KOdA ng PAg-AAsAl - Colgate

TUNGKOL SA
KODA NG PAG-AASAL
Ang ating Koda ng Pag-Aasal sa Colgate ay nagsisilbing gabay sa ating pang araw-araw na pakikipag-ugnayan
sa negosyo, kung saan sinasalamin ang ating pamantayan ng wastong pag-uugali pati na ang ating mga
pinahahalagahan bilang isang korporasyon. Malinaw na ipinakikita ng ating Koda sa bawa’t isa sa atin na ang
paraan kung paano nating nakakamit ang mga resulta ng ating negosyo ay may malaking kahalagahan, tulad
din ng kahalagahang makamit ang mga ito. Ang Koda ng Pag-Aasal sa Colgate ay para sa lahat ng taong nasa
Colgate, kasama na ang mga Direktor, Opisyal, at lahat ng mga empleyado ng Kumpanya at ng kanyang mga
subsidyirya sa buong mundo. Ang mga Vendor (mga nagtitinda) at ang mga Supplier (mga pinanggagalingan
ng mga materyales) ay sakop din ng mga nakasalalay sa kodang ito, sapagkat ang pagsunod sa Koda ay isang
kondisyon upang makapagsagawa ng negosyo sa Colgate.
Pinakamahalaga sa lahat, bawa’t empleyado ay may responsibilidad sa pagpapakita ng integridad at kahusayan
sa pamumuno, sa pamamagitan ng pagsunod sa mga probisyon ng Koda ng Pag-Aasal (Code of Conduct), sa
Mga Gabay para sa Pagsasagawa ng Negosyo sa Buong Mundo (Global Business Practices Guidelines), sa mga
patakaran ng Kumpanya, at sa lahat ng mga naaangkop na batas. Sa pamamagitan ng ganap na pagsasama ng
etika at integridad sa ating tuloy-tuloy na pakikipag-ugnayan sa ating mga ka-negosyo at sa paggawa ng mga
desisyon, nagpapakita tayo ng paninindigan sa isang kultura na nagsusulong ng pinakamataas na pamantayan
ng etika.
Napakadaling tiyakin na masusunod ang Koda, at ito ay sa pamamagitan ng paggamit ng matalinong
pagpapasiya at paghingi ng gabay kung mayroong mga katanungan. Kung hindi ka nakakatiyak, bago ka
magpatuloy sa isang tukoy na pagkilos, itanong mo sa iyong sarili ang mga sumusunod:
• Autorisado ba akong gawin ito?
• Ang pagkilos ba ang tamang dapat gawin?
• Legal ba ang pagkilos at sumusunod ba ito sa Koda ng Pag-Aasal o sa iba pang mga patakaran?
• Ipagmamalaki ko bang iulat ang pagkilos na ito sa isang tao na aking iginagalang?
• Ang pagkilos bang ito’y patuloy na magpapalawak ng magandang reputasyon ng Colgate
bilang isang etikal na Kumpanya?
Kung ang sagot sa alinman sa mga tanong na ito ay HINDI o kung mayroon kang anumang tanong tungkol
sa pagbibigay-kahulugan o pag-gamit ng Koda ng Pag-Aasal, o anumang kaugnay na pamatayan ng Colgate,
patakaran o pamamaraan, kailangang talakayin mo ang sitwasyon sa iyong tagapamahala, sa Human Resources,
sa Legal, o sa Global Ethics and Compliance.
Walang taliwas na pagkilos na gagawin laban sa iyo kung magrereklamo ka kung mag-uulat ka, kung sasali
ka, o kung tutulong ka sa imbestigasyon ng isang pinaghihinalaang paglabag sa Koda ng Pag-Aasal, maliban
na lamang kung ang ginawang alegasyon o ang impormasyong ibinigay ay napatunayan na sinadyang walang
katotohanan. Sa pinakalubos na posibleng hangganan, pananatilihin ng Colgate ang pagka-kumpidensiyal ng
lahat ng mga reklamo.
Ang Koda ay makikita online at isinalin sa ilang iba’t ibang wika. Kung gusto mo ng karagdagang impormasyon
tungkol sa alinman sa mga paksang nakalista sa Koda, sumangguni po sa Mga Gabay para sa Pagsasagawa ng
Negosyo (Business Practices Guidelines) na inilaan para maging suplemento, at makapagbigay ng mas tukoy na
gabay para sa pagsunod sa Koda ng Pag-Aasal sa Kumpanya. Upang makita ang Mga Gabay para sa Pagsasagawa
ng Negosyo (Business Practices Guidelines), pumunta po sa bahagi para sa Etika at mga Pinahahalagahan
(Ethics and Values) sa ilalim ng Ikaw at ang H.R. (H.R. and You) sa OurColgate.com o sa bahagi para sa
Pamamahala (Governance) sa Colgate.com na website.
Colgate-palmolive company