KOdA ng PAg-AAsAl - Colgate

ANG PAKIKIPAG-UGNAYAN NATIN SA
PAMAHALAAN AT SA BATAS
Sinusunod natn ang lahat ng mga batas na nagsasaayos sa negosyo ng Colgate. Totoo, patakaran
natin na lagpasan ang mga titik ng batas at sumunod sa ispiritu nito, o sa nais na ipahiwatig nito.
Ugaliin ang sumangguni sa Legal, sa mga pagkakataong hindi ka sigurado.
Sumusunod tayo sa mga batas sa kumpetisyon/batas – antitrust.
Patakaran ng Colgate na lahat ng mga kawani nito ay ganap na sumusunod sa mga batas sa kumpetisyon
(kilala bilang antitrust laws sa Estados Unidos) ng bawa’t bansa, estado at lokalidad, kung saan may negosyo
ang Colgate. Ang layunin ng mga batas sa kumpetisyon ay protektahan ang proseso ng kumpetisyon, upang
makinabang ang mga gumagamit ng ating produkto. Ang mga batas sa kumpetisyon ang nagtitiyak na ang mga
kumpanya ay lumalaban upang makuha ang negosyo sa pamamagitan ng pagbibigay nang mas mabababang
presyo, mga makabagong produkto at mas maayos na serbisyo, at hindi sa pamamagitan ng pakikialam sa
mga puwersa sa pamilihan ng tustos at pangangailangan (supply and demand). Pinoprotektahan din ng
mga batas sa kumpetisyon ang mga kumpanya mula sa pandarambong o sa hindi patas na mga pagkilos ng
mga nangingibabaw na mga kumpanya, para maging bukas at patas ang lahat sa larangan ng kumpetisyon.
Sinusuportahan ng Colgate ang mga hangarin ng mga batas sa kumpetisyon. Naniniwala tayo na ang ating
Kumpanya ay mas makakaganap ng pinakamahusay sa isang pamilihan na mayroong kompetisyon.
Totoong ang bawa’t bansa ay nagpasa ng mga batas sa kumpetisyon. Responsibilidad mo na maintindihan/
alamin ang mga batas kung saan ka nag-nenegosyo, at humingi ng gabay mula sa abogado ng iyong yunit o sa
CorporateLegal Department, kung kinakailangan. Kailangan mong sumunod sa kung ano ang nakasulat, at sa
ispiritu ng mga angkop na batas.
Ang mga batas sa kumpetisyon sa buong mundo ay nagbabawal sa mga kasunduan sa pagitan ng mga and’yan
na o potensyal na mga ka-kumpetensya, na nakakasama sa kumpetisyon. Ang susi sa pagsunod ay ang pagiging
malaya. Kailangang kumilos ang Colgate nang malaya sa mga gawaing pang-negosyo nito – pagtatakda ng
mga presyo, disk’wento, promosyon, at mga kasunduan sa pagbili at pagtitinda; pagpili ng mga kostumer, mga
tagapamahagi at mga supplier; at pagpili ng mga produktong gagawin, at magkano ibebenta. Importanteng
tandaan na ang isang ilegal na kasunduan ay hindi kinakailangang pormal ang pagkakasulat o nakasulat.
Maaaring ito ay kasunduan sa salita lamang o naipahiwatig sa kilos-negosyo, o mga komentaryo sa mga
dokomento. Ang isang kasunduan ay hindi kinakailangang tagumpay na naipatupad upang maging ilegal.
Iniuutos din ng mga batas sa kumpetisyon ang mga partikular na limitasyon sa mga pakikipag-ugnayan sa
mga mamimili at mga tagapamahagi. Sa nakararaming mga bansa, anumang pagtatangka na ipagkait sa mga
mamimili o tagapamahagi ang kanilang kalayaan na itakda ang mga presyo, mga kasunduan at kundisyon sa
pagbebenta, o lagyan ng hindi-makatw’rang limitasyon ang kanilang karapatan na malayang makapagpatakbo, ay
lumalabag sa mga batas sa kumpetisyon.
Ang mga pinsala sa Colgate at sa mga tao nito na dulot nang hindi pagsunod sa mga batas sa kumpetisyon, ay
lubos na seryoso. Ang paglabag sa ilang mga batas sa kumpetisyon ay maaaring mapunta sa pagbabayad ng
multa o pagkakulong para sa mga indibidwal na sangkot, at higit na mas mabigat na multa para sa Kumpanya.
Dagdag pa rito, kahit na walang kriminal na pag-uusig, maaaring isampa ang kasong sibil upang makuhang muli
ang mga danyos at bayad sa abogado.
Sa tuwing mayroon kang pagdududa kung ang iniisip na pagkilos ay maaaring magkaroon ng mga isyu sa ilalim
ng mga batas sa kumpetisyon, kailangan mong sumangguni sa Legal.
Para sa karagdagang impormasyon ukol sa isyu ng kumpetistyon/antitrust, mangyaring sumangguni sa Gabay ng
Colgate-Palmolive ukol sa Kumpetisyon sa Loob at Labas ng Bansa (Colgate-Palmolive International Competition
Guidelines), na makikita sa Mga Gabay sa Pagsasagawa ng Negosyo ng Kumpanya.
16 KODA NG PAG-AASAL