LIGJI nr.9010, datë 13.02.2003 “PER ... - chemicals.al

(ii) Një vlerësim të efikasitetit të ligjeve dhe politikave të Vendeve Anëtare
lidhur me menaxhimin e këtyre shkarkimeve;
(iii) Strategjitë për të arritur detyrimet e këtij paragrafi, duke marrë në
konsideratë vlerësimet në pikat (i) dhe (ii);
(iv) Hapat për të promovuar edukimin duke trajnuar me qëllim
ndërgjegjësimin për këto Strategji;
Një rishikim çdo 5 vjet të këtyre strategjive.
Një program për zbatimin e Planit të Veprimit, duke përfshirë aty strategjitë
dhe masat;
Promovimi i zbatimit të masave të vlefshme, të mundshme dhe praktike që në
mënyrë të shpejtë dhe të dukshme mund të pakësojnë nivelin e shkarkimeve ose
eliminimin në burim.
Plani i Veprimit duhet të përgatitet brenda 2 vjetësh nga hyrja në fuqi dhe
mund të jetë kombëtar ose rajonal, pjesë përbërëse e planit të përgjithshëm sipas
Nenit 7.
Për burimet industriale të cilat Palët i kanë identifikuar si me potencial
relativisht të lartë formimi dhe shkarkimi të NOQ-ve në mjedis (duke përfshirë ato të
kategorive në Aneksin C Pjesa II), ato duhet:
për burimet e reja të sigurojnë këto veprime:
promovimin, dhe siç parashikohet për një plan veprimi, përdorimin e TMD
[Neni 5, para. (d)]
faza për secilën prej kërkesave të TMD-s për burimet e reja në kategoritë e
Aneksit C pjesa II, sa më shpejt që te jetë e mundur te praktikohet, por jo më vonë se
4 vjet pas hyrjes në fuqi
promovimi i përdorimit të PMM [Neni 5, para. (d)]
për burimet ekzistuese, promovimi i TMD dhe PMM [Neni 5 (e)]
Kjo përfshin:
Përdorimin e materialeve të modifikuara, prodhimeve dhe proceseve për të
parandaluar formimin dhe shkarkimin në mjedis të kimikateve të renditura në
Aneksin C, duke marrë në konsideratë udhëzimet e përgjithshme për masat për
parandalimin dhe pakësimin e shkarkimeve në Aneksin C dhe udhëzimet që do të
miratohen nga Konferenca e palëve.
Promovimi në përputhje me afatin kohor të zbatimit të këtij Plani Veprimi, do
të kërkojë përdorimin e TMD për burimet e reja brenda kategorisë së burimeve të
cilat një vend palë i ka identifikuar si të sigurt, me një vëmendje të veçantë në fillim
për kategoritë e burimeve të identifikuara në Pjesën e II të Aneksit C. Në çdo rast,
kërkesat për të përdorur TMM për burimet e reja të renditur në pjesën II të Aneksit
duhet të realizohen sa më shpejt që të jetë praktike por jo më vonë se katër vjet nga
hyrja në fuqi e kësaj Konvente për këtë Palë.
Gjatë zbatimit të TMD dhe PMM, palët duhet të marrin në konsideratë
udhëzimet e përgjithshme për masat parandaluese dhe uljen e shkarkimeve në këtë
Aneks dhe udhëzimet për TMD që do të miratohen nga Konferenca e Palëve.
Gjendja e NOQ-ve të paqëllimshme në Shqipëri
Inventari i parë i NOQ-ve të prodhuara në mënyrë të paqëllimshme në
Shqipëri është bërë në përputhje me Manualin e UNEP për identifikimin dhe
vlerësimin sasior të dioksinave dhe furaneve. Nismat orientohen drejt shkarkimeve