LIGJI nr.9010, datë 13.02.2003 “PER ... - chemicals.al

- Ministria e Ekonomisë, Tregtisë dhe e Energjetikës, e cila ka përgjegjësinë për
rehabilitimin e “zonave të nxehta” mjedisore me origjinë mbetjet e rrezikshme dhe
ndotjen e trashëguar nga sektorët e industrisë/energjetikës;
- Ministria e Mbrojtjes, e cila është përgjegjëse për administrimin dhe
shkatërrimin e armëve kimike dhe/ose mbeturinave të krijuara prej tyre.
Në nivel lokal, veprojnë organet e qeverisjes vendore me inspektoratet
përkatëse, pranë të cilave veprojnë edhe agjencitë rajonale të mjedisit dhe inspektorët
e mjedisit, të cilët marrin masa për të shmangur dëmet në shëndet dhe në mjedis që
mund të vijnë si pasojë e menaxhimit të kimikateve.
Bashkëpunimi ndërinstitucional organizohet përmes ngritjes dhe funksionimit
të grupeve të posaçme të punës me përfaqësues të institucioneve të ndryshme për
përgatitjen e projekt-ligjeve apo projekt-strategjive ose të komiteteve drejtues për
projekte të tilla si Komiteti për zbatimin e Planit Kombëtar të Veprimit në Mjedis,
Këshilli Kombëtar i Rregullimit të Territorit, Këshilli Kombëtar për Mbrojtjen e
Natyrës dhe Biodiversitetit, Komiteti i Politikave për Turizmin, Komiteti Ndërministror
për Energjinë, Komisioni Shtetëror për Tokën, Grupi Koordinues për
Kontrollin e Shkretëtirëzimit dhe Shkatërrimit të Tokës, etj. Një tjetër instrument për
bashkëpunimin ndërinstitucional është edhe procesi i Vlerësimit të Ndikimit në
Mjedis dhe Vlerësimi Strategjik Mjedisor. Raporte të ndryshme të Komisionit
Europian kanë identifikuar nevojën për forcimin/përmirësimin e mëtejshëm të këtij
bashkëpunimi/koordinimi. Zbatimi i Strategjisë Kombëtare të Mjedisit dhe qasja e re
sipas Sistemit të Planifikimit të Integruar dhe të Planifikimit Afat-Mesëm pritet të
sjellin rezultate më të mira në këtë drejtim.
2.2.3 Angazhimet dhe Detyrimet Përkatëse Ndërkombëtare
Tashmë është bërë e qartë se aderimi apo ratifikimi i akteve juridike
ndërkombëtare ose i konventave mjedisore me protokollet shoqëruese, duhet të
shoqërohet brenda një kohe të shkurtër me punën në vend për të gjetur zgjidhjet dhe
mënyrat optimale për të mundësuar zbatimin e detyrimeve konkrete që lindin nga
këto akte ndërkombëtare.
Një shembull i mirë është Konventa e Stokholmit për NOQ-të dhe mënyra e
zgjedhur për zbatimin e detyrimeve të saj në nivel kombëtar përmes përgatitjes
paraprake të Planit të Veprimit. Ky shembull dhe modeli i zgjedhur mund të
përdoren edhe në rastin e konventave/protokolleve të tjera.
Ratifikimi i Konventës së Stokholmit për NOQ-të ka qenë një prej hapave në
kuadër të përpjekjeve kombëtare për mbrojtjen e shëndetit dhe të mjedisit nga efektet
negative të kimikateve dhe substancave të tjera si edhe i mbeturinave bashkë me
mbetjet e rrezikshme. Vendimi për të ratifikuar konventën ka ardhur pas një
vlerësimi të kujdesshëm, në nivel kombëtar, i efektit pozitiv dhe mundësive që mund
të hapen për vendin me zbatimin e detyrimeve të kësaj konvente. Miratimi dhe hyrja
në fuqi e ligjeve si “Për mbrojtjen e mjedisit”, “Për administrimin mjedisor të
mbetjeve të ngurta”, “Për substancat dhe preparatet kimike”, “Për vlerësimin e
ndikimit në mjedis”, dhe të shumë akteve të tjera që bëjnë pjesë në nivelin nënligjor,
kanë krijuar kuadrin e nevojshëm ligjor dhe institucional që lehtëson zbatimin e
detyrimeve që rrjedhin nga qenia palë në këtë Konventë.
Më poshtë jepet një listë e marrëveshjeve ndërkombëtarë ku është palë
Republika e Shqipërisë: