KOdA ng PAg-AAsAl - Colgate

More documents

Recommendations

Info

sa email. Kasama rin dito ang voice mail at iba pang mga voice system, mga fax machine, mga telepono, digital assistant (katulad ng Blackberry), instant messaging at impormasyong nakuha o na-download mula sa/o ikinalat sa pamamagitan ng Internet at Intranet ng Colgate. Sakop din sa Information Technology Resources ang pagpasok sa network ng Colgate at email mula sa computer na hindi pagmamay-ari, inuupahan o inarkila ng Colgate (tulad ng mga computer na pang-tahanan). Ang lahat ng Information Technology Resources ng Colgate ay pag-aari ng Colgate, kung saan kasama ang lahat ng impormasyon na nalikha, nakatago o naipasa gamit ang Information Technology Resources ng Colgate. Ang natatanging impormasyon na hindi itinuturing na pag-aari ng Kumpanya ay ang impormasyon na nakalap sa panahon ng personal na paggamit ng Information Technology Resources ng Colgate o impormasyon na pinaniniwalaang hindi pag-aari ng Kumpanya, sa ilalim ng mga naaangkop na batas at regulasyon. Ang Information Technology Resources ng Colgate ay dapat gamitin para sa mga layunin ng pagnenegosyo ng Colgate. Ang mga sumusunod ay ipinagbabawal: • Pangliligalig, pagtatangi, nakakasirang-puri, palsipikado, o mga mensaheng may pagbabanta, kasama iyong mga pag-atake sa lahi, kasarian, edad, oryentasyong sekswal, relihiyon, mga paniniwalang politikal, bansang pinanggalingan, kapansanan, etnisidad o etnikong pinagmulan, estadong beterano, kasariang pagkakakilanlan o iba pang katangiang pinoprotektahan ng angkop na batas. • Pagpapadala, pag-pagpasok, pagtatago ng anumang uri ng pag-atake o malaswang mga komunikasyon o mga materyal. • Walang pahintulot na pamamahagi ng mga impormasyon ukol sa pagmamay-ari, lihim o mga sikreto sa kalakal ng Colgate. • Pagiging sanhi ng at pagpapahintulot sa paglabag sa seguridad o pag-abala ng network communication, at/o hindi tamang pagsisiwalat ng iyong password sa iba, o pagpapahintulot na gamitin ng iba ang iyong password. • Paglabag sa mga karapatan ng sinumang tao o kumpanya na protektado ng karapatang-ari (copyright), sikreto sa pangangalakal, patent o iba pang karapatang may kaugnayan sa ari-ariang pangkaisipan (intellectual property rights), o mga kahalintulad na mga batas o mga regulasyon. • Paglabag sa mga karapatan sa pribadong buhay ng sinumang tao na protektado ng angkop na batas. • Pangangalap para sa anumang organisasyon sa labas, pakikipagsapalaran (venture) o laban (cause) na walang kaugnayan sa Colgate, kasama, halibawa, ang anumang organisasyong komersiyal, relihiyoso o politikal, pakikipagsapalaran o laban. Liban sa mga nililimitahan ng mga angkop na mga batas, inirereserba ng Colgate ang karapatan na subaybayan ang mga kagamitan, mga sistema, at mga gawain ng network, kasama ang, ngunit hindi limitado sa, email, voice mail, paggamit ng Internet, at anumang itinagong impormasyon, sa tamang mga pagkakataon at batay sa mga naaayong batas. Dagdag pa dito, para sa pagpapanatili ng mga operasyon, seguridad, negosyo, mga pangangailangang kaugnay ng batas at regulasyon, ang mga pinahintulutang kawani at mga tagapagkaloob ng serbisyo na mula sa mga taga-ikatlong panig ay maaaring magkaroon ng hindi limitadong pagpasok sa impormasyon sa Information Technology Resources ng Colgate, sa kabuuang sakop na pinapahintulutan ng batas. Inirereserba ng Colgate ang karapatang ihinto ang pagpasok ng sinumang gumagamit sa Information Technology Resources ng Colgate, anumang oras, may pauna mang pabatid o wala. Para sa ibang pang mga detalyadong impormasyon ukol dito at iba pang mga paksa, sumangguni sa Business Practices Guidelines ng Kumpanya. 10 KODA NG PAG-AASAL
ANG PAKIKIPAG-UGNAYAN NATIN SA ATING LUPON NG MGA DIREKTOR Masuwerte tayo sa pagkakaroon ng grupo ng mga tanyag na indibidwal na naglilingkod bilang Lupon ng mga Direktor (Board of Directors) ng Kumpanya, na nagbibigay ng payo, gabay, at pamumuno na mahalaga para sa ating patuloy na pagtatagumpay. Dahil sa kanilang kolektibong karanasan sa negosyo, edukasyon, serbisyo sa publiko, karanasang sa loob at labas ng bansa, tagumpay sa larangan ng edukasyon, moral at etikang pagkatao o pagkakaiba-iba, ang ating Lupon ng mga Direktor ay nagbibigay ng epektibong pagmamatyag sa negosyo ng Kumpanya. Mayroon tayong independenteng Lupon ng mga Direktor. Ang kalayaan ay nagdudulot ng integridad at pananagutan. Ang patakaran ng Colgate ay magkaroon ng Lupon ng mga Direktor na binubuo unang-una ng mga taga-labas na independenteng mga direktor. Ang lahat ng direktor na naglilingkod sa mga komite ng Lupon na siyang nagmamatyag sa pagsusuri, mga bagay na may kinalaman sa pagbabayad at pamamahala, ay independente. Walang mga direktor na nagkakapataw-pataw ang gawain o responsibilidad (interlocking directorships), at patakaran ng Kumpanya na walang independenteng direktor ang tatanggap ng anumang bayad sa pagiging konsultant, legal o anumang mga bayad na hindi naman para sa mga direktor, mula sa Kumpanya. Itinataguyod natin ang direkta at bukas na pakikipag-usap sa Lupon. Sa loob at labas ng silid ng lupon o boardroom, ang mga direktor ng Colgate ay may madalas at direktang ugnayan sa pangasiwaan/namamahala ng Kumpanya. Ang mga pangunahing tagapamahala na matatagal na (key senior managers) ay regular na sumasama sa mga direktor tuwing may pagpupulong ang Lupon at maraming mga impormal na sesyon at sila ay aktibong lumalahok sa mga madaliang talakayan ukol sa iba’t ibang situwasyon ukol sa negosyo. Sa pagitan ng mga palatuntunan ng pulong ng Lupon, ang mga direktor ay iniimbitahan upang, at kadalasan nga ay, kausapin ang mga namumunong tagapamahala (senior managers) para sa mga katanungan at mga mungkahi. Ang bunga ng pagiging bukas at matapat na pakikipag-usapan ay sumasalamin sa pangkalahatang kultura ng korporasyon ng Colgate, at nakakatulong sa Lupon upang aktibo nilang magampanan ang kanilang tungkulin sa pagpapaunlad at paggabay sa istratehiya sa negosyo ng Kumpanya. Tayo ay naninidigan sa pinakamahusay na pamamahala ng korporasyon. Ang Lupon ng Colgate ay namumuno sa pagbibigay-suporta sa mga inisyatiba para sa pamamahala ng isang korporasyon. Bilang sa sa mga nauna sa mga kasabayan nito na pormal na gumamit ng Koda ng Pag-Aasal na namamahala sa lahat ng mga ugnayan sa negosyo at gumawa ng mga karta para sa Board at mga komite nito, naipatupad ng Colgate ang napakahusay na pamamahala ng pagkilos ng isang korporasyon sa loob ng dalawampung taon, na siyang patuloy na pinauunlad at pinabubuti. Ang Lupon ng Colgate ay nasa gitna ng mga patakarang ito at mahigpit na naniniwala sa kaakibat nilang mahusay na pamamahala ng korporasyon, at ito ay lubos na nakakatulong sa ating pang-matalagang panahong pagtatagumpay sa negosyo. Para sa mas detalyadong talakayan ng programa sa pamamahala sa korporasyon ng Colgate, mangyaring tingnan ang Mga Gabay ng Colgate-Palmolive para sa Lupon ng mga Direktor ng Kumpanya ukol sa mga Isyung may kaugnayan sa Pamamahala ng Korporasyon (Colgate-Palmolive Company Board Guidelines on Significant Corporate Governance Issues) na makikita sa website ng Kumpanya. Colgate-palmolive company 11
Page 1 and 2: KOdA ng PAg-AAsAl
Page 3 and 4: I s a n g M e n s a h e m u l a s a
Page 5 and 6: TUNGKOL SA KODA NG PAG-AASAL Ang at
Page 7 and 8: Kumpanya. Sa huli, ang mga pagsusum
Page 9 and 10: pagpapasiya sa pagtitiyak na ang mg
Page 11: doon sa inilarawan sa mga dokumento
Page 15 and 16: Ang Koda ng Pag-Aasal ng Colgate ay
Page 17 and 18: Ang ating patalastas ay eksakto. An
Page 19 and 20: Sumusunod tayo sa mga batas sa segu
Page 21 and 22: Sumusunod tayo sa mga regulasyon ng
Page 23 and 24: Ipinapakita natin ang ating paninin
Page 25 and 26: ANG PAKIKIPAG-UGNAYAN NATIN SA MGA
Page 27 and 28: HUMINGI NG GABAY AT IULAT ANG MGA A
Page 29 and 30: Ang Koda ay sumasakop sa lahat ng m
Page 31 and 32: Maaari kang makipag-ugnayan sa Glob
Page 33: T. Ang proseso ba ng pagtugon sa hi

KOdA ng PAg-AAsAl - Colgate

Create successful ePaper yourself

Delete template?

Save as template?