LIGJI nr.9010, datë 13.02.2003 “PER ... - chemicals.al

në mjedis, veçanërisht në tokë dhe ndoshta në ujërat nëntokësore, për shkak të
pikimeve dhe rrjedhjeve të vajrave gjatë procesit të mirëmbajtjes dhe për shkak të
vjetërsisë. Pjesa më e madhe e tyre janë të vendosur direkt në tokë ose në mbështetëse
statike, pra poshtë tyre nuk ka gropa betoni ose depozita sekondare. Mund të vihet
re, lehtësisht në mënyrë vizuale, toka e kontaminuar poshtë transformatorëve, gjë që
kërkon të kryhen investigime si në tokë ashtu edhe në ujërat nëntokësorë. Gjithsesi
mund të konsiderohen mjedise mjaft të ndotur Reparti i Riparimit të
Transformatorëve ne Tiranë ku ndodhet edhe magazina qendrore për të gjithë
transformatorët e dëmtuar që vijnë nga të gjitha rrethet e Shqipërisë dhe Reparti i
Rigjenerimit të Vajit në Tiranë.
Reparti i Rigjenerimit të Vajit në Tiranë është një nga më të ndoturit në
Shqipëri. Në këtë impiant vjen për trajtim vaji që është zbrazur nga transformatorët e
dëmtuar ose ka humbur cilësitë e tij dhe më pas mbetjet e nxjerra nga rigjenerimi
shkarkohen pa u trajtuar në lumë ose në tokë. Megjithëse para pak vitesh është bërë
një rikonstruksion i këtij reparti, dyshemeja dhe muret rreth tubacioneve në këtë
repart janë të ndotura më vaj. Në tokën rreth tij vihen re njolla të mëdha vaji, pra
është një pikë e nxehtë ndotjeje që kërkon vëmendje të veçantë.
- Reparti i Riparimit të Transformatorëve në Tiranë, ku ndodhet edhe
magazina qendrore për të gjithë transformatorët e dëmtuar që vijnë për riparim nga
të gjithë objektet e KESH/OST është një tjetër vend i ndotur. Ky repart është në punë
që prej 30 vjetësh dhe në të nuk janë kryer asnjëherë kontrolle për praninë e PCB-ve.
Të gjitha bazamentet prej betoni janë të ndotura me vajin e transformatorëve dhe
gjatë procesit të zbrazjes ose mbushjes së tyre me vaj mund të ndodhin rrjedhje vaji
dhe të ndotet territori, për shkak të mosekzistencës së kushteve të nevojshme në
vendin e punës. Transformatorët janë vendosur direkt në tokë të ndotur me vaj, në
vende të hapura dhe të zbuluar ndaj shiut, erës dhe nxehtësisë. Në këto kushte,
ekziston rreziku i rënies së zjarrit, për më tepër që reparti ndodhet në qytet shumë
afër godinave të banimit.
Për vite të tëra kanë ndodhur shumë rrjedhje vaji për shkak të mungesës së
trajnimit të personelit, mbushjes së papërshtatshme me vaj të depozitave të
transformatorëve ose përdorimit të pajisjeve të vjetra për dërgimin e vajit ne pajisje.
Problemet përparësore dhe objektivat për administrimin e PCB-ve
Problemet përparësore
Mungesë legjislacioni specifik për PCB-të (administrimi, trajtimi, monitorimi,
heqja nga përdorimi);
Vendimi i Këshillit të Ministrave No. 103, dt. 31.3.2002, “Për Monitorimin e
Mjedisit në Republikën e Shqipërisë“ nuk përcakton institucionet që duhet të
monitorojnë praninë e PCB-ve në vajrat e pajisjeve të ndryshme;
Inventar jo i plotë i pajisjeve me PCB;
Mungesë udhëzuesish të brendshëm për administrimin, trajtimin dhe heqjen
nga përdorimi të pajisjeve të KESH-it që përmbajnë PCB;
Shkallë e ulët ndërgjegjësimi te punonjësit potencialisht të ekspozuar ndaj
PCB-ve;
Nivel i ulët i informimit dhe i ndërgjegjësimit të publikut të gjerë për rreziqet
potenciale nga PCB-të (në vajrat e transformatorëve);