LIGJI nr.9010, datë 13.02.2003 “PER ... - chemicals.al

njerëzve.
TË DHËNA BAZË TË VENDIT
2..1 Profili i Vendit
2..1.1 Pozita Gjeografia dhe Kushtet Natyrore
Shqipëria gjendet në pjesën perëndimore të Gadishullit të Ballkanit, në brigjet
lindore të deteve Adriatik dhe Jon. Territori i saj ndodhet midis koordinatave 42°39'
(Vermosh) e 39°38' (Konispol) të gjerësisë gjeografike veriore dhe 21°4' (Vernik) e
19°16' (ishulli i Sazanit) të gjatësisë gjeografike lindore. Brenda kufijve të sotëm
politikë, të caktuar në Konferencën e Ambasadorëve të mbajtur në Londër në vitin
1913, Republika e Shqipërisë, me shtrirje 335 km nga veriu në jug dhe 150 km nga
lindja në perëndim, ka një sipërfaqe prej 28.748 km². Gjatësia e kufirit shtetëror të
Shqipërisë është 1094 km, nga i cili 657 km janë kufij tokësorë, 316 km kufij detarë, 48
km kufij lumorë dhe 72 km kufij liqenorë. Në veri, Shqipëria ka kufij të përbashkët
me Malin e Zi dhe Kosovën, në lindje me Maqedoninë, ndërsa në jug e juglindje
kufizohet me Greqinë.
Shqipëria ndodhet në kryqëzim të rrugëve të rëndësishme tokësore, detare
dhe ajrore që lidhin Perëndimin me Lindjen. Dalja e gjerë në detet Adriatik e Jon dhe,
nëpërmjet tyre, në detin Mesdhe është një faktor shumë i rëndësishëm për lidhjet e
gjithanshme me botën, të cilat ndihmojnë në zhvillimin ekonomik të vendit. Brigjet
shqiptare të Adriatikut ndodhen vetëm 72 km larg atyre italiane. Pozita gjeografike
mundëson përfshirjen e Shqipërisë në itinerare të rëndësishme turistike mesdhetare
dhe europiane. Në aspektin strategjik, Shqipëria kontrollon kanalin e Otrantos, që
është porta kryesore hyrëse në Adriatik.