KOdA ng PAg-AAsAl - Colgate

Kumpanya. Sa huli, ang mga pagsusumikap ng ating mga matatalino at mga sanay na tao sa buong mundo ang
kikilos upang maging posible ang pagtatagumpay ng ating negosyo. Lalong lalo na, sa mga bagay-bagay na may
kinalaman sa pagka-empleyo, ito ang ating patakaran:
• Piliin, isalugar at bayaran ang lahat ng mga tao sa Colgate batay sa kanilang kakayahan sa trabahong
gagawin, at huwag mag-diskrimina ayon sa lahi, relihiyon, bansang pinagmulan, pinagmulang etniko, kulay
ng balat, kasarian, edad, pagka-mamamayan, oryentasyong sekswal, kalagayang may kaugnayan sa pagkabeterano,
may asawa o wala, kapansanan o anumang iba pang katangiang protektado ng batas.
• Hindi gagamit ng mga batang trabahador. Ang pagpapatrabaho sa mga bata ay nangangahulugang ang pageempleyo
ng sinumang tao na may edad na mas mababa pa sa pinakamababang edad na pinahihintulutan
ng batas sa kinauukulang hurisdiksyon, magka-gayunpaman, kahit kailan ay hindi namin sasadyaing
gawing empleyado ang sinumang mas mababa pa sa edad na labing-anim (16) na taong gulang.
• Panatilihin ang isang komprehensibong kapaligiran sa trabaho at maging pinakamahusay sa pamamagitan
ng pang-aakit at pagpapanatili ng mga tao na mayroong iba’t ibang mga pinanggalingan sa ating grupo ng
mga manggagawa.
• Magkaloob ng mga pagsasanay, edukasyon at pagkakataong umangat ang puwesto kung saan
mapapahintulutan ang pag-unlad at pag-sulong sa trabaho, para sa lahat ng mga tao sa Colgate.
• Magsagawa ng mga pagtatasa ng paggampan sa trabaho (performance appraisal) na nagbibigay ng
prangka at wastong puna. Hikayatin ang pagkakaroon ng mga komento at talakayan kung saan sangkot
ang magkabilang panig, at balik-aralin ng mga nasa mas mataas na posisyon sa pangasiwaan ang mga
ginawang pagtatasa sa paggampan sa trabaho.
• Bayaran ang trabaho at kilalanin at gantimpalaan ang mga kontribusyon ng indibidwal at ng pangkat na
nalampasan ang kanilang mga karaniwang tungkulin sa trabaho, sa pamamagitan ng mga programang
tulad ng “Chairman’s You Can Make a Difference Award Program”.
• Ipagbawal ang sekswal na panliligalig o anumang uri ng panliligalig sa mga tao ng Colgate, sa sinumang tao
na nasa lugar ng trabaho o habang isinasagawa ang negosyo ng Kumpanya.
• Iwasan ang pagkakaroon ng paborito o para bang may binibigyan ng pabor sa lugar ng trabaho, alinsunod
sa mga patakaran at pamamaraang pinaiiral ng Kumpanya.
• Igalang ang pagka-pribado ng isang indibidwal at kolektahin, iproseso, gamitin at itago ang personal na
impormasyon ng mga empleyado kung kakailanganin lamang at alinsunod sa mga batas ng bansa kung saan
mayroon tayong operasyon.
• Pagsumikapang alisin ang mga posibleng panganib sa lugar ng trabaho at bigyan ang mga tao sa Colgate ng
isang ligtas at malusog na kapaligiran na tarabaho, at pagsumikapang sundin ang lahat ng mga naaangkop
na batas at pamantayang may kaugnayan sa kaligtasan at kalusugan sa trabaho.
• Tumulong na panatilihin ang isang ligtas, malusog at produktibong kapaligiran sa trabaho, para sa lahat ng
mga tao sa Colgate at sa iba, sa pamamagitan ng:
– pagbabawal ng pagdadala, paggamit, pagbebenta o paglilipat ng mga ipinagbabawal na gamot o mga
parapernalya ng gamot saan mang lugar na pag-aari ng Colgate, at sa oras na pag-aari ng Colgate
– pagbabawal ng pagsasagawa ng negosyo ng Kumpanya habang lasing
– pagbabawal ng pagdadala o paggamit ng mga sandata/armas o bala sa mga lugar na pag-aari ng
Kumpanya, o habang nagsasagawa ng negosyo ng Colgate, sa ilalim ng lokal na batas. Ang pagdadala ng
sandata ay maaaring autorisado para sa mga tauhang nangangasiwa ng seguridad, kung ang naturang
pagdadala ng sandata ay itinuturing na kailangan upang matiyak ang kaligtasan at seguridad ng mga
empleyado ng Kumpanya; at
– iulat kaagad sa mga tagapamahala ang anumang insidente ng paggamit sa ipinagbabawal na gamot o
paglalasing o pagdadala ng mga sandata. Iulat kaagad sa mga tagapamahala ang anumang insidente ng
paggamit sa ipinagbabawal na gamot o paglalasing o pagdadala ng mga sandata.
Colgate-palmolive company