LIGJI nr.9010, datë 13.02.2003 “PER ... - chemicals.al

të mjedisit;
Hartimi dhe miratimi i çdonjërit prej akteve që do të përbëjnë paketën ligjore
për NOQ-të, duhet të realizohet në përputhje me një program të detajuar të miratuar,
i cili duhet të jetë afatshkurtër, afatmesëm dhe afatgjatë, duke u dhënë prioritet
akteve me të nevojshëm, miratimi i të cilave lehtëson përgatitjen e të tjerave;
Me qëllim që të përgatiten akte konkrete, duhet të ngrihen grupet përkatëse të
punës, në përbërje të të cilave duhet të ketë juristë mjedisorë, teknicienë dhe anëtarë
të OJF-ve të specializuara apo shoqatave të tjera të biznesit;
Krahas Konventës së Stokholmit, paketa shtesë për NOQ-të që duhet të
përgatitet dhe miratohet, do të shërbejë për plotësimin e kuadrit ligjor të nevojshëm
për zbatimin e detyrimeve të Konventës;
Me qëllim që të rritet ndërgjegjësimi i publikut lidhur me paketën ligjore për
menaxhimin e NOQ-ve, rekomandohet publikimi dhe diskutimi i saj me përfaqësues
të administratës publike përgjegjëse për menaxhimin e NOQ-ve, si edhe me
përfaqësues të të gjitha grupeve të tjera të interesuara.
Rrjeti Institucional
Nga pikëpamja institucionale, Konventa e Stokholmit prezanton një tërësi
detyrimesh për vendet të cilat tashmë e kanë nënshkruar ose ratifikuar. Megjithëse
nuk ka përcaktime për ngritje të organeve të reja apo përshkrime për poste pune
specifike brenda organeve ekzistuese, detyrimet për vendet-palë janë të qarta dhe u
takon atyre të ngrenë struktura sa më efektive për zbatimin e detyrimeve që rrjedhin
prej saj.
Nga ana tjetër, ka një nevojë të shprehur për pjesëmarrje më të gjerë, jo vetëm
nga strukturat shtetërore, por edhe nga shoqëria civile, OJF-të e specializuara,
institucionet shkencore, universitetet dhe laboratorët, rrjetet e grumbullimit,
vlerësimit, përpunimit dhe shpërndarjes së informacionit, etj. Në kuadër të zbatimit
të detyrimeve të Konventës së Stokholmit, duhet bërë identifikimi dhe përfshirja
institucioneve të lart-përmendur.
Me përcaktimin e fushave të zbatimit, Konventa gjithashtu kërkon krijimin e
një skeme kombëtare për të menaxhuar deri në asgjësimin e sigurt në shkallë
kombëtarë të ndotësve organike të qëndrueshëm. Në ketë skemë, janë parashikuar
organet dhe strukturat konkrete që do të merren me:
Përgatitjen, paraqitjen dhe miratimin e Planit Kombëtar të Zbatimit të
Konventës së Stokholmit;
Grumbullimin e informacionit për të njohur situatën përmes procesit të
inventarizimit;
Ndalimin e prodhimit dhe importimit të NOQ-ve;
Miratimin e rregullave dhe procedurave për eksportimin dhe kalimin tranzit
të NOQ-ve;
Menaxhimin e NOQ-ve;
Monitorimin e procesit të menaxhimit të NOQ-ve dhe atë të zbatimit të vetë
Konventës, etj.
Mbi bazën e përcaktimit të detyrave për t’u kryer, del nevoja e harmonizimit
dhe konsolidimit të rrjetit institucional, ku, organet qendrore dhe vendore, organet e
kontrollit e të monitorimit, strukturat vendim-marrëse dhe ekzekutive, politikëbërësit
dhe bërthamat shkencore, duhen të gjithë të përfshihen me efektivitet.