LIGJI nr.9010, datë 13.02.2003 “PER ... - chemicals.al

Kuvendit Popullor (Parlamentit) me 140 deputetë të zgjedhur për 4 vjet. Ky organ
zgjedh presidentin e Republikës që ka mandat 5 vjeçar dhe të drejtë rizgjedhjeje edhe
për një mandat tjetër.
Ne Kushtetutën e vitit 1998, qeverisja vendore është konceptuar si
vetëqeverisje. Ky parim u jep mundësi organeve të vetëqeverisjes vendore që të
rregullojnë e menaxhojnë vetë, sipas kompetencave e përgjegjësive të tyre, çështjet
më të rëndësishme publike, në interes të popullsisë dhe të subjekteve të zonës
përkatëse.
Sipas ligjit “Mbi funksionimin dhe organizimin e qeverisjes vendore” (2000),
organet e pushtetit vendor e ushtrojnë aktivitetin e tyre në përputhje me parimin e
autonomisë, duke mbajtur lidhje me pushtetin qendror. Autonomia e organeve të
qeverisjes vendore është politike, legjislative, administrative e financiare.
Organet e pushtetit vendor janë persona juridikë, që synojnë vazhdimësinë e
qeverisjes nëpërmjet komunave, bashkive dhe qarqeve (prefekturave).
Organi përfaqësues i komunës ose bashkisë është këshilli komunal ose
bashkiak. Organi ekzekutiv i komunës dhe bashkisë është kryetari i komunës dhe i
bashkisë. Organ përfaqësues i qarkut është këshilli i qarkut. Funksionet ekzekutive
në qark kryhen nga kryetari dhe kryesia e këshillit të qarkut.
Shqipëria përbëhet nga 12 prefektura (Berat, Dibër, Durrës, Elbasan, Fier,
Gjirokastër, Korçë, Kukës, Lezhë, Shkodër, Tiranë, Vlorë), 36 rrethe, 65 bashki dhe
309 komuna. Prefekturat përbëhen nga disa komuna e bashki, që kanë lidhje
gjeografike, tradite (historike), ekonomike dhe sociale, si dhe interesa të përbashkëta.
Nën-ndarjet e prefekturave (qarqeve) janë rrethet. Çdo rreth përbëhet nga 1 deri në 2
bashki (zakonisht qytetet kryesore) dhe mesatarisht 8 deri në 9 komuna. Çdo komunë
përbëhet nga mesatarisht 9 fshatra (rrallë herë në përbërje të komunave ka edhe
qytete të vogla, me më pak se 5.000 banorë). Fshatrat që ndodhen pranë qyteteve, në
disa raste, janë përfshirë në përbërje të bashkive. Në bashkitë që kanë më shumë se
15.000 banorë krijohen nën-ndarjet e bashkive ose njësitë bashkiake (shih Fig. 3 Harta
administrative e RSh).
Sipas ligjit të lartpërmendur, disa nga kompetencat e Këshillit të çdo komune
(bashkie) janë:
të marrë masa për mbrojtjen e ripërtëritjen e mjedisit, monumenteve me vlera
historike dhe kulturore, si dhe të parqeve dhe pasurive natyrore,
të vendosë sipas ligjit për krijimin e shoqërive të përbashkëta me komunat e
bashkitë e tjera si dhe me firmat e brendshme e të jashtme për kryerjen e
veprimtarive me interes reciprok,
të vendosë për nënshkrimin e marrëveshjeve të bashkëpunimit me organe
homologe të huaja, etj.