LIGJI nr.9010, datë 13.02.2003 “PER ... - chemicals.al

krahasueshme me atë të popullsisë së vendeve të zhvilluara. Shqiptaret zënë 98% te
strukturës etnike te popullsisë.
Industritë që punojnë tani në Shqipëri përfshijnë agro-industrinë, industrinë tekstile,
të veshmbathjes, drurit, naftës, çimentos, industrinë kimike, minerare dhe të
përpunimit të metaleve, dhe industrinë hidro-energjetike. Bashkimi Europian është
partneri tregtar kryesor i Shqipërisë. Eksportet kryesore të vendit janë në sektorët e
tekstileve, këpucëve, metaleve dhe mineraleve, naftës bruto, perimeve, frutave dhe
duhanit. Importet kryesore përfshijnë produkte industriale dhe shumë produkte të
tjera të përpunuara.
Sektori industrial është ende i dobët. Kontributi i sektorit të bujqësisë në PBB-në e
vendit ka pasur një rënie të konsiderueshme gjatë 5 viteve të fundit. Ka përfunduar
privatizimi i ndërmarrjeve të vogla e të mesme, ndërsa privatizimi i ndërmarrjeve të
mëdha ka qenë më i ngadaltë. Sistemi energjetik është akoma i dobët dhe kriza
energjetike nuk është zgjidhur ende. Sektori i telekomunikacioneve është
përmirësuar, por akoma ka probleme në zonat e thella. Numri i përdoruesve të
celularëve është rritur mjaft, ndërsa mbeten të kufizuara mundësia e lidhjes me
internet dhe përdorimi i tij. Në sektorin e transportit prioritet kryesor mbetet
përfundimi i korridoreve Lindje-Perëndim dhe Veri-Jug.
Shqipëria ka trashëguar shumë probleme mjedisore nga e kaluara, të cilat janë
thelluar gjatë tranzicionit. Prioritetet kryesore mjedisore mbulojnë erozionin e tokës,
shpyllëzimet, humbjen e biodiversitetit, mbetjet urbane, ndotjen e ajrit në zonat
qytetëse dhe industriale, ndotjen e tokës prej mbetjeve të rrezikshme nga industritë e
vjetra, etj. Janë trashëguar edhe probleme të tjera në nivelin e institucioneve,
legjislacionit, kulturës dhe edukatës mjedisore, etj. Megjithëse gjatë tranzicionit janë
bërë përparime, sidomos në fushën e institucioneve, politikave, legjislacionit,
ndërgjegjësimit, etj. mbetet akoma shumë për të bërë. Investimet në infrastrukturën
mjedisore vlerësohen si një masë e rëndësishme për zbatimin e legjislacionit dhe
respektimin e standardeve Europiane.
Që nga viti 2000 Shqipëria është anëtare në OBT dhe zbaton të gjitha marrëveshjet e
tregtisë së lirë në kuadër të Paktit të Stabilitetit.
Më 12 qershor 2006 Shqipëria nënshkroi Marrëveshjen e Stabilizim Asocimit me
Komisionin Evropian, e cila parashtron detyra të rëndësishme për mjedisin dhe
zhvillimin e qëndrueshëm. Vlerësimi i Çështjeve dhe Plani i Veprimit lidhur me
NOQ-të në Shqipëri
Forcimi i Kuadrit Ligjor dhe Rregullator
Në lidhje me kuadrin rregullator ekzistues në Shqipëri janë evidentuar këto çështje :
Në legjislacionin kombëtar nuk ekziston asnjë ligj i veçantë ose akt tjetër nën-ligjor, i
cili të jetë në kundërshtim me dispozitat e Konventës së Stokholmit;
Deri më tani nuk ka asnjë akt specifik ligjor që të trajtojë NOQ-të;
Në disa ligje dhe akte nënligjore, si edhe në disa dokumente të tjera shtetërore për
mjedisin, ekzistojnë hapësira për trajtimin e ardhshëm të NOQ-ve në përputhje me
kërkesat e Konventës;
Përgatitja e kuadrit ligjor specifik për të bërë të mundur zbatimin e kërkesave të
Konventës si pjesë e përpjekjeve të përgjithshme për të transpozuar dhe harmonizuar
legjislacionin kombëtar me atë evropian në fushën e mbrojtjes së shëndetit të njeriut e