LIGJI nr.9010, datë 13.02.2003 “PER ... - chemicals.al

Tabela 9: Të dhëna mbi transformatorët e fuqisë kryesisht 220 kVA dhe 400
kVA të OSTSH
OSTSH/Nënstacionet
Numri i përgjithshëm
i transformatorëve
Masa e përgjithshm. e
vajit (litra)
Burrel 4 49 445
Tiranë 12 279 576
Elbasan- 400 kVA 5 71 170
Elbasan-220 KV 6 85 050
Fier 6 284 100
Korçë-Zemblak 3 73 460
Durrës-Rrashbull 4 86 350
Shkodër/HEC Fierzë 9 39 000
Shkodër/HEC Vau i Dejës 2 82 100
Shkodër/HEC Koman 0 0
Totali 51 1 050 251
Metodika e Inventarit të PCB-ve
Metodika e inventarizimit të PCB-ve dhe rezultatet e arritura janë mbështetur
ne udhëzuesit ndërkombëtarë si dhe në informacionet më të vlefshme në vend.
NjAM në KESH përzgjodhi një grup pune të përbërë nga ekspertë të NjAM dhe nga
specialistë të objekteve të ndryshme të KESH/OST në të gjithë vendin për të
përgatitur dhe përpunuar programin e inventarizimit të PCB-ve.
Meqenëse kanë munguar informacionet, evidentimet dhe regjistrimet, NjAM
në KESH përgatiti një tabelë/pyetësor, të cilin e shpërndau në gjitha objektet e
KESH/OST në të gjithë vendin. Ky pyetësor përmblidhte të gjithë informacionin e
duhur mbi transformatorët /pajisjet që do t’i nënshtroheshin inventarizimit si: vitin
dhe vendin e prodhimit, përmasat, peshën dhe kapacitetin, gjendjen aktuale të
pajisjes, mirëmbajtjen e saj, gjendjen mjedisore të pajisjes në përdorim, ndikimi i saj
në mjedis, të dhëna mbi vajin e pajisjes (pesha e vajit, emri tregtar i tij), etj.
Qëllimi kryesor i këtij Inventarizimi paraprak të PCB-ve është identifikimi i të
gjitha pajisjeve elektrike që mund të përmbajnë vaj PCB ose vaj mineral të ndotur me
PCB si dhe sasinë e mbetjeve me PCB për të përmbushur kërkesat e Konventës së
Stokholmit, për të vlerësuar infrastrukturën ekzistuese në vend dhe për të vendosur
prioritetet e duhura për proceset e mëtejshme.
Objektivi i Inventarit të PCB-ve është identifikimi i të gjithë transformatorëve
me PCB që janë në përdorim dhe/ose jashtë përdorimi, zbatimi i masave paraprake
kryesisht në pajisjet me PCB në përdorim (ato që vazhdojnë të përdoren, që janë
jashtë pune, që presin të asgjësohen), për të siguruar monitorimin e përputhjes
teknike të të gjitha pajisjeve me PCB që janë në përdorim dhe për të siguruar ndjekjen
e pajisjeve me PCB deri në fund të jetës së tyre.
Sipas Konventës së Stokholmit duhet të identifikohen, të etiketohen dhe të
hiqen nga përdorimi pajisjet që përmbajnë më shumë se 10 % PCB (100 000 ppm) dhe
vëllim më të madh se 5 litra, të identifikohen, etiketohen dhe të hiqen nga përdorimi
pajisjet që përmbajnë më shumë se 0.05 % PCB (500 ppm) dhe vëllim më të madh se 5
litra, dhe të bëhen përpjekje që të identifikohen dhe të hiqen nga përdorimi pajisjet që
përmbajnë më shumë se 0.005 % PCB (50 ppm) dhe vëllim më të madh se 0.05 litra.