BODI YA KOROSHO TANZANIA - cashewnut board of tanzania

BODI YA KOROSHO TANZANIA
TAARIFA YA UFUNGUZI WA UNUNUZI WA
KOROSHO MSIMU WA 2008/2009
BODI YA KOROSHO TANZANIA INAYO FURAHA KUWATANGAZIA
WAKULIMA NA WANUNUZI WOTE WA ZAO LA KOROSHO KUWA MSIMU WA
KOROSHO WA 2008/2009 UMEFUNGULIWA RASMI SIKU YA ALHAMISI
TAREHE 16 OKTOBA, 2008.
UNUNUZI KATIKA MKOA WA MTWARA UTAFUATA MFUMO WA
STAKABADHI ZA MAZAO MAGHALANI.
CHINI YA MFUMO HUU KOROSHO ZITANUNULIWA NA CHAMA CHA MSINGI
CHA USHIRIKA KATIKA MAGULIO YALIYOSAJILIWA, KWA KUWALIPA
WAKULIMA ASILIMIA SABINI YA BEI DIRA KWA KOROSHO DARAJA LA
KWANZA AMBAYO IMETANGAZWA NA BODI YA KOROSHO TANZANIA.
KOROSHO DARAJA LA PILI ITANUNULIWA KWA ASILIMIA MIA MOJA YA BEI
DIRA.
VYAMA VYA MSINGI VYA USHIRIKA VITAKUSANYA KOROSHO HIZO KWA
NIABA YA WAKULIMA NA KUZIPELEKA KWENYE MAGHALA
YALIYOSAJILIWA NA SERIKALI ILI KUTAFUTA WANUNUZI WA KOROSHO.
FEDHA YA KUWALIPA WAKULIMA INATOKANA NA MKOPO WA BENKI KWA
WAKULIMA ULIODHAMINIWA NA KOROSHO ZA WAKULIMA ZILIZOPO
MAGHALANI PAMOJA NA GARANTII YA SERIKALI
KOROSHO ZITAUZWA KWA MNADA UTAKAOFANYIKA MTWARA OFISI YA
BODI YA KOROSHO. WAKULIMA WATALIPWA MALIPO YA PILI ASILIMIA
THELATHINI BAADA YA KOROSHO KUUZWA MNADANI. AIDHA WATALIPWA
MALIPO YA TATU BAADA YA MSIMU KAMA FAIDA ITAPATIKANA KWENYE
MAUZO MNADANI
KWA MIKOA MINGINE KAMA LINDI, RUVUMA, PWANI, DAR ES SALAAM NA
TANGA, VYAMA VIKUU VYA USHIRIKA VITANUNUA KOROSHO KUPITIA
MAGULIO YALIYOSAJILIWA NA HALMASHAURI ZA WILAYA KWA FEDHA
1

TASLIMU ASILIMIA MIA MOJA. HAKUTAKUWA NA MALIPO YA PILI WALA
MALIPO YA FAIDA BAADA YA MNADA.
FEDHA ZA KUWALIPA WAKULIMA KATIKA MIKOA HIYO ZITATOKANA NA
MIKOPO YA BENKI KWA VYAMA VIKUU VYA USHIRIKA VINAVYONUNUA
KOROSHO.
WANUNUZI WOTE WA KOROSHO KATIKA MIKOA HII WANAELEKEZWA
WAKANUNUE KOROSHO KWENYE MAGHALA YA VYAMA VIKUU VYA
USHIRIKA NA SI VINGINEVYO.
KOROSHO HAI (ORGANIC CASHEW) ITATENGWA NA KUPANGWA KWA
KUFUATA VYAMA VYA USHIRIKA VYA MSINGI (PRIMARY COOPERATIVE
SOCIETIES) VILIVYOLIMA KOROSHO HIZO NA ZITAUZWA KAMA KOROSHO
HAI KWA KUFUATA TARATIBU ZOTE ZILIZOTAJWA HAPO JUU. ILI
KUPUNGUZA TATIZO LA UNYAUFU KATIKA MAGHALA LILILOJITOKEZA
MSIMU ULIOPITA. KILA CHAMA CHA MSINGI CHA USHIRIKA KITAUZA
KOROSHO ZAKE TU AMBAZO ZIMEINGIZWA MAGHALANI.
WANUNUZI WA KOROSHO WANAOMBWA WAFUATE TARATIBU HIZI ZA
UNUNUZI. WALE WATAKAOJARIBU KUKIUKA TARATIBU HIZI ZA UNUNUZI
NI WALANGUZI HIVYO KOROSHO ZAO ZITAKAMATWA NA KUUZWA KWA
VYAMA VYA USHIRIKA KWA BEI DIRA ILIYOTANGAZWA.
BODI YA KOROSHO INAYO FURAHA KUWATANGAZIA WADAU WOTE WA
SEKTA YA KOROSHO KWAMBA BEI DIRA YA MKULIMA KWA MWAKA
2008/2009 NI:-
DARAJA LA KOROSHO
MWELEKEO/BEI DIRA
(INDICATIVE PRICE)
1. KOROSHO DARAJA LA KWANZA (STD) TSHS. 675/= KWA KILO MOJA
2. KOROSHO DARAJA LA PILI (UG) TSHS. 540/= KWA KILO MOJA
TUNAWATAKIA MSIMU MWEMA NA WENYE MAFANIKIO WADAU WOTE WA
ZAO LA KOROSHO.
MKURUGENZI MKUU
BODI YA KOROSHO TANZANIA
S.L.P. 533
MTWARA
SIMU NA. 023 2 333303
FAX NA. 023 2 333536
2