LIGJI nr.9010, datë 13.02.2003 “PER ... - chemicals.al

Meqenëse më parë nuk ka ekzistuar asnjë kontroll për praninë e PCB-ve në vaj
dhe në pajisje, për të ndaluar procesin e ndotjes së tërthortë kërkohet të ndërmerren
veprime të menjëhershme për menaxhimin e PCB-ve.
Inventari Paraprak i PCB-ve nxori në pah mosekzistencën e mëparshme të
normave (limiteve) dhe metodave për analizat e PCB-ve, nivelin e kufizuar të
ndërgjegjësimit të punonjësve përmes menaxhimit të përgjegjësive në sektorin publik
dhe atë privat, ndërgjegjësimin e ulët të punonjësve të zbuluar ndaj rrezikut të PCBve,
nivelin e ulët të informimit dhe të ndërgjegjësimit për PCB-të në të gjitha grupet e
popullsisë, mungesën e informimit dhe ndërgjegjësimit të popullsisë në përgjithësi
për rrezikun e mundshëm të PCB-ve (të vajrave të transformatorëve), mungesën e
monitorimit të PCB-ve në ajër, tokë dhe ujërat sipërfaqsore e nëntokësore që mund të
jenë ndotur me vaj që përmban PCB.
Kondensatorët
Funksioni kryesor i kondensatorëve është që të japin mbështetje dinamike për
tensionin e sistemit sidomos gjatë stakimit të qarkut elektrik që ndodh menjëherë
mbas defektit, për të siguruar reagimin dinamik më të mirë të mundshëm në kushtet
e rrjetit elektrik me rezistencë rrjeti të ndryshueshme në zona të ndryshme të tij.
Struktura e ndërtimit dhe ana funksionale e kondensatorëve garantojnë si nivel të
ulët të zhurmave ashtu edhe interferencë të ulët magnetike, dukë bërë që ndikimi i
tyre në mjedis të jetë i kufizuar.
Numri i kondensatorëve në objektet e KESH/OSTSH është i kufizuar. Ata janë
vendosur në N/Stacionin 220 kV në Fier (2x25 MVAr), në N/Stacionet 110 kV në
Lushnje dhe në Ballsh, (secili prej tyre është 25 MVAr). Ata i përkasin OSTSH-se
ndërsa dy Divizionet e tjerë nuk i përdorin kondensatorët.
Qëllimi i instalimit të kondensatorëve është të ruajnë stabilitetin dhe
kapacitetin e transmetimit të energjisë në rrjet gjatë kushteve të ndryshme të tij.
Kondensatorët përmbajnë sasi të vogël vaji dhe në trupin e tyre ka pak pika lidhëse,
kështu që ata nuk kanë krijuar ndotje mjedisi përreth tyre. Sidoqoftë, NjAM do t’i
ketë në konsideratë këta kondensatorë si burime të mundshëm ndotjeje dhe do të
bëjë kujdes për marrjen e masave parandaluese për ndikimin e tyre në mjedis.
Në formë të përmbledhur në tabelat më poshtë jepen të dhëna mbi analizat e
transformatorëve për përmbajtjen e PCB-ve dhe të dhëna të tjera të nxjerra në kuadër
të këtij inventari.
Tabela 10: Të dhëna të përgjithshme për transformatorët objekt i inventarit
Numri i transformatorëve të identifikuar) 544
Numri i transformatorëve të analizuar ( prova me test-kit) 169
Numri i transformatorëve të analizuar ( < 50 ppm ) 160
Numri i transformatorëve të analizuar ( > 50 ppm ) 9
Përqindja e transformatorëve të ndotur me PCB në 5,3 %
krahasim me numrin e transformatorëve të analizuar:
Pesha e përgjithshme e transformatorëve të analizuar, të dyshuar se janë të
ndotur: 230 ton
Pesha e përgjithshme e vajit e transformatorëve të analizuar, të dyshuar se janë
të ndotur: 57 ton
Pesha e përgjithshme e transformatorëve të thatë të analizuar, të dyshuar të