LIGJI nr.9010, datë 13.02.2003 “PER ... - chemicals.al

publikut dhe pjesëmarrjen e tij në vendimmarrje;
h) informacione dhe masa të tjera.
5. Plani kombëtar fillestar hartohet për një periudhë të paktën dhjetëvjeçare. Planet e
tjera të mëvonshme do të hartohen për periudha pesëvjeçare.
6. Plani kombëtar miratohet brenda dy viteve nga hyrja në fuqi e këtij udhëzimi.
7. Nën drejtimin e Ministrisë së Mjedisit, Pyjeve dhe Administrimit të Ujërave,
ministritë e linjës dhe institucionet e tjera të qeverisjes qendrore apo vendore
bashkëpunojnë për hartimin e planit kombëtar të administrimit të mbetjeve të ngurta
sipas kërkesave të këtij udhëzimi. Në rastin kur plani kombëtar hartohet me
konsulencë të huaj, ato mbështesin me të dhëna dhe ndihmojnë aktivisht në
koordinimin dhe lehtësimin e procesit të hartimit të tij.
Planet rajonale të administrimit të mbetjeve të ngurta:
8. Plani rajonal hartohet brenda një viti nga miratimi i planit kombëtar të
administrimit të mbetjeve të ngurta, në përputhje me parimet, objektivat dhe synimet
e caktuara prej tij.
9. Plani rajonal hartohet për një periudhë kohore jo më pak se 10 vjet. Plani rajonal
rishikohet dhe përmirësohet çdo 5 vjet.
10. Plani rajonal specifikon masat që duhen marrë nga organet e qeverisjes vendore
në zbatim të objektivave të planit kombëtar të administrimit të mbetjeve të ngurta.
11. Plani rajonal përmban objektiva specifike si më poshtë:
a) Të realizojë objektivat e planit kombëtar të administrimit të mbetjeve të
ngurta brenda territorit të rajonit;
b) të parandalojë ose minimizojë prodhimin apo rrezikshmërinë e mbetjeve;
c) të nxisë dhe mbështesë përdorimin, përpunimin dhe riciklimin e mbetjeve;
d) të sigurojë që këto mbetje (në rastet kur nuk mund të parandalohen apo
riciklohen) të asgjësohen pa rrezikuar shëndetin e njerëzve dhe mjedisin;
e) të përforcojë bashkëpunimin ndërmjet qeverisë lokale dhe rajoneve në të
gjithë territorin e vendit;
f) të sigurojë financimin e qëndrueshëm të masave të planit, përmes zbatimit
të parimit, ndotësi paguan dhe parimit të rimbursimit të plotë të kostos;
g) të përforcojë bashkëpunimin ndërmjet sektorëve publikë dhe privatë në
administrimin e mbetjeve.
12. Plani rajonal rregullon mënyrën e monitorimit të masave që merren në zbatim të
tij.
13. Në procesin e hartimit të planit rajonal, këshilli i qarkut realizon informimin dhe
konsultohet me publikun sipas kërkesave të ligjit nr.8990, datë 23.1.2003 “Për
vlerësimin e ndikimit në mjedis”.
14. Në rast se është e domosdoshme, brenda një viti nga miratimi i planit kombëtar,
këshilli i qarkut përmirëson planin rajonal që të jetë në përputhje me planin
kombëtar.
15. Për rishikimin dhe përmirësimin e planit rajonal, këshilli i qarkut siguron që ky
plan të jetë në përputhje me:
a) të gjitha planet e veta për mjedisin, për tokën apo për zhvillimin;
b) planet kombëtare për mjedisin, tokën apo zhvillimin;
c) planet e ngjashme të qarqeve kufizuese të territorit të tij ose vendimet e
marra në organet e qeverisjes vendore të tyre.
Adresa: Blv. “Dëshmorët e Kombit”, Tiranë, Shqipëri, Tel: +355 4 226629 Fax: +355 4 228430 bashkiatirane@tirana.gov.al
8476