KOdA ng PAg-AAsAl - Colgate

Etikal ang pakikipag-negosyo natin sa mga pamahalaan.
Hindi ka dapat gumawa ng paraan upang impluwens’yahan ang paghuhusga o asal ng sinumang empleyado
ng pamahalaan, sa pamamamagitan ng pangangako ng mga regalo o iba pang benepisyo, o ng anumang ilegal
na panghihikayat. Kaya, importante na hindi ka magbigay ng anumang regalo, libangan, o ibang bagay na may
makabuluhang halaga, sa isang employado ng pamahalaan, maliban na lamang kung nilinaw mo ito sa Legal.
Dagdag pa rito, sa ilan sa mga tukoy na batas sa lobbying, maaaring kailangangin ng Kumpanya at/o ang mga
tauhan nito na magpatala at mag-ulat bilang isang lobbyist, kung ang isang tauhan ng Colgate ay nakikipagusap
sa isang empleyado ng pamahalaan para sa layuning maimpluwensyahan ang batas o ilang mga tukoy na
opisyal na pagkilos. Kung ikaw ay sangkot sa ganitong mga gawain, kailangang ipagbigay-alam mo ito sa Legal.
Ang paninindigan ng Colgate na makipag-negosyo ng legal at etikal sa mga pamahalaan ay sumasaklaw sa
buong daigdig. Ang patakaran ng Kumpanya, ang U.S. Foreign Corrupt Practices Act, at ang mga katulad na
mga batas laban sa panunuhol sa buong mundo, ay nagbabawal sa ating mga tauhan o kanilang mga ahente
na magbigay o maghandog ng pera o anumang bagay na may halaga – maging pera man ito o hindi, o maging
direkta o hindi direkta, sa pamamagitan ng paggamit ng ibang tao – sa sinumang banyagang opisyal (tulad ng
empleyado ng banyagang pamahalaan, banyagang partidong politikal, o opisyal o kandidato ng partido para sa
banyagang politikal na posisyon, upang hikayatin ang opisyal na ito na impluwensyahan ang anumang pagkilos
o desisyon ng pamahalaan, o tulungan ang Kumpanya na makakuha o mapanatili ang negosyo.
Upang matiyak na hindi mo nilalabag ang pamantayan na ito, patakaran ng Kumpanya na, maliban na lamang sa
isinasaad sa batas na mga bayarin (halimbawa, kailangang bayarin sa permiso o lisensya), walang pagbabayad o
pagbibigay ng mga regalo na may kinalaman sa mga gawaing pang-negosyo ng Kumpanya ang gagawin sa mga
banyagang opisyal, direkta man o hindi, maliban na lamang kung inaprubahan ito nang mas maaga ng Legal at
sinasabing ito ay legal sa ilalim ng batas ng Estados Unidos at iba pang angkop na batas.
Laging maging direkta o tapat sa pakikipag-ugnayan at pakikipag-usap sa mga empleyado ng pamahalaan.
Anumang pananadyang maling mga pahayag sa mga empleyado ng pamahalaan (pasalita o nakasulat), at
partikular sa anumang maling pahayag na sinumpaan, ay maaaring maglagay sa Kumpanya o sa mga tao nito
sa pagbabayad ng malaking multa.
Para sa mas detalyadong gabay sa mga patakaran ng Kumpanya sa bagay na ito, tingnan ang “Mga Gabay ng
Colgate-Palmotive para sa Foreign Corrupt Practices Act ng Estados Unidos” (Colgate-Palmolive Guidelines
on the U.S. Foreign Corrupt Practices Act) at ang “Mga Gabay ng Colgate-Palmolive sa Relasyong Pang-negosyo
sa mga Entidad ng Pamahalaan” (Colgate-Palmolive Guidelines on Business Relationships with Government
Entities), na makikita sa Mga Gabay sa Pagsasagawa ng Negosyo ng Kumpanya.
Itinatago natin ang mga talaan ayon sa batas.
Sumusunod tayo sa lahat ng mga batas at regulasyon patungkol sa pagpapanatili ng mga talaan ng Kumpanya
(kasama ang mga pisikal na dokumento at datos na elektroniko) Ang Programa sa Pagpapanatili ng Talaan
ng Kumpanya ang nagtatakda ng mga patakaran at pamamaraan ng Kumpanya na may kinalaman sa mga
pagtatago ng talaan na dapat sundin ng lahat. Ang kopya ng Programa sa Pagpapanatili ng Talaan ng Kumpanya
ay maaaring makuha sa Global Legal Organization. Alamin sa Legal o sa departamento ng pinansyal, para sa
mas detalyadong gabay sa pagpapanatili ng talaan na angkop sa iyong yunit ng negosyo.
Kung may nalalaman ka, o iniulat sa iyo ang pagkakaroon ng subpoena, demanda o napipintong imbestigasyon
ng pamahalaan, kaagad na kausapin ang Legal. Sa ganitong sitwasyon, kailangan mong panatilihin lahat ng
mga talaan na mamaaring makasagot sa subpoena, o mahalaga sa demanda, o maaaring may kinalaman sa
imbestigasyon, anuman ang mga rekisitos ng Programa sa Pagpapanatili ng Talaan. Hindi mo dapat sirain o
baguhin ang mga ganitong talaan, sapagkat ang hindi tamang pagsira ng mga talaan ay may mabigat na bunga –
kasama na rito ang bayaring sibil at/o kriminal – para sa Kumpanya at para sa iyo bilang tao. Kung mayroon
kang tanong kung ang isang talaan ay magagamit sa isang imbestigasyon, demanda o subpoena, makipagugnayan
sa Legal bago sirain ang talaan na ito.
18 KODA NG PAG-AASAL