LIGJI nr.9010, datë 13.02.2003 “PER ... - chemicals.al

NOQ-ve, janë identifikuar disa mundësi menaxhimi, si më poshtë:
Të hartohet dhe të zbatohet një rregullore në lidhje me administrimin,
trajtimin, monitorimin, heqjen nga përdorimi dhe eliminimin e vajit e pajisjeve të
ndotura me PCB;
Të hartohet dhe të zbatohet një udhëzues i brendshëm i KESH-it për
administrimin, trajtimin dhe heqjen nga përdorimi të transformatorëve të ndotur me
PCB;
Të trajnohen punonjësit përgjegjës për trajtimin dhe mirëmbajtjen e
transformatorëve;
Krijimi i kapaciteteve laboratorike për kryerjen e analizave për praninë e PCB–
ve në vajrat e transformatorëve;
Zbatimi i veprimtarive për rritjen e ndërgjegjësimit të publikut, puna e të
cilëve lidhet me praninë e PCB-ve;
Rehabilitimi gradual i vendeve të ndotura me PCB;
Eliminimi i vajit mineral të ndotur me PCB
Hartimi dhe zbatimi i një programi kombëtar për monitorimin e PCB-ve.
Shënim: Zgjedhja alternative 1 është përfshirë në Planin e Veprimit për
Forcimin Institucional dhe Ligjor. Zgjedhja 5 është përfshirë në Planin e Veprimit për
Ndërgjegjësimin e Publikut.
Në vijim përshkruhen me hollësi zgjedhjet alternative të propozuara për
realizimin e objektivave. Për secilën zgjedhje jepet një tekst shpjegues që përshkruan
aktivitetin, kohën e zbatimit dhe kostot e parashikuara për zbatimin e tij.
Strategjia e zbatimit
2. Të hartohet dhe zbatohet një udhëzues i brendshëm i KESH-it mbi
menaxhimin, trajtimin dhe nxjerrjen nga përdorimi të transformatorëve të ndotur me
PCB.
KESH disponon një “Rregullore për sigurinë dhe përdorimin teknik të
pajisjeve dhe instalimeve elektrike” të përgatitur nga Inspektorati i Pajisjeve dhe
Instalimeve Elektrike dhe të miratuar nga Ministria e Ekonomisë, Tregtisë dhe
Energjetikës. Gjithashtu një dokument tjetër i rëndësishëm i përgatitur në kuadrin e
Normës Europiane EN 50110-1 dhe që shërben si rregullore e brendshme e KESH-it
është Sistemi i Menaxhimit të Sigurisë dhe Shëndetit.
Në bazë të problemeve specifike që karakterizojnë sektorët e energjetikës në
këtë kuadër, janë përgatitur udhëzues dhe procedura të brendshme në lidhje me
mirëmbajtjen e pajisjeve elektrike dhe që ndihmojnë në zbatimin sa më mirë të këtyre
dokumenteve të rëndësishëm.
Për shkak të mungesës deri tani të informacionit për PCB-të, nivelit të ulët të
ndërgjegjësimit për njohjen dhe rrezikun e tyre në njerëz dhe mjedis, në Shqipëri nuk
ekziston ndonjë udhëzues për menaxhimin, trajtimin dhe nxjerrjen nga përdorimi të
transformatorëve të ndotur me PCB.
Në Shqipëri, pjesa më e madhe e mbeturinave të pritshme me PCB mendohet
të jenë vajra të ndotura me PCB (jo vaj PCB). Është shumë e rëndësishme të
përgatiten udhëzues dhe procedura me qëllim ndalimin e ndotjes së mëtejshme të
pajisjeve gjatë procesit të mirëmbajtjes së tyre. Gjithashtu, është shumë e rëndësishme
vendosja si kriter përparësor në këto rregullore; nxjerrja jashtë përdorimit e
transformatorëve të ndotur me PCB që janë më të vjetër sesa limitet e vendosura.