LIGJI nr.9010, datë 13.02.2003 “PER ... - chemicals.al

shkarkimeve të NOQ-ve dhe teknologjitë për pakësimin ose eliminimin e tyre janë të
kufizuara. Janë kryer vetëm disa studime sporadike në Fakultetin e Shkencave të
Natyrës në Universitetin e Tiranës, në Institutin e Shëndetit Publik pranë Ministrisë
së Shëndetësisë, ECAT Tirana, dhe UNEP lidhur me përmbajtjen e PCB-ve në
lagunën e Karavastasë dhe në territoret e ndotura të ish-uzinës ku prodhohej
HCH/lindani përpara vitit 1990, si dhe në qumështin e gjirit të nënave në po këtë
zonë.
Teknologjitë më të Mira të Disponueshme si dhe Praktikat më të Mira
Mjedisore janë ende shumë pak të njohura në komunitet e ndër specialistët që
punojnë në institutet kërkimore dhe në ndërmarrjet prodhuese.
Në të ardhmen, mbi bazën e të dhënave të monitorimit dhe të inventarëve
përkatës e të plotë të kimikateve NOQ, si dhe të zonave të ndotura, të cilat janë
përshkruar në Planet e Veprimit të aktiviteteve përkatëse, do të planifikohen dhe
kryhen studime e projekte për të eliminuar praninë e tyre në territorin e Shqipërisë
dhe rehabilitimin e zonave të ndotura nga NOQ-të. Vënia në jetë e këtyre projekteve
do të bëhet e mundur në përputhje me detyrimet që rrjedhin nga Konventa e
Stokholmit dhe ato që do të përcaktojë Plani Kombëtar për NOQ-të.
Autoriteti qendror për mbrojtjen e mjedisit në Shqipëri në bashkëpunim me
ministritë përkatëse duhet të bashkërendojnë punën kërkimore dhe monitoruese në
nivel vendi.
3.3.8 Strategjia për Shkëmbimin e Informacionit dhe Raportimi
Qëllimet strategjike dhe prioritetet
Qëllimi kryesor strategjik i shkëmbimit të informacionit është që të mundësojë
shkëmbimin e informacionit për prodhimin, përdorimin dhe çlirimin e
komponimeve të NOQ-ve dhe alternativave të tyre, duke përfshirë informacionin për
vetitë e tyre të dëmshme dhe për kostot sociale dhe financiare që mund të sjellin ato.
Shtetet Palë të Konventës së Stokholmit mund ta shkëmbejnë këtë informacion
me kontakte të drejtpërdrejta ndërmjet tyre ose nëpërmjet Sekretariatit të Konventës.
Për të arritur këtë qëllim duhet përcaktuar një pikë fokale kombëtare, e cila të veprojë
si ndërlidhës ndërmjet Konventës dhe të gjitha palëve vendase të interesuara që do të
marrin pjesë në shkëmbimin e informacionit në nivelet ndërkombëtare dhe lokale.
Është e rëndësishme të theksohet që informacioni i shkëmbyer për shëndetin e
njeriut dhe sigurinë dhe për ndikimin në mjedis nuk do të trajtohet si konfidencial
për qëllimet e Konventës. Për informacion tjetër shtetet palë do të bien dakord për
konfidencialitetin e tyre.
Udhëzues për politikën e shkëmbimit të informacionit
Strategjia për shkëmbimin e informacionit do të bazohet për:
- shkëmbimin e informacionit ndërkombëtar, dhe
- shkëmbimin e informacionit kombëtar.
Shkëmbimi i informacionit ndërkombëtar përmbledh informacionin e
shkëmbyer midis shteteve palë te Konventës, organizatave ndërkombëtare dhe
forumeve. Shkëmbimi i informacionit në nivel kombëtar bëhet në kohën e duhur
midis të gjitha palëve të interesuara për problemet e NOQ-ve (ministritë, agjencitë,
OJF-të, shoqatat profesionale, etj.).
Organizimi i pikës fokale kombëtare për shkëmbimin e informacionit
Pikë Fokale për Konventën e Stokholmit është Ministria e Mjedisit, e Pyjeve