MAELEZO MAFUPI YA MKUU WA MKOA WA KILIMANJARO MHE ...

MAELEZO MAFUPI YA MKUU WA MKOA WA KILIMANJARO
MHE: MOHAMMED A. BABU KWA MHE: WAZIRI MKUU KWENYE
UZINDUZI WA TOVUTI YA OFISI YA MKUU WA MKOA WA
KILIMANJARO – TAREHE 19 FEBRUARI 2009:
• Mhe. Mizengo Kayanza Peter Pinda (Mb) - Waziri Mkuu wa
Jamhuri ya Muungano wa Tanzania,
• Mhe. Katibu Tawala wa Mkoa Kilimanjaro,
• Wahe. Wakuu wa Wilaya,
• Mhe. Mstahiki Meya Manispaa ya Moshi,
• Wenyeviti wa Halmashauri za Wilaya,
• Wakurugenzi Watendaji, Halmashauri za Wilaya na
Manispaa,
• Makatibu Tawala wasaidizi Sekretarieti ya Mkoa,
• Wataalam na washauri wa Sekretarieti ya Mkoa,
• Wageni waalikwa,
• Mabibi na Mabwana.
Awali ya yote napenda kumshukuru Mwenyezi Mungu kwa kutujalia
sote kuona mwaka huu wa 2009. Napenda kukukaribisha sana katika
Makao Makuu ya Ofisi ya Mkuu wa Mkoa wa Kilimanjaro kutuzindulia
TOVUTI ya mkoa na kuongea na watumishi.
Mhe. Waziri Mkuu, Mkoa wa Kilimanjaro kwa ushirikiano na Wizara
yako, Ofisi ya Waziri Mkuu, Tawala za Mikoa na Serikali za mitaa
tumekuwa katika mchakato wa kuweka mfumo wa habari na
mawasiliano (TEKNOHAMA) katika ngazi ya mkoa na halmashauri za
wilaya kwa lengo la kutekeleza azma ya kuwa na serikali mtandao (e-
1

government). Kuimarika kwa matumizi haya ya (TEKNOHAMA)
kutasaidia sana kurahisisha utendaji kazi na kuongeza ufanisi katika
shughuli mbalimbali za kila siku ndani ya serikali, mkoa, halmashauri
za wilaya na wadau wengine.
Ili kukuza serikali-mtandao, mkoa umejiwekea malengo yafuatayo ya
utekelezaji;-
i) Utengenezaji na uboreshaji wa miundombinu ya mawasiliano
na vitendea kazi;
ii) Kuboresha na kuhimiza matumizi ya mifumo ya kompyuta
iliyopo pamoja na kutengeneza mifumo mingine kwa ajili ya
kurahisha kazi. Hii inakwenda sambamba na utoaji wa
mafunzo ya kompyuta kwa watumiaji wa mifumo katika ngazi
ya mkoa na halmashauri;
iii) Kufanya mawasiliano kwa kutumia mtandao;
iv) Kutuma na kupokea habari kwa kupitia mtandao.
Mhe. Waziri Mkuu, nafurahi kukujulisha kuwa hivi sasa mkoa
umefanikiwa kuwa na chumba cha darasa kwa ajili ya kutolea mafunzo
mbalimbali ya kompyuta na mifumo tuliyonayo, na tayari Wilaya ya
Moshi imeanza kupata mafunzo hayo. Mafunzo kwa wataalamu wa
sekretarieti ya mkoa na halmashauri zilizobaki yatafanyika baadaye.
Pia mkoa umefanikiwa kuboresha mitandao ya mawasiliano ya sauti
na data katika jengo la Mkuu wa Mkoa na kusimika mifumo mbalimbali
ya kurahisisha utendaji kazi wa ofisi. Gharama ya uanzishaji ni
shs.65,000,000/=.
2

Tovuti ya Mkoa wa Kilimanjaro inapatikana kwa anwani ya
www.kilimanjaro.go.tz. Anuani za tovuti za mikoa mingine ni
katika muundo huo na kwa jina la mkoa husika.
Katika TOVUTI ya mkoa wa Kilimanjaro taarifa mbalimbali za kisiasa,
kiuchumi na kijamii zinazohusu mkoa zitakuwa zinapatikana.
Taarifa hizi zinawezesha wadau ndani na nje ya Tanzania kupata
taarifa za mkoa na halmashauri ambazo ni muhimu sana katika
kupanga na kutoa maamuzi, kuhusiana na mipango ya maendeleo.
Mhe. Waziri Mkuu, uzinduzi wa TOVUTI hii unatupa changamoto ya
kuhakikisha kuwa teknolojia hii inawafikia wananchi wa kawaida .
Changamoto hizo ni pamoja na kutokamilika kwa mfumo wa kujenga
serikali mtandao (e-overment) katika halmashauri zote. Ninatoa wito
kwa kila halmashauri kuharakisha ufungaji, uboreshaji na utumiaji wa
teknolojia hizi kwa lengo la kuharakisha maendeleo kwa mkoa wetu
wa Kilimanjaro.
Mhe. Waziri Mkuu, baada ya maelezo hayo mafupi ya utangulizi, kwa
heshima na taadhima kubwa ninakuomba sasa utuzindulie TOVUTI
yetu ya mkoa yenye anwani www.kilimanjaro.go.tz na kuongea
na watumishi wa Sekretarieti ya mkoa na halmashauri.
KARIBU SANA.
3