Edukata shoqërore - Erik Botime

Mësimi 1.8
Këshilli i Evropës
1
Në përfundim të
mësimit nxënësit
do të jenë të aftë:
- të tregojnë ç’është Këshilli i Evropës;
- të vënë në dukje qëllimin e krijimit dhe ekzistencës së Këshillit të
Evropës;
- të renditni disa nga strukturat e kësaj organizate.
Fjalët kyçe: Këshilli i Evropës, Anëtarësi, Strukturat e Këshillit,
Të drejtat dhe Liritë Themelore të Njeriut
Metoda e përdorur: PNP
Mjetet mësimore: Informacionet e dhëna për KE-në dhe BE-në, flamurin e BE-së,
hartën memece të Evropës, flamujt e shteteve anëtare.
Struktura e mësimit:
P Parashikimi me terma paraprakë 5 min
N Harta e mendjes 30 min
P Marrëdhënie pyetje-përgjigje 10 min
Zhvillimi i mësimit:
Parashikimi me terma paraprakë
Kjo metodë nxit nxënësit të kenë kureshtje për të lexuar mësimin dhe për të
zhvilluar imagjinatën për një kuptim më të mirë të informacionit gjatë leximit.
Nxënësi vihet në rolin e një zbuluesi. Mësuesi shkruan në tabelë termat si dhe
vendos foto të flamurit e selisë së KE-së, ku nxënësit bëjnë lidhjen mes këtyre
termave dhe fotove me informacionin që do të marrin në mësimin e ri. Mësuesja
dëgjon përgjigjet e nxënësve dhe më pas vë të dëgjojnë himnin e Këshillit të
Evropës.
Ndërtimi i njohurive: Harta e mendjes
Mësuesja udhëzon nxënësit të lexojnë dhe të nënvizojnë pjesët kryesore të
mësimit, ndërkohë që shkruan në tabelë togfjalëshin “Këshilli i Evropës”.
Kjo metodë i bën nxënësit të kuptojnë se si lidhet informacioni brenda
përmbajtjes së një tabloje. Me anë të një skeme bëhet e mundur lidhja midis
koncepteve dhe ideve kryesore, të cilat paraqiten në mënyrë të strukturuar.
14