KOdA ng PAg-AAsAl - Colgate

Ipinapakita natin ang ating paninindigan sa pandaigdigang
karapatang pantao.
Ang Colgate ay may paninindigan sa paggalang sa karapatang pantao sa buong mundo. Dahil dito, ipinapatupad
ng Colgate at nais nitong magkaroon ng trabaho na kasama ang mga katuwang sa negosyo na nagpapatupad ng
mga sumusunod na pamantayan:
• pantay-pantay na oportunidad sa mga kawani sa lahat ng antas anuman ang kulay, lahi, gender/kasarian,
kasariang pagkakakilanlan, edad, etnikong pinagmulan, bansang pinaggalingan, oryentasyong sekswal,
estadong sibil o kung may asawa o wala, kalagayang kaugnay ng pagiging beterano, kapansanan o anumang
katangian na pinoprotektahan ng batas;
• isang ligtas at malusog na lugar sa paggawa na nagbibigay ng proteksyon sa kalusugan ng tao at sa
kalikasan;
• binabayaran ang mga kawani ng sahod na nakakatugon sa kanilang mga kaukulang pangangailangan, at
nagbibigay sa mga kawani ng oportunidad na paunlarin ang kanilang kasanayan at kapabilidad;
• iginagalang ang kalayaan ng mga kawani na magtayo ng mga asosasyon na naaayon sa batas; at
• magkaroon ng mga trabaho kasama ang mga pamahalann o mga komunidad kung saan tayo ay nakikipagnegosyo
upang mapaunlad ang pang-edukasyon, pang-kultura, pangkabuhayan at panlipunang kagalingan
sa mga komunidad na ito.
Sinusunod natin ang ating plano sa pamamahala ng krisis.
Ang Colgate ay may paninindigan na protektahan ang buhay at pag-aari ng mga tauhan nito, maging ang mga
miyembro ng komunidad kung saan tayo ay kumikilos. Pinananatili ng Kumpanya ang Plano sa Pamamahala sa
Krisis (Crisis Management Plan). Sa anumang pagkakataon na nagkakaroon ng isyu sa mundo ng Colgate sangkot
ang mga krisis na may kinalaman sa kalikasan, sa ating mga produkto, o sa buhay o kaligtasan ng mga tauhan ng
Colgate o ng ibang tao, kailangan mong makipag-ugnayan sa pinuno ng iyong yunit o ng dibisyon, na siya namang
makikipag-ugnayan sa mga miyembro ng Grupo sa Pamamahala ng Krisis (Crisis Management Team). Kung
nais mong madagdagan ang iyong kaalaman tungkol sa Plano sa Pamamahala ng Krisis, maaari kang makipagugnayan
sa Pandaigdigang Seguridad (Global Security). Ang Departamento ng Pandaigdigan Seguridad (Global
Security Department) ay maaaring kausapin sa pamamagitan ng pagtawag sa 001-212-310-3333. Ang numerong
ito ay maaring tawagan 24/7 at sinasagot ng isang tao na direktang makikipag-usap sa iyo.
Colgate-palmolive company 21