KOdA ng PAg-AAsAl - Colgate

ANG PAKIKIPAG-UGNAYAN NATIN
SA MGA NAGMAMAY-ARI NG
SOSYO (SHAREHOLDERS)
Nagsisikap tayong mapaglingkuran ang pinakamataas na interes ng ating shareholder at tumulong
sa pagpapalago ng halaga ng shareholder.
Isunusulong natin ang mahusay na pamamahala sa korporasyon upang
mapangalagaan ang halaga ng shareholder.
Ang mga patakaran at mga programa ng Kumpanya sa pamamahala sa korporasyon kung saan itong Koda
ng Pag-Aasal ay isang mahalagang bahagi, ay nagsisilbing mahalagang proteksyon ng shareholder. Sa mga
nakaraang taon, maraming checks and balances o mga pagsusuri at pagbabalanse ang isinabatas ng Kongreso,
ng SEC, ng New York Stock Exchange, at iba pang mga gumagawa ng mga regulasyon, at mga karapatan sa
buong mundo upang isulong ang etikal na kilos ng mga korporasyon, na siyang batayan ng pagkilos sa Colgate
sa maraming mga taon. Ang ating mga shareholder ay mahusay na napagsisilbihan ng isang malayang lupon
o board, na binubuo ng malaking bahagi ng indipend’yenteng mga direktor, at mga indipend’yenteng komite
na nagmamatyag sa pagsusuri, at sa mga bagay-bagay na may kinalaman sa pagbabayad at pamamahala. Ang
patuloy na pinauunlad na Karta ng komite at mga gabay sa pamamahala ay malinaw na nagtatakda ng mga
gampanin at responsibilidad ng direktor, at ng mga prinsipyo sa pamamahala sa korporasyon ng Kumpanya.
Para sa mas detalyadong paglalarawan ng programa sa pamamahala sa korporasyon ng Kumpanya, mangyaring
tingnan ang “Gabay ng Colgate-Palmolive para sa Lupon ng Kumpanya ukol sa mga Mahahalagang Isyu sa
Pamamahala ng Korporasyon” (Colgate-Palmolive Company Board Guidelines on Significant Corporate
Governance Issues) at ang mga Karta ng Komite ng Pagsusuri ng Kumpanya, Komite ng Paghirang at Pamamahala
ng Korporasyon (Nominating and Corporate Governance Committee), Komite para sa Kawani at Organisasyon
(Personnel and Organization Committee) at Komiteng Pangpinansyal (Finance Committee), ang lahat ng mga ito
ay matatagpuan sa website ng Kumpanya.
Pinananatili natin ang isang malakas na programang pang-pagsusuri
upang mapataas ang kump’yansa ng namumuhunan.
Ang Kumpanya ay naninidigan sa kalidad, integridad at katapatan ng mga ulat pinansyal nito. Ang
paninindigang ito ay sinasalamin sa patakaran at alituntunin ng Kumpanya sa mahabang panahon, kasama ang
isang grupo ng internal na pagsusuri na nagmamatyag sa pagkokontrol sa pinansyal sa pandaigdigang antas,
independenteng mga tagasuri na may malawak na mandato, at isang independenteng Komite ng Pagsusuri
na siyang tumitingin sa mga gawaing ito. Upang lubos na mapakinabangan ang kahusayan ng mga resources
o mga pinagkukunang ito, ang mga tao natin ay inaasahang sumali sa bukas at tapat na komunikasyon at
sa isang malayang pagpapalitan ng mga impormasyon sa mga tagasuri na internal at panlabas, at sa Komite
ng Pagsusuri.
Para sa karagdagang impormasyon ukol sa mga mahahalagang papel ng mga internal na tagasuri,
indipend’yenteng tagasuri at Komite ng Pagsusuri ng Kumpanya, mangyaring tingnan ang “Karta ng Komite
ng Pagsusuri ng Colgate-Palmolive” (Colgate-Palmolive Company Audit Committee Charter), na makikita sa
website ng Kumpanya.
Palagi nating pinasasabihan ang mga shareholder ng mga bagay-bagay o
impormasyon tungkol sa progreso ng Kumpanya.
Bawa’t taon, ang mga shareholder ay iniimbita na dumalo sa mga taunang pulong ng Kumpanya, kung saan ang
progreso ng Kumpanya sa nagdaang taon ay binabalikan at dito, ang mga shareholder ay may pagkakataon na
magtanong sa senior management ng Kumpanya. Sa mga pagitang buwan, ang mga shareholder ay maaaring
bumisita sa website ng Kumpanya, www.colgate.com, para sa impormasyon tungkol sa mga kalalabas lamang na
mga produkto sa tindahan, pinakahuling resulta ng katayuang pam-pinansyal at iba pang mga balita sa negosyo.
Colgate-palmolive company 23