KOdA ng PAg-AAsAl - Colgate

MAAARI MONG KAUSAPIN ANG PANDAIGDIGANG ETIKA AT PAGSUNOD (GLOBAL
ETHICS AND COMPLIANCE0 NA HOTLINE NG KODA NG PAG-AASAL.
Ang layunin ng Hotline ng Koda ng Pag-Aasal ay:
• Magbigay sa mga tauhan ng Colgate ng payo at tumulong na malinawan kung paanong ang Koda ng Pag-
Aasal ay gagamitin sa mga takdang sitwasyon, at
• Magbigay ng alternatibong pamamaraan ng komunikasyon sa mga tao para magbigay ng impormasyon
ukol sa hinihinalang pagkilos, mga paglabag sa batas, o mga gawain na hindi tumutugma sa Koda ng Pag-
Aasal, sa atensyon ng Kumpanya.
Hinihikayat ka namin na makipag-ugnayan sa Pandaigdigang Etika at Pagsunod upang magtanong ukol sa,
o mag-ulat ng, anumang hinihinalang paglabag sa Koda ng Pag-Aasal. Ang lahat na naiulat na mga paglabag
ay kaagad na iimbestigahan. Mahalaga na ang taong nag-uulat ay hindi magsagawa ng sariling imbestigasyon
dahilan sa ang mga imbestigasyon ay maaaring may mga komplikadong isyung legal. Kung ikaw mismo ang
kikilos, maaaring malagay sa alanganin ang integridad ng isang imbestigasyon, at magkaroon ng masamang
epekto sa Colgate at sa iyo.
Hinihikayat ka namin na magpakilala kapag tumatawag sa Hotline ng Koda ng Pag-Aasal, upang maumpisahan
ang imbestigasyon at pagsubaybay. Kung pinapahintulutan ng lokal na batas, maaari kang magsumite ng
impormasyon sa paraang hindi ka makikilala. May mga batas sa ibang mga bansa na nililimitahan ang uri ng
impormasyon na maaari mong iulat sa isang hotline. Kung ang mga batas na ito ay sasakop sa iyong sitwasyon,
ituturo ka ng isang kinatawan ng Pandaigdigang Etika at Pagsunod sa isang tao sa iyong yunit ng negosyo, na
maaaring tumulong sa iyo ukol sa iyong katanungan at alalahanin.
Gagawa rin ang Kumpanya ng mga kaukulang hakbang upang mapanatiling lihim ang agkakakilanlan mo, at
ang impormasyon na isinumite mo ay isisiwalat lamang sa basehang kung kailan lamang kailangang-kailangan
o need-to-know basis, kung saan ang impormasyon ay:
• Hindi maiiwasan upang makagawa ng epektibong imbestigasyon at angkop na pagkilos o
• Hihingi ng angkop na batas.
Para sa layunin ng imbestigasyon ng paglabag o hinihinalang paglabag sa Koda ng Pag-Aasal o Mga Gabay sa
Pagsasagawa ng Negosyo, maaaring kailanganin na ilipat ang mga personal na datos na nakalap sa isang bansa
papunta sa ibang mga bansa. Dagdag pa dito, anumang akt’wal o hinihinalang paglabag sa Koda o Mga Gabay
sa Pagsasagawa ng Negosyo ay maaaring magresulta sa paggawa ng ulat sa Departamento ng Pandaigdigang
Etika at Pagsunod, na maaaring naglalaman ng mga personal na datos. Sa mga ganitong sitwasyon, ang
personal na datos ay maaaring gamitin ng mga empleyado ng Colgate at mga entidad ng Colgate, na lumahok
sa mga gawain ng Departamento ng Pandaigdigang Etika at Pagsunod, upang imbestigahan ang ulat, ngunit
para lamang sa panahon na iyon at kung makat’wiran ang pangangailangan para sa layuning ito (at pagkatapos
nito, ang mga naturang personal na datos ay sisirain o itatago, ayon sa isinasaad ng patakaran ng Kumpanya o
ng batas).
Maaaring magpataw ng mga pagkilosg pang-disiplina
Ang patakaran ng Kumpanya ay zero tolerance (ganap na walang totolerahin) para sa anumang pagkilos
na lumalabag sa Koda ng Pag-Aasal o sa Mga Gabaysa Pagsasagawa ng Negosyo. Dahil dito, intensyon
ng Kumpanya na iwasan ang pagkakaroon ng pagkilos na hindi sumusunod sa Koda o sa Mga Gabay sa
Pagsasagawa ng Negosyo, at patitigilin ang anumang kilos na maaaring maganap sa lalong madaling panahon
basta’t makat’wiran at posible, pagkatapos na madiskubre ito. Ang mga tauhan ng Colgate na lumalabag sa
Koda o Mga Gabay sa Pagsasagawa ng Negosyo ay maaaring mapatawan ng kaparusahan, hanggang sa, at
kasama na ang, pagtatanggal sa trabaho.
26 KODA NG PAG-AASAL