LIGJI nr.9010, datë 13.02.2003 “PER ... - chemicals.al

pesticide që i përkasin grupit të NOQ-ve: aldrin, dieldrin, DDT, endrin, mireks,
toksafen, klordan, heksaklorbenzen dhe heptaklor.
Fillimisht, në vendin tonë janë importuar dhe, më vonë, janë formuluar në
Ndërmarrjen Kimike, Durrës, pesticidet DDT, heptaklor, aldrin, dieldrin, toksafen
(melipaks), klordan, heksakloran dhe lindan, i cili gjithashtu është prodhuar në këtë
ndërmarrje. Edhe pse prodhimi i pesticideve është ndërprerë në vitin 1990, rreziku i
rrjedhur prej tyre ka qenë i dukshëm.
Nga inventari i bërë në vitin 2005 në kuadrin e Projektit të NOQ-ve ka rezultuar se në
Shqipëri nuk ka pesticide të këtij grupi. Një sasi prej rreth 3 ton DDT dhe
heksakloran/lindan, e cila kanë qenë ruajtur në depot e Ministrisë së Shëndetësisë,
është riambalazhuar dhe larguar nga Shqipëria në muajin korrik 2006, në kuadrin e
projektit të MMPAU: “Ripaketimi dhe largimi nga Shqipëria i pesticideve dhe i
kimikateve të tjera nga Bishti i Pallës”, financuar nga qeveria holandeze. Problem
është përcaktimi i kostos së ndotjeve eventuale nga përdorimi i mëparshëm i
pesticideve NOQ.
Ekzistojnë vetëm disa studime sporadike lidhur me ndikimin e pesticideve NOQ në
mjedis. Këto studime janë kryer në vendet që konsiderohen si pika të nxehta
mjedisore dhe nuk ka ndonjë studim të plotë për tërë situatën në vend në lidhje me
ndotjet e tokës apo ujit nga pesticidet NOQ. Në këtë kontekst, sugjerohet të
planifikohet monitorimi i këtyre pesticideve kryesisht në ish – depot, hapësirën
tokësore apo ujore rreth e rrotull dhe, në raste të veçanta, te kafshët shtëpiake dhe
njerëzit.
Problemet përparësore
Përshtatja e legjislacionit në fuqi për përdorimin e pesticideve;
Informacion jo sistematik rreth përdorimit në të kaluarën i DDT (dokumente rreth
sasive të importuara dhe të përdorura të DDT në sektorin e shëndetësisë);
Mungesa studimit për nivelin aktual të ndotjeve në ish depot e magazinimit të
pesticideve, po kështu edhe në mjedisin rreth tyre;
Autoritetet vendore kanë një informacion të pamjaftueshëm në lidhje me pesticidet
NOQ (në veçanti në depot e vjetra);
Stafi teknik ka një informacion të pamjaftueshëm në lidhje me pesticidet NOQ
(mundësitë e ndotjes të depove të vjetra);
Mungesa e informacionit specifik në lidhje me pesticidet te publiku në përgjithësi;
Mungesa e një mbështetjeje financiare.
Objektivat
Forcimi i kapacitetit të laboratorëve të IMB për monitorimin e pesticideve NOQ;
Përcaktimi i ndotjeve eventuale nga pesticidet NOQ në ish depot dhe në hapësirën
përreth tyre;
Zhvillimi i planit të rehabilitimit për vendet e ndotura nga pesticidet NOQ;
Rritja e ndërgjegjësimit rreth këtyre vendeve të ndotura në lidhje me rrezikun
shëndetësor te njerëzit që jetojnë pranë tyre.
Plani i Veprimit
Përgatitja e një amendamenti të VKM për kryerjen e analizave të pesticideve NOQ.
Kryerja e analizave të niveleve të mbetjeve të pesticideve NOQ, në ish depot dhe
vendet e kontaminuara, duke përfshirë edhe vlerësimin e ndikimit mjedisor të tyre;
Forcimi i kapacitetit njerëzor dhe teknik i laboratorit analitik në Institutin e Mbrojtjes