LIGJI nr.9010, datë 13.02.2003 “PER ... - chemicals.al

ezikshme, kërkon zbatimin me konsekuencë të masave mbrojtëse e parandaluese
për ruajtjen e shëndetit të njeriut dhe të mjedisit në Republikën e Shqipërisë, mbi
bazën e një kuadri të plotë ligjor dhe institucional, të harmonizuar me kërkesat e
Konventës së Stokholmit dhe me Direktivat e Bashkimit Evropian.
Në këtë kontekst përgatitja e PKV-së është në përputhje me objektivat e Planit
Kombëtar të Veprimit për Mbrojtjen e Mjedisit, të miratuar nga Qeveria Shqiptare më
2002, njëri prej synimeve të të cilit është “zbutja dhe parandalimi i problemeve
mjedisore”.
Procesi i përgatitjes së PKV-së, është mbështetur në Udhëzimet e Fondit Global për
Mjedisin për Konventën e Stokholmit dhe ka kaluar nëpër pesë kategori kryesore
veprimtarish:
1: Përcaktimi i mekanizmit të bashkërendimit dhe organizimi i procesit;
2: Hartimi i inventarit të NOQ-ve dhe vlerësimi i infrastrukturës dhe i kapaciteteve
kombëtare;
3: Vendosja e përparësive dhe caktimi i objektivave;
4: Formulimi i Planit Kombëtar të Veprimit dhe i Planeve të veçanta të veprimit për
NOQ-të;
5: Miratimi i PKV-së nga palët që lidhen me administrimin e NOQ-ve.
Për realizimin e aktiviteteve të parashikuara në udhëzimet përkatëse të GEF-it, u
ngritën disa Grupe Pune sipas problematikave përkatëse.
Grupet e Punës realizuan për herë të parë inventarin paraprak të NOQ-ve në nivel
vendi dhe, mbi këtë bazë, identifikuan problemet që do të trajtoheshin dhe duheshin
zgjidhur në kuadrin e PKV, në përputhje me politikën e Qeverisë Shqiptare për
mbrojtjen e mjedisit, si dhe me kërkesat e Konventës së Stokholmit e të Bashkimit
Evropian për heqjen nga përdorimi dhe eliminimin e NOQ-ve.
PKV duhet të jetë një dokument dinamik që kërkon jo vetëm angazhimin në procesin
e zbatimit të tij të institucioneve e organizatave qendrore dhe vendore, publike dhe
private, por edhe një monitorim e vlerësim të kujdesshëm dhe, mbi këtë bazë,
përditësimin e tij, për të qenë vazhdimisht koherent me zhvillimet ekonomikosociale-mjedisore
të vendit dhe, në një kontekst, më të gjerë me zhvillimet
ndërkombëtare që kanë në qendër të vëmendjes mbrojtjen e mjedisit e të shëndetit të
njerëzve.
Profili i Shqipërisë
Shqipëria ndodhet në pjesën perëndimore të Gadishullit të Ballkanit, në brigjet
lindore te deteve Adriatik dhe Jon, ne zonën e klimës sub-tropikale Mesdhetare, qe
është shume e përshtatshme për aktivitetet jetësore dhe socio-ekonomike. Vendi
është i pasur me burime minerare, ujëra, florë dhe faunë, etj. Kjo e fundit është
dëmtuar shume nga gjuetia pa kriter, shpyllëzimet, tharja e ligatinave dhe kënetave,
përdorimi i kimikateve ne bujqësi, ndotja e tokës, ajrit dhe ujit, etj.
Shqipëria është Republikë Parlamentare. Popullsia e saj në vitin 2001 ishte rreth
3,069,275 banorë. Gjatë periudhës 1989-2001 kanë emigruar rreth 0.6 milion shqiptarë.
Më shumë se një e dyta e popullsisë është përqendruar ne ultësirën bregdetare.
Mosha mesatare e popullsisë është më e reja në Evropë, kurse jetëgjatësia është e