LIGJI nr.9010, datë 13.02.2003 “PER ... - chemicals.al

Strategjia dhe Elementet e Planit Kombëtar të Veprimit
3.1 Deklaratë e politikave
Me qëllim që të përmbushen detyrimet që rrjedhin nga qenia palë në
Konventën e Stokholmit, janë të nevojshme të ndërmerren aksionet në vijim:
Përgatitja dhe zbatimi i Strategjisë dhe Planit të Veprimit për heqjen nga
përdorimin dhe shkatërrimin e Ndotësve Organikë të Qëndrueshëm (NOQ).
Hartimi, në përputhje me direktivat përkatëse të Bashkimit Evropian, i kuadrit
ligjor për administrimin mjedisor të NOQ-ve, duke përfshirë normat e lejuara për
NOQ-të në elementet e mjedisit, shkarkimet nga aktivitetet ekonomike, monitorimin
dhe limitet në produktet ushqimore.
Hartimi i një baze ligjore rregulatore për grumbullimin dhe ruajtjen e PCB-ve
e të pajisjeve që përmbajnë PCB.
Informimi nëpërmjet formave dhe mjeteve të ndryshme të komunikimit i
institucioneve përgjegjëse qendrore dhe vendore, aktorëve industrialë, subjekteve të
kontrollit, institucioneve arsimore dhe kërkimore, mjeteve të shkruara dhe
elektronike të komunikimit, sindikatave dhe publikut, mbi rreziqet për shëndetin e
njeriut dhe mjedisin, që burojnë nga ndotja prej NOQ-ve, në përgjithësi, dhe prej
dioksinave e furaneve, në veçanti
Përcaktimi i institucioneve për monitorimin e NOQ-ve në mjedis (ajër, ujë,
tokë dhe mjediset biologjike) dhe përcaktimi i institucioneve përgjegjëse për kryerjen
e monitorimit (marrjen e mostrave dhe të analizave përkatëse).
Kryerjen e inventarit për burimet kryesore të ndotjes nga dioksinat/furanet
dhe PCB-të që shkarkohen në mjedis dhe krijimi i bankës së të dhënave (regjistri i
inventarit të NOQ-ve).
Krijimi i një kadastre për prodhimin, shpërndarjen, përdorimin, importin dhe
eksportin e NOQ-ve dhe mbeturinave të ndotura me NOQ.
Sigurimi i kontrollit nga institucionet përkatëse i ruajtjes, transportimit dhe
shkatërrimit të NOQ-ve.
Sigurimi nga buxheti i shtetit ose nga burime të tjera financiare i fondeve për
kërkimin dhe zhvillimin në fushën e administrimit të NOQ-ve.
Realizimi i çertifikimit të detyruar mbi përmbajtjen e NOQ-ve në produktet
ushqimore dhe lëndët e para.
Zhvillimi dhe zbatimi i teknologjive dhe prodhimeve të pastra për
minimizimin e përdorimit dhe shkarkimit në mjedis të NOQ-ve.
Zgjerimi dhe forcimi i bashkëpunimit, këmbimit të informacionit shkencor për
administrimin e NOQ-ve dhe përdorimin e teknologjive më të mira të mundshme
(TMM) dhe të praktikave më të mira mjedisore (PMM).
3.2 Strategjia e Zbatimit
Në këtë pjesë përshkruhen aksionet e parashikuara në PKV, për të
përmbushur detyrimet e Konventës së Stokholmit, duke pasqyruar situatën specifike
të vendit. Mbështetur në analizën e situatës në vend, kërkesat e Konventës së
Stokholmit si dhe të traktateve të tjera ndërkombëtare dhe politikat kombëtare në
këtë drejtim, në zbatim të prioriteteve dhe objektivave kombëtare për NOQ-të, janë
identifikuar opsionet për forcimin institucional dhe rregullator, menaxhimin e NOQve,
aktivitetet për rritjen e ndërgjegjësimit dhe kërkimin dhe zhvillimin.
Zgjedhjet e propozuara do t’u nënshtrohen planeve të veçantë të veprimit.