LIGJI nr.9010, datë 13.02.2003 “PER ... - chemicals.al

f) monitorimit të pluhurave, nëse ka të tillë;
g) emergjencave gjatë së cilës janë ndjekur procedurat e emergjencës.
2. Organi i kontrollit informohet menjëherë, nëse gjatë funksionimit ose monitorimit
të impiantit është vënë re ndonjë parregullsi që mund të ketë pasoja negative në
shëndet e në mjedis.
3. Nëse operatorit të venddepozitimit i është kërkuar të instalojë puse monitorimi të
ujërave nëntokësore dhe të monitorojë cilësinë e ujërave nëntokësore nën vendin e
depozitimit, operatori mirëmban puset vëzhguese të ujërave nëntokësore dhe
monitoron cilësinë e ujërave tokësore për dhjetë vjet pas mbylljes së venddepozitimit.
4. Operatori siguron, gjithashtu, garanci financiare për mirëmbajtjen e vazhdueshme
të puseve monitoruese të ujërave nëntokësore dhe për të monitoruar cilësinë e
ujërave nëntokësore për dhjetë vjet pas mbylljes së venddepozitimit.
5. Pronari i impiantit përgatit dhe përditëson për furnizuesit e mbetjeve një udhëzues
me shkrim, i cili shpjegon kriteret dhe procedurat për pranimin apo refuzimin e
mbetjeve në impiant.
Neni 18
Kontrolli
Organet e qeverisjes vendore, inspektorati i mjedisit dhe policia e ndërtimit ushtrojnë
kontroll të vazhdueshëm mbi gjeneruesit e mbetjeve të ndërtimit, venddepozitimet
dhe impiantet e trajtimit të tyre.
Neni 19
Sanksionet
Shkelësit e kërkesave të kësaj rregulloreje, ndëshkohen me sanksione sipas
specifikimeve të bëra në legjislacionin mjedisor dhe konkretisht në zbatim të neneve
32-33 të ligjit nr. 9010, datë 13.2.2003 “Për administrimin mjedisor të mbetjeve të
ngurta”.
Neni 20
Zbatimi
1. Ministria e Punëve Publike, Transportit dhe Telekomunikacionit dhe Ministria e
Mjedisit, Pyjeve dhe Administrimit të Ujërave dhe organet e qeverisjes vendore,
ngarkohen për zbatimin e kësaj rregulloreje.
2. Zbatimi i kësaj rregulloreje është i detyrueshëm për të gjithë personat fizikë dhe
juridikë që prodhojnë, zotërojnë, depozitojnë, trajtojnë apo asgjësojnë mbetje
ndërtimi.
Neni 21
Hyrja në fuqi
1. Kjo rregullore hyn në fuqi pas botimit në Fletoren Zyrtare.
Adresa: Blv. “Dëshmorët e Kombit”, Tiranë, Shqipëri, Tel: +355 4 226629 Fax: +355 4 228430 bashkiatirane@tirana.gov.al
8498