rrjetet e dobëta të marketingut. Edhe tregu i tokës krijon vështirësi në krijimin e
ekonomive të mëdha bujqësore. Kapërcimi i këtyre vështirësive kërkon ngritjen e një
sistemi kreditimi të fermerëve, përmirësimin e infrastrukturës dhe furnizimin me
energji, zgjidhjen e problemit të pronësisë së tokës si dhe formim dhe transferimin e
njohurive tek bujqit.
Për sa i përket transportit, aktualisht prioritare mbetet përfundimi i
korridoreve Lindje-Perëndim (Durrës-Varna, nëpërmjet Tiranës dhe Sofjes) dhe Veri-
Jug (i cili lidh Greqinë me Malin e Zi). Përveç mbështetjes ndërkombëtare, qeveria
shqiptare ka akorduar fonde të buxhetit të shtetit (rreth 40 MEUR nga buxheti i vitit
2003; rreth 50 MEUR nga buxheti i vitit 2004) për sektorin e transportit, veçanërisht
për të mbuluar koston e shpronësimeve për ndërtimin e rrugëve dhe mirëmbajtjen e
tyre, si edhe për të financuar disa rrugë në veri të vendit. Edhe bashkëpunimi rajonal
po zgjerohet nëpërmjet zhvillimit të Rrjetit të Transportit Rajonal të Evropës
Juglindore.
Me synim privatizimin e portit të Durrësit janë marrë disa masa, si
përmirësimi gradual i infrastrukturave portuale, rikonstruksioni i kalatave,
rehabilitimi i vinçave dhe ndërtimi i një terminali të ri për tragetet. Gjithashtu, janë
në proces edhe masa për rehabilitimin e portit të Vlorës. Ne Aeroportin
Ndërkombëtar të Tiranës, është ndërtuar një terminal i ri dhe janë marrë masa në
drejtim të përmirësimit të kontrollit të hapësirës ajrore dhe rritjes së sigurisë së
aeroportit.
Lidhur me administrimin dhe infrastrukturën e ujërave, në vitin 2003 u
miratua Strategjia Kombëtare për Furnizimin dhe Pastrimin e Ujërave dhe Strategjia
Rurale e Furnizimit me Ujë dhe Kanalizimeve. Megjithatë, zbatimi i tyre akoma është
në një fazë fillestare dhe rezultatet ende s'janë të dukshme. Furnizimi me ujë në të