KOdA ng PAg-AAsAl - Colgate

ANG PAKIKIPAG-UGNAYAN
NATIN SA ISA’T ISA
Ang ating mga pakikipagkasunduan/pakikitungo sa isa’t isa ay dapat na nakasalalay sa tiwala at
dedikasyong makabubuti para sa magkabilang panig. May responsibilidad tayo na tratuhin ang
bawa’t isa ng may paggalang at dignidad.
Nagsusumikap tayong magkaroon ng mga matatagumpay na pakikipagugnayan
sa trabaho.
Sa Colgate, ipinagmamalaki natin ang matibay na personal na paninindigan ng ating mga tao, at ang mga
kahusayang naging bunga ng naturang paninindigan. Ngunit ang antas ng kooperasyon na ito ay maaabot
lamang kung sa kapaligiran ay umiiral ang tiwala, ang bukas at tapat na komunikasyon, at ang paggalang.
Lahat ng mga pakikitungo mo sa iyong mga kahanay sa trabaho, sa mga nasa ilalim mo at sa mga namamahala
sa iyo ay dapat na gawing bilang isang pakikipagkasosyo, kung saan ang pag-uugali ng bawa’t indibidwal ay
pinamamahalaan ng isang nag-uumapaw na paninindigan sa pagsunod sa etika at sa tagumpay ng Colgate.
Kailangang ituring mo na isa kang miyembro ng isang pangkat na panalo, sa pakikipag-ugnayan mo sa mga
kasama mo sa trabaho. Ang mga tao na nagkakasundo sa trabaho at nakatuon ang pansin sa isang grupo ng
mga mithiing mapapakinabangan ng magkabilang panig ay ang lakas na nagsusulong ng tagumpay sa likod ng
ating negosyo. Upang maipatupad ang magilas na ugnayang ito bilang isang pangkat, kailangang gampanan
ng bawa’t indibidwal ang kani-kanilang mga responsibilidad – at magkaroon ng pakiramdam ng katiyakan na
ganoon din ang gagawin ng iba. Nangangahulugan ito ng pagbibigay ng kinakailangang tulong sa iba, sa bawa’t
antas, upang matapos ang trabaho. Hindi gagawin ng sinumang indibidwal o ng alinmang yunit ng negosyo na
gawing unang prayoridad ang kanyang sarili o ang kanyang negosyo, bago pa man ang sa Kumpanya.
Ang pakikipag-ugnayan mo sa mga katrabaho mo o sa mga ginagabayan mo ay dapat na magsulong ng
etika at pagsunod, sa pamamagitan ng pagpapakita ng halimbawa ng pagiging disente, ng pagiging patas at
pagkakaroon ng integridad sa pakikipag-tatrabaho sa ibang tao. Bilang isang pinuno, may responsibilidad ka
na tukuyin nang malinaw ang mga pamantayan ng nararapat na pagganap sa trabaho, at sa paglikha ng isang
kapaligiran kung saan isinusulong ang sama-samang paggawa o teamwork.
Isinusulong natin ang bukas at tapat na komunikasyon.
Hikayatin ang malikhain at makabagong pag-iisip, at kung ikaw ay isang tagapamahala, tratuhin mo ang mga
nasa ilalim mo bilang mga tao, bigyan mo sila ng kalayaan na kailangan nila upang maisagawa nila ang kanilang
mga trabaho. Magbigay ng mga mungkahi upang lalo pang mapaganda o mapahusay ang trabaho.
Ang pakikipag-ugnayan mo sa iyong tagapamahala ay dapat na may paggalang at katapatan, at kapakipakinabang
para sa magkabilang panig. Ikaw at ang iyong tagapamahala ay isang pangkat kung saan pareho
kayong may bahagi sa layuning makamit ang mga mithiing itinakda ng iyong Kumpanya para sa iyong yunit.
Ang responsibilidad ay tulad din ng responsibilidad ng iyong tagapamahala, sa pagtitiyak na ang komunikasyon
sa pagitan ninyo ay bukas at tapat. Manguna ka hangga’t maaari, sa halos lahat ng pagkakataon. Maging matalino
sa paglalapat ng solusyon sa mga problema. Ang iyong kooperasyon at pagka-malikhain ay mahalaga sa
pagkamit ng mga layunin ng iyong yunit at ng Kumpanya.
Pinahahalagahan natin ang mga tao sa Colgate bilang ang ating
pinakamalaking kayamanan.
Ang paninindigan ng Colgate sa pangangalaga sa mga tao ay makikita sa lugar ng trabaho, sa pamamagitan
ng mga programang dinisenyo upang isulong at gantimpalaan ang nakamit ng indibidwal at ng pangkat.
Hinihikayat ka na sumulong hangga’t kaya mo, at magkaroon ng makabuluhang kontribusyon sa tagumpay ng
KODA NG PAG-AASAL