KOdA ng PAg-AAsAl - Colgate

ANG PAKIKIPAG-UGNAYAN NATIN SA
IBANG MGA NEGOSYO SA LABAS
Ang bawa’t isa sa atin ay responsable sa kung paano tayo tinatanaw ng mga tagapagtustos (suppliers)
at ng mga mamimili. Mahalaga na mapanatili natin ang ating reputasyon sa pagiging tapat at sa
pagpapairal ng patas na pakikipag-ugnayan sa mga grupong ito.
Etikal tayong nakikitungo sa ating mga tagapagtustos at mga mamimili.
Ang layunin natin sa pagsasagawa ng ating operasyon sa pamimili (purchasing operations) ay upang matiyak
ang patuloy at maaasahang pinagkukunan ng mga materyales. Ang tapat na pakikipag-ugnayan sa mga
mamimili at mga tagapagtustos ay mahalaga para sa isang wasto, tumatagal na mga relasyon. Dahil dito,
tinitingnan natin ang ating mga tagapagtustos bilang mga kapareha at inaasahan natin na magkaroon sila
ng makatuwirang tubo. Ibinibigay natin sa lahat ng maaring ating maging mga tagapagtustos ang patas at
magkakatulad na konsiderasyon. Ang mga desisyon ay nakabatay sa mga walang kinikilingang pamantayan,
tulad ng presyo at kalidad kasama ang katapatan at integridad ng mga magtitinda. Ang pagbibigay at
pagtanggap ng mga kickback, mga suhol o anumang katulad na uri ng mga pagbabayad ay ipinagbabawal.
Hindi tayo nagbibigay ng mga personal na tulong sa mga mamimili sa mga presyo, mga promotional
allowances, tulong sa pag-aanunsiyo o mga kahalintulad nito; tinatrato natin ang lahat ng mamimili sa
magkatulad na basehan sa pagnenegosyo. Ang mga ugnayan sa mga mamimili at mga tagapagtustos ay
tinatalakay sa bahagi ng Kodang ito na tumutugon sa ating mga responsibilidad sa ilalim ng mga batas sa
kumpetisyon/antitrust (mga batas na dinisenyo upang mabigyan ng proteksyon ang kalakalan at komersiyo sa
mga hindi patas na gawain gawain sa negosyo).
Hindi tayo tumatanggap ng mga regalong hindi angkop.
Hindi nararapat na magbigay at tumanggap ng mga regalo, bayad o iba pang benepisyo upang
maimpluwensiyahan ang anumang desisyon sa negosyo. Kung intensyon mo na magbigay o tumanggap
ng regalo o ibang benepisyo na higit pa sa itinuturing na maliit na halaga lamang ($50 dolyares ng Estados
Unidos), kailangan mong kausapin ang Legal o ang Global Ethics and Compliance bago gawin ito, para
makapagbigay muna sila ng pahintulot. Gayon din, ipapalagay na maaari ka lamang na tumanggap ng regalo
na maliit lamang ang halaga mula sa isa lamang na pinanggalingan, isang beses sa bawa’t taon ng kalendaryo.
Kung magiging kahiya-hiya para sa Kumpanya kung hindi mo tatanggapin ang isang partikular na regalo na
lagpas sa maliit na halaga, ang pangtanggap mo ng regalo ay dapat iulat sa Legal. May abogado na tutulong sa
iyo upang alamin ang angkop na pamamaraan ng pagpapasiya. Dagdag pa dito, huwag makapag-ayos para sa,
o tumanggap ng regalo, bayad o ibang benepisyo na lagpas sa maliit na halaga, sa pangalan ng isang miyembro
ng malapit na pamilya mula sa sinuman, kung kanino ang Kumpanya ay may relasyong ukol sa negosyo, o nais
na magkaroon ng relasyon sa negosyo. Sundin ang panuntunang ito: huwag tatanggap ng regalo o serbisyo kung
ito ay maglalagay sa iyo sa alanganin, o kung maaaring dahil dito’y malagay ka sa kompromiso. Hindi kasama
dito ang paminsan-minsang paglabas para kumain habang nag-uusap ng negosyo, na maaaring gantihan, o mga
regalong maliliit lamang ang halaga.
Dapat mong malaman na may mga natatanging panuntunan na gumagabay sa akmang kilos sa pakikipagugnayang
pang-pederal, estado, lokal o sa mga banyagang pamahalaan na naiiba sa panuntunan sa pakikipagugnayan
sa mga kumpanyang hindi pang-pamahalaan. Sa pangkalahatan, hindi ka maaaring mag-alok o
magbigay sa mga kawani ng gobyerno ng anumang regalo, pabuya o bagay na may halaga, kasama ang pagkain
o paglalakbay, maliban na lamang kung pinahintulutan ito ng Legal.
12 KODA NG PAG-AASAL