LIGJI nr.9010, datë 13.02.2003 “PER ... - chemicals.al

Zjarret në Pyje
Në vitin 2002, janë djegur rreth 54.6 hektarë pyje dhe 39.6 ha kullota. Drejtoria
e Pyjeve ka forcuar masat përkatëse për pakësimin e zjarreve të pakontrolluara. Me
zbatimin më rigoroz të legjislacionit dhe përmirësimet e mëtejshme në këtë drejtim,
do të arrihet edhe pakësimi i zjarreve në pyje.
Problemet parësore dhe objektivat për administrimin e NOQ-ve.
Problemet përparësore
Përmirësimi i kuadri ligjor dhe institucional për kontrollin efektiv të çlirimit të
NOQ-ve prodhuar në mënyrë të paqëllimshme;
Sistem i dobët i administrimit të mbetjeve (sistem administrimi i
papërshtatshëm dhe djegie e pakontrolluar e mbetjeve)
Depozitimi i mbetjeve spitalore jashtë kritereve mjedisore.
Nivel i ulët ndërgjegjësimi për rrezikshmërinë lidhur me çlirimin e
paqëllimshëm nga aktorët kryesorë dhe publiku në përgjithësi.
Kontribuesi kryesor i shkarkimeve të PCDD/PCDF në Shqipëri është
kategoria e proceseve të djegieve të pakontrolluara, të cilat përfshijnë venddepozitimet/dambat,
zjarret dhe djegia në ambient të hapur e mbetjeve urbane. Kjo
kategori llogaritet në 73.54% të shkarkimeve kombëtare në ajër. Kontribuesi më i
rëndësishëm i shkarkimeve të PCDD/PCDF në ujë është depozitimi i mbetjeve
urbane me 100% të shkarkimeve.
Për shkak të infrastrukturës së varfër, kapacitetit dhe rritjes së shpejtë të
popullsisë, kjo kategori pritet të jetë ende dominuese në burimet e shkarkimeve në
Shqipëri. Megjithatë, këtij problemi është duke iu dhënë përparësi për të arritur që të
gjithë Shqiptarët të jenë të mbrojtur nga ekspozimi. Një nga faktorët më kritik është
që mbeturinat depozitohen pjesërisht në zonat apo sheshet e depozitimit dhe që nuk
ka një sistem të ndarjes së mbetjeve në vend-depozitim.
Sistemi i menaxhimit të mbetjeve spitalore nuk është funksional dhe do të
kërkojë një rishikim total për minimizimin, ndarjen, mbledhjen dhe transportin për
në vend-depozitimin përfundimtar për pakësimin e dukshëm të çlirimeve të
PCDD/PCDF nga këto aktivitete.
Niveli i aktiviteteve industriale në vend është i pakët dhe si pasojë shumë
kategori burimesh të PCDD/PCDF, që normalisht lidhen me këtë sektor, pothuajse
mungojnë, kështu që shkarkimet e PCDD/PCDF janë të pandjeshme. Ka një kapacitet
të ulët të parandalimit të ndotjeve në sektorin industrial, megjithëse futja e TMD dhe
PMM në këtë sektor do të ulë më tej shkarkimet e NOQ-ve si dhe do të ndihmojë në
zbatimin e prodhimit të pastër.
Në përgjithësi ka një shkallë të ulët ndërgjegjësimi të publikut për problemet
mjedisore dhe rrezikun për shëndetin që vijnë nga djegia në mjedis të hapur të
mbetjeve dhe keq-menaxhimit të vend-depozitimeve. Për më tepër, autoritetet
vendore dhe Organizatat Jo-Fitimprurëse (OJF) nuk janë të përfshira sa duhet në
sensibilizimin e publikut për problemet e NOQ-ve.
Çlirimi i PCDD/PCDF nuk mund të ulet nëse palët e përfshira nuk kanë
njohuritë e nevojshme. Veprimet e përbashkëta të këtyre palëve janë të nevojshme
për të sjellë ndryshimet e kërkuara në mënyrën e të sjellurit. Njohuritë për
shkarkimeve na japin mundësi të bëjmë një vlerësim të nevojave për veprim. Kjo