KOdA ng PAg-AAsAl - Colgate

More documents

Recommendations

Info

ANG PAKIKIPAG-UGNAYAN NATIN SA MGA GUMAGAMIT NG ATING MGA PRODUKTO Ang ating reputasyon ay nakatatag batay sa kalidad at ligtas na paggamit ng ating mga produkto. Ang ating paninindigan sa kalidad at kaligtasan ay mahalaga sa patuloy na paglago at tagumpay ng ating Kumpanya. Itinatakda natin ang pinakamataas na pamantayan para sa ating mga produkto. Naninindigan tayo sa pagtitiyak na mapag-kakatiwalaan ng mga konsumer ang mga produkto ng Colgate, bilang mga produktong tunay na maaasahan, may kalidad at napakahusay ang pagka-gawa. Dagdag pa sa paglilingkod sa bilyon-bilyong mga tao sa mga pamilihan kung saan tayo ay nagnenegosyo, kailangang palagi tayong nagsisikap na malikha ang ating mga produkto sa pinakamahusay na posibleng paraan, upang ang mga ito ay maging abot-kaya sa nakararaming mga gumagamit ng ating mga produkto. Ang mga produkto na ibinebenta ng Colgate ay hindi lamang dapat na makasapat sa lahat ng pamantayan sa kaligtasan na itinakda ng batas, ngunit pati na rin sa kadalasan ay mas mahigpit pang mga pamantayan ng ating Kumpanya. Lumalahok tayo sa mga programa upang magbigay ng maagang tulong sa mga gumagamit ng ating mga produkto sa mga kasong kaugnay ng pakikialam sa produkto (product tampering) o sa maling paggamit. Ang kalusugan ng gumagamit ng ating mga produkto at ang kahusayan ay pangunahing alalahanin para sa atin, at bilang kawani ng Colgate, responsibilidad mo na kaagad na iulat ang anumang mga situwasyon na kinaharap mo, na may kaugnayan sa kalidad ng produkto o kaligtasan, sa pinuno ng iyong yunit ng negosyo. Tumutugon tayo sa mga gumagamit ng ating mga produkto. Sapagkat ang ating negosyo ay mga produktong pang-consumer, ang ating tagumpay ay nakasalalay sa kasiyahan ng mga gumagamit ng ating produkto, sa kanilang tiwala at sa pagkakaroon ng magandang pagtingin sa ating produkto. Makakamit natin nang lubos ang ating mga layunin at mapaglilingkuran ang mga pangangailangan ng mga gumagamit ng ating produkto sa pamamagitan ng pagsunod sa isang matatag, patas at sensitibong programang pang-komunikasyon para sa mga gumagamit ng ating produkto. Kinikilala natin ang kahalagahan ng paghahanda at pagtitiyak sa pagtugon sa pangangailangan ng mga gumagamit ng ating produkto, at mga pagkatig sa ating mga produkto. Naniniwala rin tayo na ang mga opinyon ng mga gumagamit ng ating produkto. Ang mga alalahanin at mga katanungan na ipinarating sa Kumpanya ukol sa ating mga produkto ay mga importanteng pinanggagalingan ng impormasyon. Ang mga pangangailangan ng mga gumagamit ng ating produkto ay palaging nagbabago, kaya kailangang patuloy tayong nakikinig sa kung ano ang mga gusto ng mga tao, at gamitin ang ating pagka-malikhain upang mabigyang kasiyahan ang mga ganitong nagbabagong pangangailangan. Kapag ang isang gumagamit ng ating produkto ay nagpahayag ng pagka-dismaya, kaagad nating hinaharap ang problema, nang magalang at patas, at ginagawa natin ang resonableng pagkilos na mapanatili o mapanumbalik ang mabuting pangalan sa gumagamit ng ating produkto, pati na ang patuloy nilang pagbili ng mga produkto ng Colgate. 14 KODA NG PAG-AASAL
Ang ating patalastas ay eksakto. Ang isa sa pinakamahalagang aspeto ng ating negosyo ay ang pag-aanunsyo. Ang patalastas ay dapat na malikhain at may laban, ngunit kasabay nito ay totoo at tama, hindi nanlilinlang, at naaayon sa mga angkop na batas. Ang ating patalastas ay dapat ding umiwas sa anumang pagkakahon (stereotyping) sa mga tao batay sa mga katangiang tulad ng lahi, relihiyon, bansang pinagmulan, etnikong pinagmulan, kulay, kasarian, kasariang pagkakakilanlan, edad, pagka-mamamayan, oryentasyong sekswal, kalagayan bilang beterano, estadong sibil o kung may asawa o wala, kapansanan o anumang katangian na pinoprotektahan ng batas. Nililikha ng patalastas ang higit pa sa imahe ng produkto. Itinatatag nito ang ating reputasyon bilang kumpanyang maaasahan, masasandigan at mapapagkatiwalaan. Dagdag pa dito, nag-iingat tayo sa pagpili ng media kung saan ang ating mga mensahe o patalastas ay ilalabas. Hindi natin pinahihintulutan ang ating mga patalastas na lumabas sa mga programa sa telebisyon o sa anumang lugar na gumagamit ng walang basehan o sobrang karahasan o seks o mga labag sa lipunan, o masama ang epekto sa reputasyon ng Kumpanya o ng mga produkto. Iginagalang natin ang mga pamantayan ng pagkakaroon nang patas na pagpapatalastas o commercial fairness, paggamit at pamimili ng anunsyo, trademarks o mga tatak-kalakal, at mga disenyo, nang sa gayon ay magtagumpay ang ating mga produkto, batay sa lakas ng kanilang sariling kalidad at dahil sa ating reputasyon, sa halip na sa pamamagitan ng paggaya o pagsakay sa mabuting pangalan ng ating mga ka-kumpetensya. Kinakailangan sa commercial fairness ang: • Mahigpit na pagsunod sa mga lokal na rekesitos na pang-legal, na gumagalang sa batas ukol sa paglabag sa mga karapatang kaugnay ng isang tatak-kalakal o trademark infringement, at di-patas na kumpetisyon. • Iniiwasan ang pangongopya sa mga kilalang tatak-kalakal, mga islogan, mga tema ng anunsyo at mga graphics na ginagamit ng mga kumpanyang may operasyon sa maraming mga bansa, at ginagamit ng ng mga ka-kompitensiya sa rehiyong labas sa iyong lokalidad. Para sa mas detalyadong talakayan ukol sa mga gabay ng Kumpanya para sa pagpapatalastas,tingnan ang “Gabay ng Colgate-Palmolive sa Pagpapatalastas (Colgate-Palmolive Advertising Guidelines) at ang Pahayag ng Patakaran ng Colgate-Palmolive ukol sa Pagsasalugar ng mga Patalasta (Colgate-Palmolive Advertising Placement Policy Statement), na matatagpuan sa Mga Gabay sa Pagsasagawa ng Negosyo ng Kumpanya. Iginagalang natin ang pagka-pribado ng mga gumagamit ng ating produkto. Iginagalang natin ang kaparatan sa pagka-pribado ng mga gumagamit ng ating produkto. Patakaran ng Colgate na mangalap, mag-proseso, gamitin at panatilihin ang mga personal na impormasyon galing sa mga gumagamit ng ating produkto, para lamang sa pagsunod sa angkop na mga batas, kasama ang mga batas na may kinalaman sa pagkalap at paggamit ng personal na impormasyon mula sa mga menor de edad, at gawin ang lahat ng mga makat’wirang hakbang upang pangalagaan ang mga naturang impormasyon. Sa kanilang mga pakikipagtulungan sa Colgate, sa pamamagitan ng mga kahilingan ukol sa impormasyon sa produkto o paglahok sa mga kumpetisyong itinaguyod ng Kumpanya, halimbawa, ang mga gumagamit ng ating produkto ay maaaring magbigay ng partikular na personal na impormasyon tulad ng pangalan, tirahan, at email, sa Kumpanya. Ginagamit natin ang mga ganitong impormasyon para lamang sa mga kadahilanang ito ay ibinigay sa atin, maliban na lamang kung magbigay ng pahintulot ang gumagamit ng ating produkto para sa ibang paggamit, at ayon din sa kinakailangan para sa layuning kaugnay ng pagtatago ng mga talaan. Patakaran natin ang hindi pagbabahagi ng mga personal na impormasyon tungkol sa mga gumagamit ng ating produkto sa mga ikatlong partido, maliban na lamang kung kinakailangan sa pagbibigay ng mga serbisyo sa mga gumagamit ng ating produkto, o kaya naman ay upang sumunod sa angkop na mga batas at regulasyon. Ang mga batas ukol sa pagka-pribado ng mga gumagamit ng ating produkto ay kadalasang lalo pang pinagaganda at inaayos. Naninindigan tayo sa pagsubaybay sa patuloy na pinabuting mga batas ukol sa pagkapribado at sa mga pamantayan, at maaaring, manaka-naka ay gumawa ng partikular na mga patakaran batay sa mga nabanggit. Colgate-palmolive company 15
Page 1 and 2: KOdA ng PAg-AAsAl
Page 3 and 4: I s a n g M e n s a h e m u l a s a
Page 5 and 6: TUNGKOL SA KODA NG PAG-AASAL Ang at
Page 7 and 8: Kumpanya. Sa huli, ang mga pagsusum
Page 9 and 10: pagpapasiya sa pagtitiyak na ang mg
Page 11 and 12: doon sa inilarawan sa mga dokumento
Page 13 and 14: ANG PAKIKIPAG-UGNAYAN NATIN SA ATIN
Page 15: Ang Koda ng Pag-Aasal ng Colgate ay
Page 19 and 20: Sumusunod tayo sa mga batas sa segu
Page 21 and 22: Sumusunod tayo sa mga regulasyon ng
Page 23 and 24: Ipinapakita natin ang ating paninin
Page 25 and 26: ANG PAKIKIPAG-UGNAYAN NATIN SA MGA
Page 27 and 28: HUMINGI NG GABAY AT IULAT ANG MGA A
Page 29 and 30: Ang Koda ay sumasakop sa lahat ng m
Page 31 and 32: Maaari kang makipag-ugnayan sa Glob
Page 33: T. Ang proseso ba ng pagtugon sa hi

KOdA ng PAg-AAsAl - Colgate

Create successful ePaper yourself

Delete template?

Save as template?