LIGJI nr.9010, datë 13.02.2003 “PER ... - chemicals.al

Problemet përparësore
Nivel i ulët i informacionit dhe ndërgjegjësimit, te të gjithë grupet e popullatës
per NOQ-të;
Nivel i ulët ndërgjegjësimi për pasojat në shëndet dhe mjedis nga
keqadministrimi i vend-depozitimeve të mbetjeve urbane;
Nivel i ulet ndërgjegjësimi për NOQ-t te subjektet e interesuara të sektorëve
publik dhe privat.
Objektivat
Rritja e ndërgjegjësimit për NOQ-të te të gjithë subjektet e interesuara dhe
publiku i gjerë.
Plani i Veprimit
Rritja e informimit dhe ndërgjegjësimit te komuniteteve që janë të prekur nga
ndotja me NOQ, duke i informuar për efektin e tyre në shëndetin e njeriut dhe në
mjedis;
Rritja e informimit dhe ndërgjegjësimit të publikut në përgjithësi lidhur me
ndikimin e NOQ-ve në shëndetin e njerëzve dhe mjedisin;
Rritja e kapaciteteve të OJF-ve mjedisore, për ndërgjegjësimin e publikut dhe
shpërndarjen e informacionit mjedisor për NOQ-të në media dhe me mjetet e tjera
sensibilizuese;
Inventarizimi i shpërndarjes së NOQ-ve në Shqipëri ka treguar se këto
kimikate janë të pranishme në një sasi të rrezikshme vetëm në disa zona të veçanta të
vendit. Do të ishte mjaft i efektshëm një program fushatash publike për informimin
dhe ndërgjegjësimin e publikut të veçantë të këtyre zonave.
Monitorimi, Raportimi, Shkëmbimi i Informacionit dhe Kërkimi shkencor
Në Programin e monitorimit të elementeve dhe faktorëve të mjedisit (VKM
Nr. 103, dt. 31.3.2002) nuk është parashikuar monitorimi i NOQ-ve në përgjithësi ose
i kimikateve të veçanta që bëjnë pjesë në grupin e NOQ-ve. Kërkesat e Konventës së
Stokholmit dhe situata e konstatuar mbas kryerjes së inventarit paraprak të NOQ-ve
në Shqipëri, diktojnë domosdoshmërinë e programimit të masave ligjore,
institucionale dhe teknike për të realizuar monitorimin e NOQ-ve.
Në Planet e Veprimit për kategoritë e ndryshme të NOQ-ve janë parashikuar
edhe masat përkatëse që lidhen me monitorimin, kryesisht në ato mjedise që
konsiderohen të kontaminuara nga përdorimi ose depozitimi i NOQ-ve, siç janë:
DDT, lindani, HCH, PCB, dioksinat dhe furanet. Ky monitorim do të mbulojë vendet
ku janë depozituar këto kimikate, territoret pranë tyre, ujërat sipërfaqësore,
nëntokësore dhe ajrin përreth, kafshët shtëpiake pranë këtyre territoreve të ndotura,
si dhe komunitetet e njerëzve që jetojnë aty pranë. Shtrirja e zbatimit të programit të
monitorimit për NOQ-të do të përditësohet duke shtuar ose hequr zona a mjedise
dhe kimikate NOQ, në varësi të rezultateve të monitorimit.
Spektri i monitorimit është i gjerë dhe përfshin analiza kimike në mjedise dhe
denduri të ndryshme. Një ndërmarrje e tillë, pa dyshim, kërkon kapacitetet e
nevojshme profesionale si edhe bazë materiale, në përputhje me nivelin e cilësisë së
analizave dhe të dyja së bashku kanë nevojë për mbështetjen e duhur financiare për
sigurimin e aparaturave, trajnimin e stafeve përkatës dhe mbulimin e kostove që
kërkon programi i monitorimit të NOQ-ve. Shqipëria ka mundësi të kufizuar
financiare për t’i përmbushur me forcat e veta të gjitha kërkesat që do të kërkojë