LIGJI nr.9010, datë 13.02.2003 “PER ... - chemicals.al

Në këtë kontekst, janë identifikuar si aktuale çështjet e mëposhtme në lidhje
me kuadrin institucional në Shqipëri:
Vlerësimi kritik i organizmave dhe strukturave ekzistuese, si kapaciteti
veprues më i rëndësishëm, për të gjetur lidhjen e secilës prej tyre me detyrimet që
rrjedhin nga Konventa e Stokholmit;
Rivlerësimi i detyrimeve konkrete që kanë institucionet përkatëse në lidhje me
menaxhimin e NOQ-ve, në funksion edhe të detyrave, kompetencave dhe
përgjegjësive të tyre kryesore;
Hartimi i skemës së re institucionale, ku të përfshihen të gjitha strukturat dhe
organet në qendër dhe në nivel vendor, përcaktimi i roleve, funksioneve,
përgjegjësive, kompetencave dhe detyrave të çdonjërit prej tyre, i lidhjeve ndërmjet
tyre dhe i rregullave të funksionimit të sistemit në tërësi;
Përcaktimi i pikave të kontaktit dhe i pikave fokale në nivel kombëtar, lokal
dhe/ose sektorial, të cilët, të gjithë së bashku, do të përbëjnë Rrjetin Kombëtar të
NOQ-ve;
Pikat e kontaktit dhe pikat fokale do të ngrenë skemën e komunikimit midis
tyre, si edhe do të përgatisin programet operative për zbatimin e detyrave të tyre
përkatëse;
Standardizimi dhe përgatitja e dokumenteve, regjistrave, inventarëve, etj.
lidhur me NOQ-të, me qëllim që ato të kenë një format unik dhe standard; përcaktimi
i rregullave dhe procedurave për administrimin e informacionit dhe ruajtjen e tij të
sigurt në një qendër kombëtare të posaçme.
Problemet përparësore
Nevoja e plotësimit dhe zbatimit të legjislacionit për kimikatet;
Legjislacioni aktual nuk është plotësisht i harmonizuar me atë europian;
Nevoja për të rregulluar çështjet që lidhen me përdorimin e PCB-ve në sisteme
të mbyllura, nxjerrjen e tyre nga përdorimi dhe asgjësimin e sigurt nga pikëpamja
mjedisore;
Zbatim i pamjaftueshëm i legjislacionit ekzistues;
Nevoja për të ngritur një strukturë kombëtare për zbatimin e Konventës së
Stokholmit (rrjet të pikave të kontaktit, pikave fokale).
Objektivat
Plotësimi dhe harmonizimi i legjislacionit mjedisor me atë evropian;
Përmirësimi i rrjetit institucional dhe ngritja e kapaciteteve në nivel qendror
dhe vendor.
2..3 Vlerësimi i Gjendjes në lidhje me NOQ-të në Shqipëri
2.3.1 Pesticidet NOQ
Nga dymbëdhjetë kimikatet e renditura në Konventën e Stokholmit, nëntë janë
pesticide NOQ: aldrin, dieldrin, DDT, endrin, mireks, toksafen, klordan,
heksaklorbenzen dhe heptaklor.
Fillimisht në vendin tonë janë importuar dhe më vonë janë formuluar në
Ndërmarrjen Kimike Durrës: DDT, heptaklor, aldrin, dieldrin, toksafen (melipaks),
klordan. heksakloran dhe lindan i cili edhe është prodhuar në këtë Ndërmarrje.
Praktikisht prodhimi i pesticideve është ndërprerë në vitin 1990. Megjithatë,
rreziku nga pesticidet ka qenë i dukshëm.
Pas vitit 1990 janë kryer disa inventarë nga projekte të ndryshme. Në fund të