LIGJI nr.9010, datë 13.02.2003 “PER ... - chemicals.al

Është ndjekur çdo hap i procesit të inventarizimit të grupeve të tjera, duke
informuar vazhdimisht publikun nëpërmjet lajmeve dhe raporteve të botuara në
gazetën “Ekolëvizja” dhe në disa gazeta të përditshme dhe stacione televizive. Në
prill dhe maj të vitit 2005, janë botuar në gazetën “Ekolëvizja”, dy artikuj rreth NOQve
dhe ndikimit të tyre në shëndetin njerëzor dhe mjedis.
Janë shtypur dhe shpërndarë në disa qytete të Shqipërisë fletëpalosje rreth
NOQ-ve. Është përgatitur një film dokumentar dhe një spot televiziv rreth NOQ-ve.
Të dyja këto janë dhënë në televizionet kombëtare.
Vlerësim i NOQ-ve lidhur me ndërgjegjësimin e grupeve të veçanta të
popullsisë
Grupe të veçanta popullatash në Shqipëri kanë nivele të ndryshme
informacioni dhe ndërgjegjësimi për çështjen e NOQ-ve. Në përgjithësi, publiku e di
që përdorimi i pesticideve shoqërohet me rreziqe, por nuk di pothuajse asgjë për
ndikimet konkrete të grupit të kimikateve të NOQ-ve dhe të secilit kimikat në veçanti
apo se si veprojnë ato në organizmat e gjalla. Përgatitja e fletëpalosjeve, filmave
dokumentar dhe publikimi i spoteve publicitar për NOQ-të ka një ndikim të
fuqishëm në informim/ndërgjegjësimin e publikut. Mënyra e publikimit të këtyre
materialeve ndërgjegjësuese, duke i përsëritur disa herë në mjetet e komunikimit, ka
dhënë rezultate më të mira në ndërgjegjësim. Megjithatë informacioni dhe
ndërgjegjësimi për NOQ-të, është akoma i mangët.
Problemet përparësore dhe objektivat e administrimit
Problemet përparësore
Nivel i ulët i informacionit dhe ndërgjegjësimit, në gjithë grupet e popullatës
për NOQ-të;
Nivel i ulët ndërgjegjësimi për pasojat në shëndet dhe mjedis nga
keqadministrimi i vend-depozitimeve të mbeturinave urbane;
Nivel i ulet i ndërgjegjësimit për NOQ-të i subjekteve të interesuara të
sektorëve publik dhe privat.
Objektivat
Rritja e ndërgjegjësimit për NOQ-të te të gjithë subjektet e interesuara dhe
publiku i gjerë.
2.3.7 Përcaktimi i popullatave dhe i mjediseve të prekura; vlerësimi i shkallës
dhe përmasave të kërcënimeve të shëndetit publik dhe cilësisë së mjedisit; rrjedhojat
sociale për punonjësit dhe komunitetin.
Në këtë kapitull jepet një vështrim i shpejtë për popullatat e zbuluara ndaj
rrezikut të mundshëm të NOQ-ve.
Porto-Romano në Durrës, pranë Detit Adriatik, aty ku më parë ndodhej ish-
Uzina Kimike, ka trashëguar një sasi lindani, që ishte lënë jashtë çdo kontrolli. Kjo
Uzinë konsiderohej si zona me ndotje më të lartë me NOQ në vend.
Për shkak të afërsisë me detin dhe shpëlarjeve të vazhdueshme të tokës së
ndotur me pesticide në stinët me shira, peshkatarët dhe familjet e tyre, por edhe
blerësit e peshkut në zonën e Porto-Romanos, mund të kenë qenë të zbuluar për vite
të tëra ndaj pesticideve NOQ. Të zbuluara mund të kenë qenë edhe familjet që
konsumonin perime të rritura vetë në kopshtet private dhe qumësht nga lopët e kësaj
zone, pasi për shkak të zinxhirit ushqimor, dozat e tyre të përditshme mund t’i kenë