LIGJI nr.9010, datë 13.02.2003 “PER ... - chemicals.al

ealizimi i programit të monitorimit, prandaj do të jetë e nevojshme edhe mbështetja
e donatorëve.
Për ta bërë sa më të efektshëm përdorimin e burimeve njerëzore dhe
financiare, në këtë fushë janë të domosdoshme studimet dhe kërkimet shkencore.
Tani për tani, kapacitet e kërkimit për të gjitha aspektet që lidhen me inventarët e
shkarkime të NOQ-ve dhe teknologjitë për pakësimin ose eliminimin e tyre janë të
kufizuara. Janë kryer vetëm disa studime sporadike në Fakultetin e Shkencave të
Natyrës në Universitetin e Tiranës, në Institutin e Shëndetit Publik pranë Ministrisë
së Shëndetësisë, ECAT Tirana dhe UNEP lidhur me përmbajtjen e PCB-ve në
Lagunën e Karavastasë dhe në territoret e ndotura të ish-uzinës ku prodhohej
HCH/lindani përpara vitit 1990, si dhe në qumështin e gjirit të nënave në po këtë
zonë.
Teknologjitë më të Mira të Disponueshme si dhe Praktikat më të Mira
Mjedisore, janë ende shumë pak të njohura në komunitet e ndër specialistët që
punojnë në institutet kërkimore dhe ndërmarrjet prodhuese.
Në të ardhmen, mbi bazën e të dhënave të monitorimit dhe të inventarëve
përkatës e të plotë të kimikateve NOQ, si dhe të zonave të ndotura, të cilat janë
përshkruar në Planet e Veprimit të aktiviteteve përkatëse, do të planifikohen dhe
kryhen studime e projekte për të eliminuar praninë e tyre në territorin e Shqipërisë
dhe rehabilitimin e zonave të ndotura nga NOQ-të. Vënia në jetë e këtyre projekteve
do të bëhet në përputhje me detyrimet që rrjedhin nga Konventa e Stokholmit dhe
ato që do të përcaktojë Plani Kombëtar për NOQ-të. Autoriteti qendror për mbrojtjen
e mjedisit në Shqipëri në bashkëpunim me ministritë përkatëse, do të duhet të
bashkërendojnë edhe punën kërkimore dhe monitoruese në nivel vendi.
Qëllimi kryesor strategjik i shkëmbimit të informacionit është që të mundësojë
shkëmbimin e informacionit për prodhimin, përdorimin dhe çlirimin e përbërjeve të
NOQ-ve, duke përfshirë informacionin për vetitë e tyre të dëmshme dhe për kostot
sociale e financiare që mund të sjellin.
Palët në Konventën e Stokholmit mund ta shkëmbejnë këtë informacion me
kontakte të drejtpërdrejta mes tyre ose nëpërmjet Sekretariatit të Konventës. Për këtë
qëllim duhet përcaktuar një pikë fokale kombëtare, e cila të veprojë si ndërlidhës
ndërmjet Konventës dhe të gjitha palëve të interesuara, që do të marrin pjesë në
shkëmbimin e informacionit në nivel ndërkombëtar dhe lokal.
Strategjia për shkëmbimin e informacionit do të mbështetet në:
shkëmbimin e informacionit ndërkombëtar, dhe
shkëmbimin e informacionit kombëtar.
Shkëmbimi i informacionit ndërkombëtar përmbledh informacionin ndërmjet
shteteve palë të Konventës, organizatave ndërkombëtare dhe forumeve. Shkëmbimi i
informacionit në nivel kombëtar do të bëhet në kohën e duhur ndërmjet të gjitha
palëve të interesuara për problemet e NOQ-ve (ministritë, agjencitë, OJF-të, shoqatat
profesionale, etj.).
Pikë Fokale për Konventën e Stokholmit është Ministria e Mjedisit, e Pyjeve
dhe e Administrimit të Ujërave. Ajo do të luajë rolin e pikës qendrore të aktivitetit
për shkëmbimin e informacionit, si dhe do të jetë përgjegjëse për zbatimin e këtij
programi, për çështjet administrative dhe problemet teknike. Për këtë qëllim, pranë
kësaj ministrie do të ngrihet Zyra e Regjistrimit të Kimikateve, e cila do të mbulojë