LIGJI nr.9010, datë 13.02.2003 “PER ... - chemicals.al

ndërtim. Prodhimi i kësaj uzine për vitin 2004 ishte 140 000 ton.
Nga uzinat që administron shoqëria “Darfo” vetëm linja e prodhimit të ferrokromit
në Elbasan është në funksionim me një kapacitet të prodhimit vjetor prej
40.000 ton.
PCDD/PCDF e çliruara në këto aktivitete janë rreth 1.6 % të shkarkimeve
totale.
3. Prodhimi i energjisë dhe ngrohja
Prodhimi i energjisë, ngrohja dhe gatimi, llogarisin shkarkime shumë të paktë
të NOQ-ve jo të qëllimshëm. Energjia elektrike dhe djegia e drurit, përbëjnë
pothuajse burimet e vetme të energjisë që përdoret për nevoja shtëpiake.
Një nga arsyet e shkarkimeve të ulëta në këtë grup është fakti që nga 8
termocentrale të instaluar në Shqipëri, vetëm ai i Fierit është akoma në gjendje pune.
Konsumi për nevoja shtëpiake pritet të rritet duke ndjekur rritjen e popullsisë.
Zhvillimi ekonomik mund të ndryshojë traditën dhe të rrisë kërkesën për energji.
4. Përpunimi i mineraleve
Shkarkimet e NOQ-ve jo të qëllimshme vijnë edhe nga përpunimi i
mineraleve, prodhimet e çimentos, gëlqeres, tullave dhe nga asfalto-betoni. Ka dy
fabrika çimentoje në funksionim, një në Elbasan dhe një në Fushë-Krujë. Të dyja janë
në pronësi dhe menaxhim privat. Në vitin 2004, prodhimi në Elbasan ishte 573.000
ton çimento dhe 153.000 ton klinker. Prodhimin e gëlqeres në Elbasan e ka filluar
shoqëria private “Kurum”. Në vitin 2004 ky prodhim ishte 15.000 ton. Për më tepër,
janë shtuar shumë prodhuesit artizan të gëlqeres, por për ta nuk ka të dhëna të sakta
për sasinë e prodhuar.
Prodhimi i tullave është shumë i përhapur në Shqipëri. Gjatë vitit 2004 në 14
fabrika u prodhuan në total rreth 431.000 ton tulla. Shkarkimet në ajër nga kjo
industri nuk janë të mëdha, duke u llogaritur në më pak se 0.5% të shkarkimeve
totale.
5. Transporti
Gjatë viteve të tranzicionit ekonomik, sektori i transportit në Shqipëri ka bërë
ndryshime të shpejta.
Konsumi total i karburantit për Shqipërinë është 671.733 ton nga të cilat
480.876 ton janë përdorur vetëm në sektorin e transportit. Përveç kësaj, konsumi i
benzinës llogaritet në 41.589 ton, ndërsa konsumi i gazoilit është 38.928 ton. Një arsye
e konsumit të lartë të karburantit në Shqipëri është përqindja e lartë që zënë
automjetet e përdorura.
Rritja e popullsisë, urbanizimi, dhe zgjerimi i infrastrukturës rrugore,
zhvillimi ekonomik, etj do të çojnë në një rritje të kërkesës për energji në sektorin e
transportit. Si pasojë, mund të pritet një rritje e çlirimit të NOQ-ve jo të qëllimshme